السلام عليكم ياخوان وش رايكم في الباجيرو 3800 سي سي 230 حصان

[الربذي]

اخواني بصراحه احترت نيسان والباث خربت كل شي تصنيع امريكي شفت الاديتر صناعه امريكية والتايوتا حلو بس الجيب الجي اكس ار فل غالي والفورتشر مافيه فل كامل (والكامل وجه الله سبحانه )
وبعد تحريث ودوران ومقرنه رسيت على الباجيرو روعه
قيرين تعليق رائع امامي وخلفي فريولات مريح ثلاث دبلات
نظام ايبي اس
نظام اي بي دي
فتحه
مراتب جلد كهرباء تخشيبه مثبت سرعه تكييف مركزي رموت
وكل هذا يباني يباني
موتيواني او امريكي
عاد وش رايكم واحد جربه كيف صوت الماكينه

[الربذي]

استغفر الله واتوب اليه

[بو خليفه]

أشتر الباجيرو لأنه أفضل منهم و يوجد فيه أنظمة أكثر تطور من التويوتا و النيسان من ناحية توزيع العزم و غيره و الدفرنش الخلفي يقفل وصناعة ياباني

[الربذي]

هلا باخي بو خليفه فعلا عاجبني مره مره الباجيرو وفيه قير عادي يدوي وتماتيك
بس اعتقد ان صوت المكينه مزعج ياليت من جربه يفيدنا طبعا 2006

[راعي الهيجة]

السلام عليكم
انا جربت 2005 وهذا النوع تطور من 2002 وخصوصاً القير
لكن فيه نظام غريب يجهلني سألت الوكال ما عطوني جواب كافي شافي
وهو وأو مايختلف التوازن يفصل القير ويطلع صوت طقه قويه وإذا وقفت السياره شبك القير
وأنا جربته بالنفود
اتمنى ان اصحاب الباجيروات يردون...........

[عاشق ربـع]

انا من ناحيتي المستبيشي قطع غيار غالي وقليل من يعرف لهل موتر بالورشات

[طحنون]

الاخ العزيز الربذي
والله الباجيروسياره معتبره وعمليه جداجدا
لان نحن فينا مرض نفسي وهو تويوتا ونيسان
وصدقني انا قبل ما اشتري الباترول عيني على الباجيرو
لاكن المشكله انه مايمسك سعره في البيع وتعقيد قطع الغيارفيه والوكيل ماهواللي انت تبي والسياره جربتها ممتازه جدا وفيها قدره تماسك
ماتلاقيها في الجيوب اليابانيه وخاصه في المنعطفات الحاده والمناطق الوعره
لاكن يعيبه داخليته بالنسبه لي
واخي العزيزاذا انت لاتفكربان تبيع السياره في اي وقت وانك ناوي تستخدم فعلا خذولا تشاوروبدون ترددوالله يبارك لك ويكفيك الشر
ولوتشوف اصعب رالي في العالم رالي دكارالدولي في افريقيا
ماتشوف غيرالباجيرو في المقدمه والمركز الاول على طول

[بدون لوحات]

وكيله العيسا ئى خرب عندى مكيف سبلت با نسونك على الضمان بعد 25 يوم تم تامين القطع (انحش)

[غالي]

وانا من رايي الشخصي
اذا كنت انت من النوع الي يشتري سياره ويعيشها معه ان اراد ربه 10 سنوات وفوق فا خذه
بس حط ببالك يسوالك السعر تحت مره
بمعنى كلامي يطيح سعره بالحيل
واذا كان قيمته فوق 120 الف على ذاكرتي ليش ماتفكر بالارمادا دفرنسين؟؟؟؟
لو كان مستعمل شيء بسيط
فا تأكد مهوب ماخذه الا عائله واغلبها مع سواويق يعني ماطبوا فيه بر
او دور لك يوكون 2006 نظيف
عندي احسن من الباجيرو بالنسبه لمسك الدراهم
حرام اطقلي واحد فوق المية الف لو يجلس معي سنه يطيح منه فوق 30 الف او اكثر .........الا ان شريت مستعمل 2004 او 2005 منها يكون سعره طايح ونظيف
فكر فيها انت واستخر والله يدلك على الي فيه خير
اخوك/ غالي^الأثمان

[الربذي]

الله يعطيكم العافيه ماقصرتم لكن ابي اقولكم اني ملول مره مره يعني بالكثير سنتين وامل واذا نويت البيع خلاص اسبوع واطفش وابيع لو بعشر القيمه
وانا اخوتي الافاضل ماحطيت ذا الموضوع الا ابي اسمع شوركم ومختلفين لكن متفقين على اثنتان سعر اعادة البيع
وقطع غياره وان ماكل ورشه تصلحه ومشكلة احتكار قطع الغيار مشكله عويصه
وتصدق متسوبيشى جاء بترتيب السيارات الاقل اعطالا في العالم في الترتيب الاول وهوندا الرابع
بس اللي باط كبدي انهم حاطين البي ام والمرسيدس الثاني والثالث اكثر اعطال هن خصوصا اذا كدن كثير او علشان احنا مانعرف صيانه السياره بس شغل وامش

[كشوتي]

اخوي الربذي
الباجيرو موتر مافية كلام وميزته انه اقوى من التويوتا واقل سعر منه
وانا ابفيدك باللي تبية عن ال3000سي سي و 190 حصان اما الفل الكامل اللي ذكرت
الحقيقة ما ادري لاني ما استخدمتة لاكن اعرف ان مواصفاتة حلوه بالمره واللي يقولك ينزل سعره مره تراه غلطان
لاني فحطت ادور ومالقيت الين اخذت لي جديد والباجيرو مسكت بس انصحك ماتاخذ الفل تاخخذ الاقل دجةمنه والفرق بينهن تقريبا 30000الف
مهيب شوية قيمة موتر ثاني . وبحكم بحثي وتجربتي قبلك اقدر ادلك على طريقة تاخذ موتر جديد عل الزيرو وبطايح واجد
والا صملت على الباجيرو ارسل لي على الخاص وابشر .

[الربذي]

اخي كشوتي السلام عليكم ماقصرت
واقدر عرضك السخي وربي يعطيك العافيه
ولايهونو الشباب ماقصروا راعي الهيجه وعاشق ربع وطحنون وبدون لوحات !!!!!!!!!!
وغالي الغالي

[الربذي]

ماقصرت اخي كشوتي اقدر عرضك السخي وبارك الله بك ومشكور ماقصرت ولايهونون البقيه ماقصروا

[anas]

شف يا اخوي الربذي ولا يهون الاخوان ..
انا جربت الباجيرو 2001 مكينة3000
وجربت الباترول 2006 سفاري 2
وجربت لاندكروزر 2004 من اليحيى
صراحة الباجيروا في الطعوس مجنووووووون لكن يوم جربته على الخط ازعجني وكأن معاي هايلكس صوت الهواء شديد كنت بأشتري لي واحد من المعارض قزازه الأمامي مكسور ويوم سألت عنه في الوكالة قال لي القزاز الأمامي 3000 ريال وهونت اشتري .

[الربذي]

الاخ الحبيب اناس السلام عليكم
معقوله اقوى من النيسان انا من كلام الناس عنه ابو 4800 سي سي انه الاقوى وعليه عزم رائع جدا بس دام قزازته ب 3000 ريال
صرفنا النظر عنه وتقول بعد مزعج اهم شي عندي الصوت بالسفر