حرارة الباث فايندر

[راجح]

السلام عليكم ورحمة الله وبركاته ..

حيالله الإخوان النشامى ،، تحية طيبة . وبعد ,,

= ياشباب أنا معي باث فاندر 2004 قير عادي . حرارته ولله الحمد على الربع دائماً .. ماتتعدى الربع إلا نادراً .. في ظروف صعبة ..

وأحد الشباب توه شاري واحد 2005 قير تماتيك مستعمل شوي بس نظيف .. الغريب أن حرارته دايم فوق الربع ماتاصل للنصف داخل الديرة ما بعد راح للنفود .. راح للوكالة قالوا شيء طبيعي .. أبغى أسأل حرارة العادي تختلف عن التماتيك ؟؟
ولا وش السالفة؟؟
ويعطيكم ألف عافية ,,, محبكم دوماً
((( راجح )))

[ولد شقرا]

اخوي راجح انا عندي واحد موديله 2002 حرارته من يوم طلعته من الوكاله وهي على النص وواحد من الزملاء معه مثل موتري ونفس الموديل دايم على الربع
اقول لايهميك عز الله انه موتر والي ماجربه ماعرف قدره مثل البزر كلما جلده مشى معك مضبوط
تحياتي

[المنبسط]

السلام عليكم ورحمة الله وبركاته
اخوي راجح ما يختلف العادي التماتيك
اخوك المنبسط

[ولد الشايب]

نعم تختلف حراره العادي عن التماتيك يا راجح

التماتيك أكثر بشوي من العادي واتوقع السبب يرجع إلى ان مبرد القير التماتيك لياته موصوله من نفس الرديتر أما العادي فهي غير موصوله بالراديتر . عموما عادي أو تماتيك الحراره أهم شي ما تتعدى النص ( لو تطالع الطبلون تلقى نقطه صغيره جداً عند منتصف قيج الحراره المفروض ما يتعداها ) وموتر خويك طبيعي ما فيه شي

[ابو مرهش]

السلام عليكم ...


بالنسبه لحرارة الموتر ماعليك من المؤشر لآني لاحظت فيه فرق بين بعض الباث فندرات بس الغالب انه بسيط بس انت احكم عليها من المراوح الكهرب الي قدام الرديتر اذا كانت على طول شغاله بموتر خويك الظاهر انه فيه بلا بس اذا كانت ماتشتغل الا بعز الضهريه ولا مع الدعس والسرعه فالموتر طبيعي

[نازح البعد]

اخو راجح اذكان الحراره ماتتعدى النص فى يعنى الحراره طبيعيه ولاهى مشكله

[راجح]

يعطيكم العافية ياشباب ...
وشاكر لكم مروركم ( طمنتوني ) ..

[أبو ستري]

أنا معاي 2005 والحرارة ولله الحمد ما تروح أكثر من الربع ؟ ( ما شاء الله ) ...
يمكن عند خويك مشكلة .

[salehhd]

السلام عليكم

انا معي تماتيك 2004 الحرارة تحت الربع واحياناً تتعداها في الظهر بشوي

وفي التطعيس ترتفع بس اقل من النص اعتقد ان هذه شي عادي وللاحتياط خلة يتأكد من ماي الرديتر يمكن يحتاج تغيير ولا زيادة

[لمع السحاب]

اخي راجح والكلام للجميع انا معي 2003 حرارته ما تتعدا الربع الا شعره في الصيف و في الطعوس توصل الثلث الين السنه هذي صارت عندي مشكله في عز البرد وانا في ا لدهنا توصل الى فوق النص بكثييييرررررر قبل الربع الاخير وحاولت اشوف والى كل شيئ سليم ورحت بعدها لواحد في الصناعية القديمه واول ما شافها قال من عندي اقول الاديتر متسكر قلت هو والا البلف فكشف وقال البلف شغال المهم انه فك الاديتر وشف العجب العجاب ربع الاديتر هو اللي يشتغل بسسسسس يعني الباقي متسكر مع اني والله مغير مويه الاديتر من الوكالة لمن فحصتها عندهم بعد ال 40الف كيلو وبعدها سلمكم الله ما عاد ارتفعت فوق الربع الا شخط بسيط عند الوقوف في الحر هالايام والحمد لله
هذا اللي حصل لي بس لا بد تتأكد من البلف ترا يمكن انه يقفل طبيعي ولو السيارة جديده
تقبلو اجمل التحية

[راجح]

يــعــطـيــكــم ألـــف عــــافــيـــة يـــاشــــبــــاب ,,,

أخــوكــم الــمــحــب دومــــاً ..

((( راجــــــــــــــح ))) .