وش يبرد حرارة الجمس ؟؟؟

[أبو مسفر]

السلام عليكم
ياجماعة الخير اللي عنده خبرة في طريقة تخفض حرارة الجمس
من بداية الصيف وهي بالنهار مع تشغيل المكيف تاصل النصف وتزود شوي خاصة الى طولت بالوقفة اكثر من ثلاث دقايق والمكيف شغال

وش احسن حل هل :
اركب مروحة كهربائية ؟
الاديتر ثلاث رصات احط ابو اربع
ابيع الموتر وافتك

اشيروا علي بارك الله فيكم

[s3od_797]

السلام عليكم
اخوي ابو مسفر فيه ماده من شركه امريكيه تنحط في المكينه والراديتر تحطها ياطويل العمر وتنسا الحراره ويعطونكم ضمان 5 سنوات علي القير والمكينه انها ماتتضرر من الحراره والحراره ترجع طيعيه

[شبح الصحراء]

انا كان معاي جمس وانيت 91 ذبحني بالحرارة دايم مثورة حرارته حتى رجولي انشوت من الحرارة والمصيبة مكينته ما همتها الحرارة عادي عندها ، يخرب بيت الأمريكي .

[wazan]

حرارة موترك طبيعية جدا

[ملاعب الريح]

أخوي كل الجموس من 99 وتحت فيها هالمشكله

أنا أقترح كان عندك كم قرش بعه وإشتر ياباني

ولا تأكد من موية الرديتر وركب مراوح كهرب
لأن واحد من العيال عنده جمس صالون مديل 85 ما إنحلت مشكلة الحرارة إلا مراوح الكهرب ركب مروحت مرسدس وإرتاح بعدها

[هاوي قصيده]

انا معي جمس اخي الكريم

موديل 2002

دبل

حرارته للنص طبيعيه جدااااا

وسالت الوكاله

[أبومناحي]

صراحه بقول رأيي وأتمنى أنك تمشي عليه

أتقنيه ذالحين متقدمه وكل أسبوع يخترع شيء

أصبر ترى الصبر زيـــــــــــــــــــــــــــــــن أصبر صبر أيوب ومن سئل ماضاع

أسئل الأماكن الي تروح لها وأكيد بتلقى حل... مع تمنياتي إذا وجدت الحل عرضه في المنتدى على طول والكلام موجه لكل الأعضاء

[أبو مسفر]

بارك الله فيكم يا اخوان
ويا اخ
s3od_797 وين ابا القى هالمادة وليتك تحط اسمها

[برنس777]

أخوي أبو مسفر السلام عليكم ورحمة الله وبركاته والسلام موصول لباقي الشباب :
أما عن مشكلة الحراره فهي بسيطه أناعدي جمس ونيت وصالون سوبر بان ويوكون أما عن الونيت واليوكون فبعد التعديلات صارت الحراره تحت الربع لأنهن مكينة 350 و366 وأما السوبر بان فالحراره على الربع وبعد ما تشد عليه مع المكيف تصير الحراره على النصف , والتعديلات كتالي :
1- تغير البلف الحراره من 95درجه إلى بلف 60درجه وقيمة هذا التعديل 15 ريال للبلف و20 ريال لتركيب
2- تسييخ الرديتر إذا كان الصالون من 95وفوق وا تغير الرديتر لأنه ـألمنيوم أصلي وإذا كان من دون94فغيره لأنه نحاس أربع رصات
3- تركيب مروحة مرسيدس على البلف لا على الفاصل ولا تعتمد على مروحة بلد الماميه لأنها فاشله وكذلك ما تشتغل إلا على الثلث .
السلام خير ختام

[m1m]

1- التأكد من نظافة الأديتر
2- التأكد من سلامة التوماتيك للمروحة
3-فحص بلف الحرارة أو إزالته إن وجد
4-تركيب مروحة كهرب أو مروحتين كهرب ( كوريلا ) قوية جدا
5- ((((( وضع موية أديتر أصلية ))) موية تويوتا .. الجالون أظن 25-30 بس الموية الأصلية تفرق في الصدا والحرارة

6- بالتوفيق

[بن طريس]

(((( حل مشكلة حرارة السيارات))))





بسم الله الرحمن الرحيم

الشكر لله أولاً وأخيراً فقد هداني الله لحل مشكلة الحرارة

سيارتي جمس 94 سعودي جميح مقاس عشرة عارفينه

كانت الحرارة مع المكيف ترتفع فوق النص بسرعة 140 وفوق والمكيف مايبرد

وإذا هديت نزلت الحرارة تحت النص وبرد المكيف !!!!!

وإذا وقفت ربع ساعة والمكيف شغال أرتفعت فوق النص والمكيف مايبرد

وإذا مشيت نزلت تحت النص وبرد المكيف !!!!!!

