فرارات الباترول

[AL_MAHROUM]

مساء الخير

ناوي على تركيب الفرارات الباترول ربع91 وش مميزاته وعيوبه وسمعت انه يفرط ما يشتغل وانه مع المطبات ينكسر وهل صحيح لزم تشغل الفرارات قبل التغريز ولا اذا غرزت وشغلته ما يشبك.

ياليت تفيدوني يا اهل الخبره

[المميـز]

:

مميزاته
يريح الموتر ويوقف دوران عمود الدبل
وخاصه اذا كان عندك حره او رجه بعمود الدبل بترتاح منها
ان شاء الله بعد تركيب الفرارات

بالنسبه للعيوب الميكانيكيه
مامرت علي عيوب من واقع تجربه
لكن عيبها ان غرزت بطين او مكان ماتقدر تنزل من السياره علشان تشبكها

واذا شبكتها وانت مغرز تشبك معك ان شاء الله على طول

والافضل من يوم تنوي تدخل البر وقف واشبكها وارتاح

:

[اتجاه السحاب]

تخف حنه الموتر
تقل الصرفية بشكل بسيط
عليك بالبرازيلي الاسود فقط..

[مطر وربيع]

الفوائد
كانت عندي رجه في عمود الدبل بعد 110 راحت
تزيد العزم حاجه بسيطة والسرعه القصوى
توفر بنزين شيء بسيط جدا ممكن التانكي فل يمشي كم كيلو زيادة
الدركسون خف مره
العيوب
لازم تنزل تشبكها
تنفرط وانفرط علي البرازيلي النيكل

انا ركبته علشان افتك من رجه عمود الدبل وفعلا راحت بدل ماتشتري واحد فوق الالفين عند الحمراني
ولا يترصص وكل الي في التشليح تعبان
عموما الافضل الاصلي ولكن الحمراني مايجيبه في تجاري صيني في قطع الغيار يمشي الحال الحبة ب140
والتركيب ب100 مع المكاسر اقل اما البرازيلي تعبان خصوصا النيكل

[AL_MAHROUM]

بيض الله وجهكم

الافضل واللي مجرب بدون عيوب هو السليماني صح او فيه غيره
وقت التركيب فيه شي اركز على العمال فيه
وهل اخذ النيكل اوالاسود اركب واحد او الاثنين
لاهنتو

[][][زلفاوي][][]

مثل ما تفضلوا الاخوان الفرارات تريح الموتر وتقلل استهلاك الوقود على المدى البعيد
بالنسبة للمتوفر فهو AVM وارد السليماني أما مسألة النيكل او الأسود فهذا شيء راجع لك
وليست مسألة أجود أم لا انا معي باترول وعليه فرارات نيكل ولها تقريبا 4 سنوات على السيارة ولا شكيت منها بشيء ونفس الشيء زميل لي مع باترول ولها 9 سنين على موتره
.
.
أهم شيء اذا ركبتها ع الموتر لازم من فترة لفترة تشبك الفرار وتمشي لو مسافة كيلو او اقل عليه لو بشارع عادي هذا اللي اذكر قالوه لي فنيي السليماني لما ركبوها ع الموتر

والله يكتب لنا ولك الخيره من الامر

[AL_MAHROUM]

مشكوووووور

[abo naser 1]

السلام عليكم

جربناها في جميع ظروف القيادة وعلى 3 نياسين حقت السليماني السود ماشفنا الا
1- افتكنا من رجة عامود الدبل
2- خفة الموتر وزيادة العزم
3- تقل يقل صرف البنزين بنسبة بسيطة

العيوب فقط انك تنزل تفرها وقت الزوم ولاتفرط ولا غيرة انا مركبها على باترول عليه محرك امريكي V8 بقوة 350 حصان وماشفنا الا كل خير

[AL_MAHROUM]

انشاء الله بعد العيد بركبها من عند السليماني بخذ النوع الاسود

[RW7..ALBDAWA]

تبي النصيحـه دورلك فرآرآت اصليــــــــــــــــه

ابحث بموآضيعي بتحصل لي مشكلة مع الفرآر البرآزيلي ومشآكلي مع السليمآني (للبيع قطع غيآر للفرآر البرآزيلي)

ان كآنك انسآن منت برآعي جلد ولأ مطامر اشوف انه زينه

وإن كآنك راعي جلد ومطآمر دورلك الاصلي افضلك

ويوجد لدي تشليح من الفرآرآت السود البرآزيلي

[التعـ King ـديل]

:

مميزاته
يريح الموتر ويوقف دوران عمود الدبل
وخاصه اذا كان عندك حره او رجه بعمود الدبل بترتاح منها
ان شاء الله بعد تركيب الفرارات

بالنسبه للعيوب الميكانيكيه
مامرت علي عيوب من واقع تجربه
لكن عيبها ان غرزت بطين او مكان ماتقدر تنزل من السياره علشان تشبكها

واذا شبكتها وانت مغرز تشبك معك ان شاء الله على طول

والافضل من يوم تنوي تدخل البر وقف واشبكها وارتاح

:

اوافقه الرأي


انا مركب السوداء على فتك من سنتين ماشفت منها الا كل خير افكها اذا دخلت البر وطول ماني بالديره اسكرها وبين كل فتره وفتره افرها علشان مايجيم الشحم ثم تنكسر علي من اسباب انكسار الفرار ترك الشحم يجيم او تشحيمه زياده عن الحد المعروف وقتها يفرط

[قناص الووعول]

يااخوان انا عندي بترول 94وش رايكم بركب فرار السليماني وين احصله وبكم سعره

[التعـ King ـديل]

يااخوان انا عندي بترول 94وش رايكم بركب فرار السليماني وين احصله وبكم سعره

عند السليماني راكب جاهز ب 550 ولا بدون تركيب ب 500 الاسود

[قناص الووعول]

الله لايهينك ومشكور

[asd20009]

ياجماعه سؤال لاهنتو.....
معي باترول شاص 2015 وابي اركب له فرارات وش النوع الممتاز وبكم سعره ومن وين ...