استفسار الرياض - الهفوف - دبي

[ابو عبدالرحمن 76]

السلام عليكم ورحمة الله وبركاتة
استفسار يا اخوان
هل طريق الرياض - الهفوف - دبي سايدين ام سايد واحد ؟ وهل نتصحوني به ؟
ام الرياض - جودة - الهفوف - دبي افضل رغم انة يفرق قريب الساعة

ارجو من لدية العلم يفيدنا يا وجوة الخير

[الكايف 1]

نعم اخوي ابوعبدالرحمن
من الرياض سعد خريص الهفوف البطحاء المفرق سايدين ومن المفرق الى دبي شي ثاني
افضل المشي بالطريق هذا بالنهار لوجود بعض الابل حفظك الله
تروح وتجي بالسلامة ولاتنسى دعاء السفر ولاتنسانا من الدعاء
اخوك ابوصالح

[عبار درب]

من الرياض الى دبي مرورا بخريص الهفوف سايدين لكن مثل ما قالك اخوي الكايف اطلع اول النهار من الرياض عشان الأبل على الخط خاصة من الرياض الى الهفوف

[ابو عبدالرحمن 76]

جزاكم الله خير و رحم والدينا و والديكم

[ابو عبدالرحمن 76]

طيب اخواني ايش رايكم طريق الرياض الخرج دبي ؟؟

[واثق الخطوه-]

لا انحش عنه على اعصابك من تطلع من البطحاء الين الخرج قبل سنه رحت مع الرياض -خريص-الهفوف-دبي وقلت ابي ارجع مع الخرج مريت على حادثين الله يرحمهم عوائل توفو يمكن ماسلم منهم الا واحد وتروح وترجع بالسلامه بس رح مع خريص وامش الفجر

[GM_400]

لاتقرب طريق حرض نصيحة خاصة ومعك عائله

طريق الهفوف افضل بكثير وفرق الوقت ساعه ما يستاه ل

الله يحفظكم

[دغيم1]

السلام عليكم ورحمة الله وبركاته
حياك الله أخوي
طريق الرياض - الخرج - حرض
جيد وهو سيد واحد
ولكن أنصحك بالسير عليه نهارا ومبكرا
ولا أنصح بالسير عليه عصرا وليلا
لكثرة الأبل والشاحنات
وهو يختصر عليك كثيرا والمسافة من الرياض وحتى المفرق 500كم
ولاتنسى تعبئة الوقود من الخرج وحرض مهما كان مستوى الوقود في الخزان تحسبا لأي ظرف
تمنياتي لك برحلة سعيدة وآمنه
تحياتي

[رفيق الأمل]

وعليكم السلام ورحمة ا لله
اولاً مبارك عليك الشهر الكريم
وطبعاً المرور من الرياض الي خريص - الاحساء سايدين ومن ثم مرور خط سلوي قطر سايدين لان الطريق جديد وحديث وتذكر لابد ومن المرور خلال الفترة الصباحية إذا كانت هذه اول مرة لك بالسفر ولا تنسى دعاء السفر ياخوي والله يحفظك