تكفون والله العظيم تحسفت من كثر السوال !

[قناص الجنوب11]

اخواني والله كل ماني التذكر السيارت الثلاث تحسف وقلت في نفسي؛( وش اخذ وفكرت وطالت الايام وانا افكر واتت الفكره وقلت ؛؛ مالك الى اهل مكشات ياقناص الجنوب)

تكفون عطونا علم الوكاد لاني راعي مقانيص وطلعات !

السيارات::؛

جيب ربع تويوتا نص فل خليجي 2012

جيب سزوكي جيمني فل كامل 2012

جيب ربع نيسان نص فل خليجي 2012



ها وعطونا بالتفصبل الممل ولدق التفاصيل×

[AxR979]

انا اقول هج عن السوزوكي و خلك بالباترول و الا التويوتا

[You Like Me]

اخوي قناص الجنوب
انا شفت كل مواضيعك اخوي
احسم امرك وعليك بالإستخارة
وشف اللي تهواه نفسك واللي ترتاح فيه
وخل عنك قول فلان وعلان
اذا كل يوم بتفتح موضوع والله بتتعب ولا راح تشتري
المشكلة بعض اللي يملي لك الشور مايملك السيارة ولا جربها
شف اللي تميل له نفسك
والله يعطيك خيرها ويكفيك والمسلمين شرها

[اسبيدر مان]

ياالغالي الباترول هو موتر القنص ماتحتاج سؤال
والله يكتب لك الى فيه الخير

[HAS5SAN]

يابن الحلال استخر الله سبحانه
وتراك حاط الربع في توقيعك
يعني القلب يميل للغالي
ولو لا سعر ربع النيسان كنت نصحتك فيه
حالياً انصحك بجيب التويوتا الخليجي 2012

[HCW]

يا صاحبي السوزوكي خارج المنافسه لضعف الامكانيات من ناحية قوة المكينه ولا هو موتر صبور و يتحمل.

النيسان قوي و يتحمل و احلى مافيه المكينة و مركبه مريح خصوصا بالنفوذ و الضلعان.

التويوتا قوي و يتحمل لاكن المكينة الجديده ضعيفه مقارنه بموديلات 2009 و تحت و كل المكينتين اضعف من الفتك النيسان.
يعيبة انه ضيق من داخل و مافيه راحة ابد خصوصا بالطرد والله من المطامر و قلبتة سريعه.

اذا تتكلم على المحركات و قوة التحمل انا اشوف الموترين سواء نيسان او تويوتا كلهم صبورات و يتحملون الجلد و انا واحد من الناس اللي امتلك النيسان ولا شفت منه اي مشاكل مع العلم ان استخدامي للموتر فيه جلد نوعا ما ولا عمري غيرت فيه غير الاستهلاكيات.
اما التويوتا الربع عند خويي و دايم نطلع نقنص سواء و موتره 2010 ولا فيه مشاكل ابدا غير انه غير مريح و يطامر.

يبقي الخيار او المفاضلة تعمد على ذوقك الشخصي اذا تهمك الراحه خلك مع النيسان و اذا ما تهمك الراحه خلك مع التويوتا.
اما الشكل الخارجي هذي مسالة ذوق شخصي.

التحمل و الصبر كلهم مثل بعض
اما السعر هذا يرجعلك و قناعتك بكل سياره و قدرتك المالية.

[التعـ King ـديل]

جيب ربع نيسان نص فل خليجي 2012

[محطم عنيد]

الباترول خذه وأنت مغمض

[كاشت وحداني]

اولا
طلع السوزوكي من السالفه
ثانيا
اذا مقناصك بالمنطقه الجنوبيه غالبا خذ الربع التويوتا
اذا مقانيصك بنجد والشمال يعني في رمال خذ الباترول
والاهم من ذلك الاستخاره والنفس وماتهوى


Sent from my iPhone using Tapatalk

[ابونبيل]

انت تبي ربع خذه قلبك معلق فيه

والي يقولون مكاين التايوتا ضعيفه

ترا يارب انه ربع يعني لو عليه 4 سلندر بيدهر ماشاء الله

انصح بالربع التايوتا واذا خايف من المكاين الجدد اطلع اقرب مرقى وشف حيله وقرر

[غواص وقناص]

اولا
طلع السوزوكي من السالفه
ثانيا
اذا مقناصك بالمنطقه الجنوبيه غالبا خذ الربع التويوتا
اذا مقانيصك بنجد والشمال يعني في رمال خذ الباترول
والاهم من ذلك الاستخاره والنفس وماتهوى


Sent from my iPhone using Tapatalk

انا اظم صوتي للصوتك
في الجنوب يتفكك النيسان
وقطع غياره لك عليها في الجنوب
لأنه ما له رغبه في الجنوب

واهم شيء الأستخارة

[تمنيتك لي]

أول شئ أستخر الله سبحانه وشف

وثآني شئ خذ لك ربع نيسآن لا مكينتة جت فتك 4800

[يزيد 999]

أخوي اذا تدور الراحه والامان والقوه والفخامه والمواصفات والشكل والرساوه= ربع فتك12
واذا تدور كسر الظهر ولا قدر الله الانقلاب السريع والداخليه اللي تجيب الهم والمواصفات اللي ماتغيرت من يوم طلع الربع والحذفه والتخبيط بسرعة البرق = ربع باترول

[باترول 4500]

جيب ربع تويوتا نص فل خليجي 2012 = نشيط (مكينته 4000 ) , غير مريح , سريع الإنقلاب

جيب سزوكي جيمني فل كامل 2012 = ماعندي أي معلومه عنه

جيب ربع نيسان نص فل خليجي 2012 = نشيط (مكينته 4800 أقوى من الربع ) , مريح , مواصفات حلوه

[بواسامه]

جيب ربع نيسان نص فل خليجي 2012 = نشيط (مكينته 4800 أقوى من الربع ) , مريح , مواصفات حلوه

وغيره تضييييييع وقت