لمن عنده خبره في السفاري

[سفاري 96]

السلام عليكم
يا اخوان انا عندي رجه في سيارتي وهي سفاري سويت لها ترصيص لكن ما زالت الرجه ولا ادري وش الحل معها . ياليت يا شباب اللي عنده خبره يفيدني وله جزيل الشكر .

[وكرى بحر]

اخوى اذا كان جيبك مديل من 1991 الى 1997فعليك بفحص عامود التوازن اللى ينربط فيه المعاون (المساعد) الخامس اوشوف الكفرات يمكن تكون متعوبه___________.

[راعي عنيزة]

اذا كان موديل 98 فيوجد عيب من المصنع في مساعد الدركسون يسبب الرجه عند سرعة 80

بدل المساعد وتزول الرجه

[سفاري 96]

السيارة موديل 96 وسويت لها ترصيص كفرات في الصناعية القديمة لكن مافاد والكفرات حالتها ممتازة من نوع دنلوب

[صقر]

أخي سفاري96

السلام عليكم ورحمة الله وبركاته

اخي العزيز

اذا كانت الرجة على شكل ارتجاج متعرج وتحس فيها بالدركسون فهذه من الكفرات.... قد تكون مركب كفرات بالون كورية او صينية فهذه فيها رجة ولم نجد لها حل وحلها انك تغير نوع الكفرات .

اما اذا كانت الرجة عبارة عن اتنفاض بالسيارة وصوت مزعج فهذه سببها عمود الدبل يكون متعرض لضربه قوية افقدته توازنه والحل في مثل هذه الحالة ان تغير العمود او تركب فرارات (اقفال) بالدفرنس ويكفيك تحط قفل واحد حتى يفصل الدبل عن المكينة حين تقفل الاقفال وتشبكهن بالبر ولا يكون عندك مشكلة

فأرجو منك التوضيح حتى نتعاون على حل مشكلتك

والله اعـــلم.

[الخبير]

السلام عليكم

من الاسباب الجنط ، يمكن يكون مضروب في مكان مهوب واضح لكنه يسبب الرجه و نادراً انه يوضح على جهاز الترصيص.
================================

[عاشق الصحراء 2]

اذا كانت الرجه تحت ال 100كم يكون عادة من الكفرات الامامية
اذا كانت الرجه فوق ال 100كم يكون عادة من الكفرات الخلفية
وتكون الرجه احياناً اذا غيرت جنوط بلاده

وعموماً يبغالك واحد فنان علشان يسوي له ترصيص من الجهتين

تحياتي
اخوك عاشق الصحراء2

[سفاري 96]

جزاكم الله خير يا اخوان على تعاونكم وتجاوبكم . بالنسبة للكفرات ذكرت انها نوع دنلوب وحالتها ممتازة . والرجة اذا تعديت سرعة 140 تختفي .

[ابومنصور]

اتوقع انه مثل اللي صار لي___ كان عندي رجه من سرعة100الىحدود125طبعا الرجه هاذي ماتروح

لأن الجنوط عندي سلق- وانتم بكرامة-وبالتحديدالجنوط شنبر" وزي ماأنت عارف يكون الشنبر فيه فضاوة

فيسبب الرجة

[عاشق الصحراء]

اذا كانت الرجة تزود عند المطب المفاجأ في الطريق
ينتفض الموتر و يهدء شوي شوي فهي بالتأكيد من مساعد
الدركسون الي يربط الذراع و سلامتكم.