ابغى الفزعه يالربع في ونش السحب

[مـسـير]

السلام عليكم يالربع

ولا عليكم امر ابغى ورشه متخصصه في تركيب ونش السحب لأني ابغى اولفه على باترول 99 ياليت تدلوني

على ناس فاهمين ماابغى احد يتعلم علي وياليت يكون اكثر من ورشه لو حصل طبعا بالرياض

دمتم بود

[باترول 4×4]

هلا بك أخوي مسير شرفتنا في المنتدى .
عندك المميز بصناعية الدائري يركبون لك ونش مخفي مثبت بالشاص ، وشغلهم ما يحتاج معروفين .

[مـسـير]

هلا بأخوي باترول 4×4 يعطيك الف عافيه بس مافيه غيرهم لو حصلت عندهم زحمه لاني من خارج الرياض ومحتاج

للموتر ودي يخلص بيوم عشان ارجع للديره لأنه يجيني غلقه من الرياض

[ولد الشايب]

اذا انت بالدمام عندك الدفع الرباعي بمخطط 91 شغلهم مضبوط لكن غلويين شوي بس شغل متعوب عليه

[مـسـير]

الله يسلمك ياولد الشايب لاكن انا اقرب مالي الرياض مااظن اروح الدمام

شكرا لك ودمت بود

[مـسـير]

للرفع


تكفون يالربع يالنشاما وينكم ابي غير المميز تخبرون شي ؟؟؟؟؟؟؟؟

[MF6]

هلا اخووي مسير
انا بدلك على افضل ورشه ترهين وتضبيط بالرياض
بالصناعيه القديمه اسم الورشه ( ورشه ابن مرضاح )
يرهم لك كل اللي تبيه وشغله نظييييييييييييييف وراح تدعي لي انشاء الله
والله يوفقك

[طخيمان]

المواهب ممتاز مرة

[مـسـير]

MF6 مشكور على المعلومه بس ياليت توصف لي الورشه لو تكرمت لاني سألت ومحد عطاني وصف

اخوي ابو الطواري الله يجزاك خير بالنسبه للورشه اللي ذكرت عرفت الوصف من واحد من الشباب الله يوفقك ان شاء

الله

[النقا]

السلام عليكم يا أخوي

ماقصروا الشباب لكن ترى السليماني يركبونه مخفي وأيضا بامكانك تركب على الونش اللوحه تغطيه
وعلى فكره مدة التركيب يوم واحد فقط ...

أخوك النقا ..............

[مـسـير]

اخوي النقا بيض الله وجهك بس اسأل في حدود كم يركبونه كم المبلغ ؟؟؟؟؟؟ لان على حسب علمي انهم غالين

[MF6]

وصف الورشه
مخرج 17 اطلع يمين
ابتل (تعدى الاشارت)لين تدخل بنفق بعد النفق اول اشاره رح يسار
اول ماتروح يسار تبدأ تشوووف الورش يمينك الظاهر انك تروووح ثاني لفه يمين وسيد لين تجيك الورشه على يسارك
انا ماني متأكد من اللفه بس اذكر انها ثاني وحده بس اسأل عنها وراح يدلونك هناك عشانها مشهوره
وبالتوفيق

[مـسـير]

يعطيك العافيه MF6 والوصف واضح وان شاء الله اني ابجي الرياض يوم الاربعاء وامر الورش كلها الي ذكروها

الشباب واعلمكم وش بيصير