راعي الباث فندر فقط ......... عااااجل

[ابوعبيده]

ياشباب عندي باث فندر موديل 99 احس فيه حراره تحت الرجل وانا في وسط الموتر بعد ما امشي فيه وش سالفه هالحراره ؟؟

ثانيا : الموتر بعد ما امشي 140 تحس ان فيه صوت مزعج عند المكينه او حولها هل هذا الازعاج عادي بالباث فندر .. يقولون مافيه عازل ..

يالله يالشقرديه وينكم ..

[المرابط]

بالنسبه للحراره اللي تجيك

عند الرجلين والله العالم انها الربله حقت

القير شغلتها بسيطه ان شاء الله انا عندي

نفس المشكله بس في شروكي وفحص عليها

مكنيكي وقالى من الربله

والمشكله الثانيه ماعندي علم.

[عبودي 4]

ما عندي علم

[ابوعبيده]

الاخ المرابط بيض الله وجهك ماقصرت .. المشكله مهب بس عند السواق حتى الي راكب في الخلف يقول فيه حراراه ....

عبودي شكرا لك ..

[ابوعبيده]

لازلت انتظر الاجابه ياشباب :

الموتر بعد ما امشي 140 تحس ان فيه صوت مزعج عند المكينه او حولها هل هذا الازعاج عادي بالباث فندر .. يقولون مافيه عازل ..

[m1m]

هذا طال عمرك . العازل في السيارة مشيول أو متقطع ( متآكل) احتمال أنه صاحب السيارة الأول أو أنت قمت بغسل الفرشات عند محل التلميع .. وقام بإزالة العازل لأن هذي حركات أصحاب محلات التلميع .. صعب تركيب العازل .. شيله وارميه .. ويا صاحب السيارة تورط !!

طبعا اتوقع الحرارة بسبب دبة الشكمان .. وحلها إما وضع صاجة فوق دبة الشكمان أو وضع عازل جديد وتركيبة تحت الفرشة ..

بالنسبة للإزعاج .. ما اجزم لك .. لكن هذا يكون بسبب إهمال تشحيم العواميد ( كردان + عامود دبل ) وهذا عند أغلب الشباب ما يدرون أنها تشحم .. وبعضهم يدري لكن يتساهل .. افحص عامود الدبل عند متخصصين عواميد ( مخرطة خاصة ) قد يحتاج إلى ترصيص أو تغيير .. هذا بشرط تكون الأذرعة سليمة

والله أعلم

[ابوعبيده]

اخوي m1m الله يبارك فيك وفيت وكفيت .. بس وين محلات العازل ( وضع عازل جديد وتركيبة تحت الفرشة .. ) هل هم موجودين في الغرابي ..

ثانيا/ ابروح للصناعيه واخليهم يفحصون كردان + عامود دبل ...

مااقولك الا جزاك الله الف خير ..

وان كان ثمت معلومه عند الاخوان ارجو افادتنا ....

[Abo Nader]

السلام عليكم

أخوي بالنسبة بالحراره ماعندي علم...

لاكن الصوت ما وصفت أنت الصوت وشو...

إذا كان ونه أو حنه فهي من المروحه وتراها عادية أنا 2005 فسه ونه المروحه بعد150...
وذا تبي تفتك منها ركب مراوح كهرب...

[عبودي 4]

يمكن انك مركب يايات قدام

[شيهون]

الصوت عند 140 يمكن من الكفرات مصعرره او تبي ترصيص