محتار بين باثفايندر 2011وجي اكس ار 2008

[بنزرت]

واحد من الشباب محتار بين هالسيارتين واستشارني وقلت له الصراحه ما اقدر افيدك لاني ماجربت السيارتين مع بعض وقلت مالك الا نشاما مكشات يفيدونك قال طيب ... ورد لي ويش بيقولون قلت ابشر بالخير

[الربذي]

شوف اخوي
اولا يحكم رغبة الشخص نفسه تويوتا ولا نيسان يميل له اكثر
وبعدين الفئة تختلف ترا الباث تقابل البرادو بتايوتا
العزم والفزة الباث افضل من قومة الجي اكس ار واااجد
اذا الجي اكس ار موديل 2008 وجاي وفية مثبت سرعة قله يكتب وصيته قبل يثب السرعة .
موفق خير

[الربذي]

وترا 2007 وتحت اصبر واجلد من 2008 وطالع بس 2008 يتميز بهدو المشي اكثر بس يحرص على النظافة
وانا ارشح الباث لانها
جديدة ماتبي باذن الله مصاريف
اقوى عزم واهدى وارخص
وتحكمها عدد افراد العائلة
واذا محتار يستخير ويستاجر ويجرب

[قناص 28 عفيف]

ياخوي الفرق كبير جي اكس ار وباث فندر
لو قلت فورتنشر او ابرادو صح
بس انا عندي شور طيب بقيمه ابو تعليقه الجي اكس ار خله ياخذ فتك استاندر خليجي اصفار لاقيه ب 132 وبتلقى ارخص لو تدور

[بنزرت]

مشكورين يا اخون بس نحتاج مشورات اكثر
بالنسبه للرجال ماتهمه ماركه السياره

[عاشق السيل]

رغم عشقي للنيسان إلا إني أرشح اللاند !!

لأنه أكبر حجم وأفضل عند البيع ولا يحتاج حرص مثل الباث ،،

الباث يتميز عليه بخفة النفس وقوة الدعسة والنشاط فقط !!!

وإن طاع شوري ياخذ باترول طير شلوى ( أي موديل وأي فئة ) ....

[بو خليفه]

اشتر الباثفندر بسبب حدوثة الموديل

[مواسي الطعوس]

- 2008 هذا راح حلاه ...مع صاحبه الاول ....واذا اشتراه راح يكد عليه كل فتره عله . نكهة الموتر الجديد لحالها . 4 سنوات ماتحط شي .