وهكذا لي فترة وأنا محتار في هذه المشكلة

غيرت كلتش المروحة وغيرت طرمبة الماء وغيرت راديتر جديد

أربع رصات شلت بلف الحرارة حطيت ماء راديتر أصلي

كل الحلول جربتها مانفعت أبداً ؟؟؟؟؟

وديته لأكبر مهندسي السيارات في المكيانيكا والكهرباء ماعرفوا العلة

وأغلبهم يقول رأس المكينة يحتاج تغيير ولازم نفك المكينة

يبون يسرقون فلوس على الفاضي بس وإذا فكوا الراس

قالوا تحتاج توضيب نصااااااااااابين

أنتبهوا من نصبهم

لدرجة أني فكرت أبيع السيارة وأتخلص منها طفشتني بالحييييييييل

المهم شكيت الال على واحد من الشباب وعلمته السالفة

قال الحل عندي وأنا أبو هندي

بكرة العصر عندك شئ مشغول ولا فاضي قلت أبد ماعندي شئ

قال مرني بعد صلاة العصر بوديك لمحل عنده الحل قلت تم مريت الرجال

ركب معي ورحنا لواحد صاحب ورشة لديترات تنظيف وتركيب وتصييخ

عنده جهاز أخضر لغسيل الراديتر ومجاري الماء في المحرك

قال له الرجال هذا عنده مشكلة حرارة بالسيارة ويبي غسيل كامل

للراديتر والمحرك من الداخل قال أبشر وقف السيارة هنا لو سمحت

وجيب لي (علبة فلاش أمريكي ) أو (علبتين زيت فرامل )

أخترت زيت الفرامل وجبتها له قام وفك خرطوش الماء الطالع من المحرك

للراديتر وشبك فيه لي الجهاز وشبك لي ثاني في الراديتر

واحد يدخل الماء والثاني يخرجه وخلط زيت الفرامل مع جالون ماء

وحطها بالجهاز وشغله قام الماء يدور في الراديتر والمحرك ويخرج مرة

ثانية للجهاز وهكذا طلع يا أخوان شئ زي الرمادة أسود وأحمر من المحرك

وبعد كل غسله يصرف الماء ويحط ماء جديد وهكذا تقريباً 7 مرات حتى أصبح

الماء الخارج من الغسيل صافي لا يوجد به شوائب بعدها أفرغ الماء كامل

من الراديتر والمحرك ورجع الليات زي أول وعبيته ماء أخضر أصلي وزدت

عليه 4 علب ماء بطارية مقطر وأغلقنا الراديتر وأعطيته 80 ريال

والأن السيارة لها 5 أشهر يالله لك الحمد الحرارة ماتعدت الربع في أسوء

الأحوال مع المكيف سواء في الخط أو الوقفه

وقال لي هذه الحركة لازم تسويها كل سنتين أو ثلاث سنوات بالكثير

لأن الصدأ يتراكم على مجاري الماء في المحرك مثل جير الأسنان فيمنع الماء

من تبريد جدران المحرك من الداخل فتسخن السيارة

بعدها بأسبوع جبت له كدلك موديل 90 فيه نفس العلة وصار تمام

وجبنا له كرسيدا 95 نفس العلة وصارت تمام

وجبنا له كابرس 2000 نفس العله وصار تمام

هذا ما أحببت أن أوصله لكم قبل الخساير والتكاليف أبدأ بالرخيص قبل الغالي

ملاحظة / هذه الشغلة تكلف من 50 الى 80 ريال

وأي ورشة تنظيف رديترات يمكنها أن تعملها لك بشرط وجود جهاز التنظيف لديها

لونه أعلى الكهرباء أو أي جهاز مماثل لهخضر صناعة أمريكية يشتغل


للفائده والمعلوميه

[سوبر VTC]

و عليكم السلام و رحمة الله

اخبر عندي الجمس 2001 اذا قفت 4 دقائق بعز الحر تعدا النص بشعره

اخبر الجموس على وقت م95 اول ما يشري الواحد الجمس يركب بلف اقل حق كابرس يفتح على 60 او 75
ميزته ان مروحه السير يمديه تلحق و تبرد الاديتر
عشان اذا فتح البلف يدخل ماء الاديتر البارد
مع احد الربع دينالي م2004 المكيف ثلاجه و الحرارة بعز الحر و الموتر واقف ربع ساعه و اكثر ما شاء على الثلث
و السبب انه مرواح كهرب شد بلد
لان دورتهن و الموتر واقف افضل و اسرع من مروحه السير
ايضا مروحه السير تسبب حرارة للمكينه لانه تعتمد على دوران المكينه
اهم شي مثل ما قال اخونا بن طريس
حيث صارت هذه المشكلة لاخونا كبسولة2
نفس مشكلتك على هذا الربط
و الموتر جمس

