بشرى: لأصحاب الباثفندر واللي معه سياره جنط (17)

[المنبسط]

السلام عليكم :
بالأمس كنت عند محلات الكفرات ولقيت نوع هانكوك مقاس 17 245-65 نفس مقاس شد البلد وسعرها في حدود 360 ريال والميشلان نفس المقاس بـ510 والدنلوب حقت البرادو بـ 410 طبعاً هذي الأسعار من الغرابي في الرياض.
المنبسط

[كبريت]

مشكور لكن وش اجود نوع فيهم

(( انا اخبر المشلان لانه الماني والاماني معروف))

[salehhd]

السلام عليكم

مشكور والله يبشرك بالجنة

بس ان شاء الله الاسعار تكون في الشرقية زيها وعلى فكرة شرايكم في الدنلوب على الباث ينفع

وسعر البرجستون كم

[غضنفر]

الهنكوك جربته على الباث جنط 16
لين مره ولا يتحمل الحصى والشوك ولا ينفع الا في النفد وسهل جدا انه ينشق مع الجمب
وهذا الي صار لي ان الكفر انشق مع الجمب
بالاضافة الى اني ما حسيت بفرق في النفد لأن كل المراقي الى رقيتها بالهنكوك رقيتها بالبرجستون
والتنسيم لازم تنسم

[المنبسط]

السلام عليكم :الله مسهم بالخير
أشكر الأخ ابو محمد والأخ salehhd والأخ بلاك باث على المرور
جربت البرجستون شد البلد والميشلان والحقيقة ما فيه مقارنة بين النوعين والميشلان على سيارتي الآن ومن أحسن ما يكون في الديرة و في النفود لكن عيبه أنه يزحف الموتر فيه أسرع من غيره (يعني إذا مريت مع مويه على طول يزحف)لكن كقوة وتحمل ماهقيت بألقى كفر مثله ومشيت عليه إلى الآن اكثر من 120000 ميه وعشرين الف وماشاء الله زي الحلاوة لكني بأغيرهن ومحتار بينه وبين الدنلوب , وعيب الدنلوب أنه اكبر من مقاس الوكالة شوي وتراني ما استغني عن رايكم يالكشاته .
المنبسط

[شبح الصحراء]

عز الله ان الهانكوك كفرات ممتازة لراعين البر ، انا كان معاي جمس صحن موديل91 وركبت كفرات الهانكوك مقاس 275 على 15 وبصراحة الكفرات ممتازة جداً واستخدمت الموتر سنتين ومافيه مشاكل مع الكفرات مع اني اطلع جبال صخرية ونفود ، وكنت دايم اقول احسن مافي جمسي كفراته لأن الموتر كان خرده بصراحه بس الهانكوك تمام .

[التميمي]

انا غيرت الكفرات قبل اسبوع
وبحثت في الغرابي
الدرجة الاولى مشلان بس غالي جدا
والثاني برجستن ( لازم بقشان الوكيل ) بسعر 435 لايال وانا ركبته 2005الاسبوع 47 اخر مانزل من الوكيل برجستون 2006 مانزل
والاخير الكوري هانكوك
اما غير الثلاثة ما وجدت الدنلوب كبير

[المنبسط]

السلام عليكم ورحمة الله وبركاته

مساكم الله بالخير يالربع انا احترت بين الدنلوب والميشلان اللي مركب الدنلوب يفيدنا (هل فيها ضرر على السيارة وهل تحك في الرفارف؟)ولكم جزيل الشكر

المنبسط

[ولد الشايب]

أنا مركب 265/65/17 ممتازه ولينه والموتر شكله أرز وأرفع شوي وبالتطعيس ما يحتاج تنسيم واجد
وسعرها حليو لكن تثقل على الموتر شوي

فالأفضل لك برجستون والأحسن منها ميشلان بس غالي شوي

[الكايف2]

يا الربع السلام عليكم انا قبل شهرين ركبت للباث فندر2002هنكوك علي 370ريال والله ايلا الآن كل شي زين البرجستون والانواع الثانيه غاليه مره البرجستون ركبتها ياالله خذت سنه عليكم بالهنكوك وتوكلوعلي الله

[عقيد الخيل]

والله الممتاز الدنلوب هو الممتاز لك وللزمن

[ابوجهاد]

مشكوروماقصرة

[المنبسط]

السلام عليكم و رحمة الله وبركاته
أشكر الأخوة جميعاً على مشاركتهم في الموضوع والله لايحرمكم الأجر فأكيد ان اللي استفادوا من الموضوع كثير
لكن أخوي الكايف2 هل جربت الدنلوب على الباث
المنبسط

[ولد الشايب]

أخوي المنبسط

أنا قصدي 265/65/17 هذا الدنلوب على الباث في المشاركة رقم 9

[العودالازرقhk]

,الله يبشرك بشهاده وجميع المسلمين
والله السعر مغري نصف سعر الميشلان