انخفاض كبير في سعر الباترول الجديد

[fof6666]

السلام عليكم

امس أخذت لي جولة سريعة بمعارض النسيم بالرياض

اللي لفت انتباهي سعر الباترول 2012 (طبعا خليجي)

أقل فئة se1 اوتو
بسعر 182 وقبل 3 شهور انا شاريه ب196
والسيارات موجودة في معرض ال جميح والمسند

الصراحة السعر مشجع جدا خصوصا اذا قارنته باللاند

والسلام عليكم

[البعير المغوار]

يمكن يبي يصفيه قبل موديل ٢٠١٣،

والله اعلم.

[أبو أسامة]

اخوي انت تتكلم على الاستاندر لكن الفل من الاس اي وفئة الال اي هي اللي ماسكه السعر والله يبارك للجميع بحلالهم ويرزقهم خير منها

[Bader-M]

وعليكم السلام
من المتوقع نزول اسعار السيارات اليابانية خلال الفترة القادمة
على كلام المحللين ولكن لست متاكد

[ديفون]

فعلا السيارات زادت عام 2012 وذلك بسبب الثورات وبسبب اتسونامي اليابان . ولكن الشاهد هنا ان اغلب السيارات اصبحت رديئة الصنع وذلك بسبب تجميعها خارج موطنها الاصلي . والخوف مستقبلا بان تقوم المصانع اليابانية بتجميع جميع سياراتها خارج اليابان . فان السيارة تسقط جودتها حين تجميعها خارج بلدها . وعلى ما سمعت وغير مؤكد بان GXR مجمع في تايلند . حيث ان الكورولا تم تجميعها في تايوان .

[المنيعي1]

الله يجعله ليته ينزل
ولكن النزول هذا طبيعي كل موديل جديد او ماينزل يكون زايد 10000 عن الي قبله وبعد فترة يرجع ينزل.

[معشوقي الصمان]

الله يعطيك العافية على الخبر ..

[- النشمي -]

وش مواصفات الاستاندر

[التعـ King ـديل]

عقبال مايصير ب 18.200 ريال

[تميم2222]

هذا سعره من قبل .. وين النزول اللي تقوله ؟؟ ...انا لاقيه قبل بهالسعر يمكن انت خذيته من معرض .وما سالت قبل عن سعره الحقيقي بالمعارض ..وبعض المعارض تضرب في الهامه بالاسعار تقبل مروري

[مطر وربيع]

السبب الرئيسي هو انخفاض سعر الين
الريال مربوط بالدولار والدولار قبل شهر او اكثر كان 77 -76 ين
والحين 82.6 وكل كان الدولار يسوى اكثر كل ماكان سعر الصناعات اليابانية ترخص
واتوقع انخفاض قريب لكل الصناعات اليابانية مو بس النيسان

[همسة صادقه]

يعطيك العافيه

[المنيعي1]

هذا سعره من قبل .. وين النزول اللي تقوله ؟؟ ...انا لاقيه قبل بهالسعر يمكن انت خذيته من معرض .وما سالت قبل عن سعره الحقيقي بالمعارض ..وبعض المعارض تضرب في الهامه بالاسعار تقبل مروري

مالك لواء يالحبيب
هذا سعر 2011 كان بـ 185
الـ 2012 أول مانزل بـ 196 وبعده بكم يوم بـ 192

[mekshaat]

لا 196 ولا 182 كلها تدور في بحر الغلاء واللي يقدر

على 182 ماهي رادته 196 كلام عدل والا يا اخوان .

[مكرم الضيف]

لا 196 ولا 182 كلها تدور في بحر الغلاء واللي يقدر

على 182 ماهي رادته 196 كلام عدل والا يا اخوان .

هذا الكلام كلها تدور ببحر الغلاء

ولو كل واحد صبر على سيارته وصلحها وتركنا المهايط عنا تنزل السيارات ولا تقف بحلوقهم لكن على قولت البنقالي (سعودي فلوس كتيييييييييييييييييييييييييييييير)