15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
بسم الله الرحمن الرحيم
السلام عليكم ورحمة الله وبركاته
ياشياب توني طاق هايلكس 2003 مدبل
ودي اركبله مساعدات جبريال
على حسب علمي فيه ثلاث مساعدات
واحد غاز
واحد ياي داخله مساعد غاز
واحد زيت
ودي بالمشورة و الي عنده معلومات يفيد ني
اي واحد اركب تراني محتار
على فكره تراني راعي بر منجد ابي الي يصبر والمريح في نفس الوقت
الله يحرم وجيهكم ووجيه والديكم عن النار
الله يجعلنا وأياكم من عتقا هاذ الشهر الكريم امين امين
اوصيكم واوصي نفسي بالصلاة وقرأة القرأن الكريم
وعليكم السلام ورحمة الله وبركاته ..
عزيزي جاروود
أنت ليش تبي تغير المساعدات ؟
لو ضاقت بك الدنيا لا تقل : يا رب عندي همٌّ كبير .. قل : يا همُّ عندي ربٌّ كبيرتويتر AimanAlAbbad@انستجـرام AimanAlAbbad
مكشاتي
خير الكلام ماقل ودل
من تجربه قدام مساعدات مرسدس بلاستين ورا جبريال زيت طقه ثقيل
مكشاتي متواصل
معليش ياشباب تأخرت عليكم في الرد
يرجال الي مدحولي جبريال خلوني افكر ها التفكير لو مايجيك الا الهزهزه الي فيه
بعدين والله يمدحونها مره
اخوي ابو عبد الله يعطيك العافيه وشلا حضت يوم غيرت الله لايحرمني منك ومن اعضاء المنتدى
مكشاتي
حياك الله اخوي
اول شي الموتر يزيد رساوه يعني اذا فيه منحنا ما تدخله الاعلي 120 بندخله علي سرعه اكبر وتزين مطابه تسير الين وخاصه البر اذا جيت الغراز بمساعدت البلادالسياره لازم تهدي او تشيلك وتضربك اما بمساعدات المرسدس والجبريال يختلف الوضع اختلاف كلي حتئ وجه السياره يصير مايلعب ولا تحك الكفرات
بالرفرف المهم نصيحت مجرب غيرها وما تحسف واذا انت بالرياض علمني ادلك علي ورشه هذي شغلتهم
السلام عليكم
شف يا جارود
مساعدات جبريل ما عليها كلام لكن انتبه تاخذ الغاز لانها جامدة بالحيل على الهايلوكس.
شف الزيت مناسبة لكن برضوا هل انت متأكد انك تبي تغير مساعدات الشد البلد؟؟؟؟؟؟؟؟
==============================
الخبرة هو الإسم الذي يطلقة الشخص على تجاربه الفاشلة
"Obstacles are those frightful things you see when you take your eyes off your goal."
Henry Ford
مكشاتي متواصل
وعليكم السلام
أخوي جارود
ركب قدام مساعدات مرسدس
وخلف مساعدات أمريكيه يجي لونهن أحمر
يقولون أنهن يصبرن أكثر من الجبريال
أخوي أبوعبدالله
قلت للأخ جارود
واذا انت بالرياض علمني ادلك علي ورشه هذي شغلتهم
أخوي أبيك تدلن أياه أذا كان ماعليك كلافه
تحياتي
أبوسليمان
مكشاتي متواصل
يعطكيم العافيه
الله يجزاكم خير ولو ان التفاعل ماهو مثل ما توقعت
واخوي ابو سليمان الله لايحرمني منك يليت تعجل علي بهم
مكان الأقامة الرياض
مكشاتي
الله يحيكم جاروود وابو سليمان
الورشه ياطويل العمر بصناعية البلد مخرج 17 إذانعديت الكبري تجيك إشارة لف من الاشاره يسار ثاني شارع عشرين انتبه عشرين ادخل منه يمين وابتل حتا قبل نهاية الشارع اذا تعديت ميزان اليرموك تجيك علئ يسارك ورشه (والله اني مضيع اسمه )اذكر لوحتها مكتوب تلحيم شكامين وتركيب مساعدات وبجانبها محل زينه هذي الورشه واحرص يشتغالك اليماني مبارك تراه فنان ونصوح واتمنا لكم تطعيس موفق
مكشاتي متواصل
الله يعطيكم العافيه
كلكم
أيمن
ابو عبد الله
الخبير
ابو سليمان
الله يجزاكم ويجزا اعضاء المنتدى خير الي دخلو ولا ردو ولي مادخلو
انا بروح للورشه وإذا أشكل علي شيئ كتبت لكم
وأيضا لامانع من المشاركه للي عنده خبره
او أي رأي تراني ولد منتاكم لاتخلوني
على العموم غدي الي منكم يسمع نداي فالبر البر لايخليني ( جاروود)
هذا قد يفيدك من مشاركة الأخ جلمود:
http://www.mekshat.com/vb/showthread...&threadid=4818
مكشاتي متواصل
بسم الله الرحمن الرحيم
السلم عليكم كلكم ياشبا ب
الله يعطيك العافية يا ابو عبد الله ولا يهونون الربع
رحت للورشه وبلمارية جمبها تسالي كلمت مبارك ولا قصر قال بركب لك بلاستاين قدام وجبريال ورا
بس نغزني واحد من اخواي وقالي البلاستاين مهوب مريح في المطب ولا البر يبي يقعد يطامربك بس انه مريح في الخط يمسك وجه الموتر هل هاذا صحيح
الله لايهينكم
وبعد المساعدات من وين اجيبها وكم سعرها
ارجو الأفادة
ملاحضه الموتر دبل
مكشاتي متواصل
الاخ جاروود
بالنسبة لمساعدات جبريال ما يعلى عليها ....... بس لازم تعرف تتحكم فيها .......... واذا عرفت راح تتأكد ان المساعدات هذي احسن شي ...
تأتي هذه المساعدات بثلاث حركات ....... خفيف .. وسط .... ثقيل ......... يجي من وكالته ثقيل ....... ومشكلة الثقيل انه يصير مثل الحجر ........ كل اللي عليك تسويه تركز بالمساعدات زين ..... راح تشوف ثلاثة اسهم جنب بعض وهي الوضعيات التي ذكرتها ...... اضغط المساعد بيدك الثنتين للنهاية ....... اخيرا يرتكز المساعد في النهاية على احدى الوضعيات الثلاث .... وعندها تعرف انت مركب المساعد على ايهم ........
بعد كذا تستطيع انك تحركه على اي الوضعيات تريد ........ خفيف وسط ثقيل ....... وللمعلومية وضعية الخفيف اقوى من الاصلي والوسط اقوى واقوا والثقيل اقواهم .....
عموما بالجمس مجرب وافضلهم الوضعية الوسط للمساعدات الاربع ........ اما عن الهايلكوس يبيلك تجرب اول شي ركب الوسط واذا ما عجبتك ركب الخفيف بس ان شاء الله تعجبك ..,,
تحياتي ابو الريم ,,,,,
مكشاتي متواصل
وين المحل الي يبع هذي المساعدات
مكشاتي
تبي نصيحتي رتسب لمقفا الموتر مساعدات جبريال البيضاء ام 3 طقات
واللي قدام رتسب مساعدات ام ياي
وبالنسبه لمحله
تلقاه يم دوار الخرج اللي في الصناعيه اسم محله السبت وهو متخصص في مساعدات جبريال
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