حرارة السيارة بهذلتني وفي النهاية أعانني الله عليها بفضل منه وتغلبت عليها بطريقة ؟؟؟؟ ‏( 1 2 3 4)

[المغرز]

الورشه اخبر مني ومنك
ومع ااااالسلامه

[راعي المجهم]

الله يكون بعونك والله الحرارة مشكلة

[نيسان 2400]

(((( حل مشكلة حرارة السيارات))))

بسم الله الرحمن الرحيم

الشكر لله أولاً وأخيراً فقد هداني الله لحل مشكلة الحرارة

سيارتي جمس 94 سعودي جميح مقاس عشرة عارفينه

كانت الحرارة مع المكيف ترتفع فوق النص بسرعة 140 وفوق والمكيف مايبرد

وإذا هديت نزلت الحرارة تحت النص وبرد المكيف !!!!!

وإذا وقفت ربع ساعة والمكيف شغال أرتفعت فوق النص والمكيف مايبرد

وإذا مشيت نزلت تحت النص وبرد المكيف !!!!!!

وهكذا لي فترة وأنا محتار في هذه المشكلة

غيرت كلتش المروحة وغيرت طرمبة الماء وغيرت راديتر جديد

أربع رصات شلت بلف الحرارة حطيت ماء راديتر أصلي

كل الحلول جربتها مانفعت أبداً ؟؟؟؟؟

وديته لأكبر مهندسي السيارات في المكيانيكا والكهرباء ماعرفوا العلة

وأغلبهم يقول رأس المكينة يحتاج تغيير ولازم نفك المكينة

يبون يسرقون فلوس على الفاضي بس وإذا فكوا الراس

قالوا تحتاج توضيب نصااااااااااابين

أنتبهوا من نصبهم

لدرجة أني فكرت أبيع السيارة وأتخلص منها طفشتني بالحييييييييل

المهم شكيت الال على واحد من الشباب وعلمته السالفة

قال الحل عندي وأنا أبو هندي

بكرة العصر عندك شئ مشغول ولا فاضي قلت أبد ماعندي شئ

قال مرني بعد صلاة العصر بوديك لمحل عنده الحل قلت تم مريت الرجال

ركب معي ورحنا لواحد صاحب ورشة لديترات تنظيف وتركيب وتصييخ

عنده جهاز أخضر لغسيل الراديتر ومجاري الماء في المحرك

قال له الرجال هذا عنده مشكلة حرارة بالسيارة ويبي غسيل كامل

للراديتر والمحرك من الداخل قال أبشر وقف السيارة هنا لو سمحت

وجيب لي (علبة فلاش أمريكي ) أو (علبتين زيت فرامل )

أخترت زيت الفرامل وجبتها له قام وفك خرطوش الماء الطالع من المحرك

للراديتر وشبك فيه لي الجهاز وشبك لي ثاني في الراديتر

واحد يدخل الماء والثاني يخرجه وخلط زيت الفرامل مع جالون ماء

وحطها بالجهاز وشغله قام الماء يدور في الراديتر والمحرك ويخرج مرة

ثانية للجهاز وهكذا طلع يا أخوان شئ زي الرمادة أسود وأحمر من المحرك

وبعد كل غسله يصرف الماء ويحط ماء جديد وهكذا تقريباً 7 مرات حتى أصبح

الماء الخارج من الغسيل صافي لا يوجد به شوائب بعدها أفرغ الماء كامل

من الراديتر والمحرك ورجع الليات زي أول وعبيته ماء أخضر أصلي وزدت

عليه 4 علب ماء بطارية مقطر وأغلقنا الراديتر وأعطيته 80 ريال

والأن السيارة لها 5 أشهر يالله لك الحمد الحرارة ماتعدت الربع في أسوء

الأحوال مع المكيف سواء في الخط أو الوقفه

وقال لي هذه الحركة لازم تسويها كل سنتين أو ثلاث سنوات بالكثير

لأن الصدأ يتراكم على مجاري الماء في المحرك مثل جير الأسنان فيمنع الماء

من تبريد جدران المحرك من الداخل فتسخن السيارة

بعدها بأسبوع جبت له كدلك موديل 90 فيه نفس العلة وصار تمام

وجبنا له كرسيدا 95 نفس العلة وصارت تمام

وجبنا له كابرس 2000 نفس العله وصار تمام

هذا ما أحببت أن أوصله لكم قبل الخساير والتكاليف أبدأ بالرخيص قبل الغالي

ملاحظة / هذه الشغلة تكلف من 50 الى 80 ريال

وأي ورشة تنظيف رديترات يمكنها أن تعملها لك بشرط وجود جهاز التنظيف لديها

لونه أعلى الكهرباء أو أي جهاز مماثل لهخضر صناعة أمريكية يشتغل

للفائده والمعلوميه

وينه ذا المحل بجي ابيه ينظف المحرك والمجاري حقت المحرك مع الرديتر