المشوره يا الربع

[aziz2727]

اخواني الافاضل
السلام عليكم ورحمة الله وبركاته
انا بمشئة الله ناوي اركب طقم كفرات جديد للسيارة نوع لاندكروزر
واحتياجي للكفرات احتياج عادي يعني داخل المدينه والبر بس في المواسم اما عن السفر مهوب ذاك الزود
ومحتار وش افضل الانواع والمواصفات والمقاييس .
طبعا" ان عندي اقتناع ان افضل مكان يمكن ان يتم شراء الكفرات منه ( الوكيل ) حتى لو كان اغلا .
لن الكثر من محلات الغرابي ما يكون معك صادق

ولا تبخلون علينا بالشور بارك الله بالجميع ..

[النقا]

السلام عليكم يأخوي
لعلي أفيدك :
بالنسبة للكفرات المتعارف عليها من قبل مستخدمين الاندكروزر هي ( دنـلوب ) وهي حليـلية وصناعتها ياباني
وفيه نوع اسمه ( يوكاهاما ) حلو ونقشته معينه كبيرة فيه نوع نقشته معين صغير والمتعارف علية هو النقشة الكبيرة وصناعة ياباني .

أخوك النقا.............

[aziz2727]

بيض الله وجهك يا اخوي النقا
ولا يبخل علينا الاخوان الباقين

[مفطح]

فيه كفرات غالية لكن ممتازة برجستون أو يوكوهاما

[باترول 4×4]

إذا ما كنت راعي تطعيس كثير فعليك بـ ( الدنلوب ) لأنها كفرات تحمل السفر والتحميل والمناطق الصحراوية ، لكنها قاسية يعني بالتطعيس تتعب السيارة فإذا كنت راعي تطعيس ركب الشاهين لأنه لين لكن ما يتحمل مثل الدنلوب .
عندي الدنلوب ياصل 100 ألف كيلو وفيه خمس ست رقع ما يضره . لكن ركب ( ابن زقر ) وكيل الدنلوب لأن فيه نوع من الدنلوب يجي من الإمارات ، والله الله في تاريخ تصنيع الكفر لأن بعضه يخزن ثم يباع .

[الدبل الثقيل]

دنلوب مافي زيه...

[aziz2727]

اخوي الزومان
اخوي باترول 4x4
اخوي الدبل الثقيل

بارك الله فيك وجزاكم خير على المشورة .. وان شاء الله ان الدنلوب زينه .
بس وش رايكم في التويو ؟

[الكابتن]

دنلوب مافي زيه...

[aziz2727]

بارك الله فيك يا اخوي اكابتن .

[ولد الشايب]

دنلوب

نفود - صمان - خط - مريح - يتحمل

[aziz2727]

بارك الله فيك يا اخوي ولد الشايب

[تــــوني]

حياك الله اخوي عبد العزيز

فيه نوع الميشلان ممتاز وجربته على صالون دفرنسين يعني سيارة ثقيلة حلو وممتاز بس الميشلان الفرنسي أو الامريكي تلقاها غاليه بس كفرات تسوى وغير كذا مطبها كويس والهوا لها لازم يكون 40 عشان ماتحتمي يعني اذا كنت منقص هواه لتطعيس او غيرة لا تمشي عليه الا لين تزيد هواه .... وشكله حلو مرة ويملا السيارة ...ويعطي فخامة...
اما التويو جربته حلو لكنه يطلع صووووووت بعد سنه من التركيب مزعج ومهما تغسله مشوار واحد يتوصخ وفيه ميزة يفرش وفي التطعيس مالقيت زيه إلى اليوم ويساعد السيارة على الطلوع العالي في الرمل بعد ماينقص هواه والسبب في ذلك نقشته بس ما تركب على اللاندكروزر يصير قبيح وتتآكل اطراف الكفرين الامامية مع الملفات وما تطول معك تخرب بعد سنه وتبدا تنقص في هواها من الجوانب يعني لا زم تغيرها هذا عمرها شخصياً جربتها .
والدانلوب ماعليه حلو بس ما ينطرح في الرمل بسرع يعني مايفرش الا بعد ماينزل الى الضغط 15 او 10
والخيرة فيما اختاره الله يا اخ عبد العزيز

[تــــوني]

حياك الله اخوي عبد العزيز

فيه نوع الميشلان ممتاز وجربته على صالون دفرنسين يعني سيارة ثقيلة حلو وممتاز بس الميشلان الفرنسي أو الامريكي تلقاها غاليه بس كفرات تسوى وغير كذا مطبها كويس والهوا لها لازم يكون 40 عشان ماتحتمي يعني اذا كنت منقص هواه لتطعيس او غيرة لا تمشي عليه الا لين تزيد هواه .... وشكله حلو مرة ويملا السيارة ...ويعطي فخامة...
اما التويو جربته حلو لكنه يطلع صووووووت بعد سنه من التركيب مزعج ومهما تغسله مشوار واحد يتوصخ وفيه ميزة يفرش وفي التطعيس مالقيت زيه إلى اليوم ويساعد السيارة على الطلوع العالي في الرمل بعد ماينقص هواه والسبب في ذلك نقشته بس ما تركب على اللاندكروزر يصير قبيح وتتآكل اطراف الكفرين الامامية مع الملفات وما تطول معك تخرب بعد سنه وتبدا تنقص في هواها من الجوانب يعني لا زم تغيرها هذا عمرها شخصياً جربتها .
والدانلوب ماعليه حلو بس ما ينطرح في الرمل بسرع يعني مايفرش الا بعد ماينزل الى الضغط 15 او 10
والخيرة فيما اختاره الله يا اخ عبد العزيز