صغير برادو غير مخصص للخليج

[آل مهنا]

شاهدوا الصور لبرادو حجم صغير و الذي لا اعتقد انه سيسوق عندنا.





صور جميله فهل سنراه في اسواقنا؟

عنيد

[راعي عنيزة]

لا تخاف مهب جاي لان عبداللطيف قبيح ما يجيب الا اردا سيارات واقل مواصفات ويبيعها باغلى الاسعار

وشف الفور رانر الجديد 8 سلندر وشاشه ومكيف بتحكمين مستقلين للسواق وللراكب وافلقني كان جابوه !

[آل مهنا]

راعي عنيزه.... بالاول باشكرك على تلطفك بالتعليق على الموضوع...

احب اقولك اخوي ان عبداللطيف جميل هو اكثر واحد من الوكلاء عرف نفسية السعوديين و قدر يجيب الي هم يبوه (الله يرحمه) السمعه الي هو سواها الظاهر انها بتروح وطي بعد مماته. بسبب ما يقوم به من جاء بعده من سرقات (تغيير في مواصفات السيارات و تغيير الكثير من القطع الاصليه) لا ويبيعها بنفس السعر بعد. تغيير في مواصفات الانواع الشعبيه عشان يمشي الفاخره غصب...

بالنسبه للسياره الي تتكلم عنها يخوي لو جابه بتقل مبيعات اللاندكروزر و الكزيس والي زي منت عارف الهبر فيهن اكبر.

متى يفتحون الاسواق ويريحونا من هالوكلا النصابين.

[بـــدر]

او سبورت على تسميتهم، او برادو ربع على تسميتنا .
موجود في دولة الامارات العربيه المتحده وشفته اكثر من مره في صالات العرض ( الفطيم) وسعره والله ناسيه مادري كم ، مواصفات كامله بس ينقصه الشاشه يعني لا مسجل مغير ولا يحزرنون.
وصراحه شلكه روعه وشفت واحد مره في ابو ظبي مركب له جنوط 20 بوصه من شكله توقت انه (إكس5)
الموتر روعه في الجمال اما موضوع مستر عبداللطيف فحدث ولا حرج .
اما موضوع انه( الفوررنر) بيضرب سوق الاندكروزر هاذ غير صحيح لان المكسب ثابت في كل سيارا ت عبداللطيف حتى لو كرولا المكسب اخده دبل وثري
أنتم تدرون ان الي يتحكم في طلب السيارات وموصفاتها مجموعة لبنانيبن ومصاريه وكم حضرمي والله ماهم عارفين وش(ABS) من (مثبت سرعه)
اهم شي مراتب جلد وقزاز كهرب قال هذا فل كامل انتهى الموضوه وممنوع النقاش واذ بغى يطفشك قال الموصفات القياسيه السعودية تحدد ذالك . والله وما قالت

[شمالي]

فعلاً انا شفت البرادو الباب واحد بالامارات
بالنسبه لعبد اللطيف جميل وش اللي حادنا نشتري منه لو أنه يبيع ببلاش.
عندك الخليجي مالي السوق طب وتنق
انا سويت مقارنه بين البرادو الخليجي وبرداو ابو جميل
والله ياأخوان العجب العجاب شفت بينهم بالمواصفات وفرق السعر زيادة حوالي 15 الف ريال بالنسبه للخليجي.
من المواصفات
ابو جميل
بدون مراتب ثالثه اذا تبي يركبون لك ب8 الاف
مسجل الله يخلي الغرابي
بدون فتحه
الاستبنه تحت
بدون تانكي اضافي (على قولتهم الخ الخ)
الخليجي
بمراتب كامله ومراتب السائق والراكب لها تهويه مثل البي أم
مسجل مثل اللكزس منه وفيه
فتحه
خطوط جميله
الاستبنه على الباب
تانكي اضافي
تخشيب (على قولتهم الخ الخ)
زبدة الكلام اذا بغيت تشتري مانت ملزوم بأحد انزل السوق وقارن بين السيارات لأن السياره الان فوق المية الف ماهي شويه.

[الدبل الثقيل]

يااخوان مشكلة الخليجي عدم وجود الضمان لأنه لا سمح الله لوكان فيها عيب فني او خبطت المكينة وش تسوي ... ارجوا ان كان هناك حل ان تبدونه .. وهل البازعي يعطي ضمان .. وكيف تعامله .... وجزاكم الله خير...

[كاتم اللهب]

السيارة روووعة وجميلة لكن


تعتقدون ان تكون افضل من الباترول الربع عمليا بغض النضر عن صرف البنزين؟







والشهر علينا وعليكم مبارك وعساكم من عوادة

[راعي البرادو]

يا شباااااااااب حراااااااااااااام علييييييييكم والله حراااااااام
انا كان عندي نيسان VTEC4800
وبعته وشريت برادو باب واحد والله انه شداااااااااااد في البر وخفيييييييف وقوي والله
وفي الشارع يطوف الVTEC4800في القومه والخط لا تحكمون عليه كذا جربون في البر وقولو لي رايكم

[بـــدر]

مكينه (V6) في دولة الامارات ،،، ياهل الإمارات.

[راعي البرادو]

اخوي بدر
سعر البرادو باب واحد فل ابشن طبعاً 6 سلندر ب 103
واذا بغيت تسأل اي شي عن الموتر انا حاضر...
بس في فرق بين الفل في الباب والفل في بابين
الفل في البابين يجي فيه مثبت سرعه ويجي جلد ويجي ثلاجه ويجي ABS

اما الباب الواحد الفل يجي بدون جلد وبدون مثبت سرعه وبدون ABSوبالنسبه للثلاجه موجوده لاكن يقولون لي الوكاله انها تأثر على المكيف ف انا خذيت بدون ثلاجه بس اذا تبي تاخذ اول شي جرب الباب واحد وقل لي رايك طبعاً يكون فل V6

[بـــدر]

بيض الله وجهك،، ياليت شوي تفصيل عن البرادو
بالنسبه السعر الي ذكرت (103) هل هو للباب او البابين

بعدين البرادو الباببن هل يجي (ABS) ومثبت سرعه و مكيف خلفي مع مراتب مخمل (ماهوجلد)
وكم سعره ومشكور أخوي وماقصرت.

وبما انك مستخدم البرادو حبيت تعطيني فكره عن صرفية الوقود بالنسبه لمحرك (V6)

[محمد محمود]

السلام عليك ورحمة الله وبركاته .
بس الشكل ممتاز بس ماأظن إنه بيجي هنا في السعودية .

[راعي البرادو]

اخوي باب واحد فل ابشن V6ب 103
نعم اخوي البرادو بابين يجي ABSو مثبت سرعه ومكيف خلفي ومراتب مخمل واذا تبي فيه جلد

وبالنسبه للصرفيه ما اقدر اقولك اقتصادي وما اقدر اقولك يصرف
يعني صرفيته عاديه الى مرتفعه شوي
بس بالنسبه لقوته اعتقد انه ما يصرف واجد ومثل ما انتو عارفين الجيوب كلها تصرف