من عنده خبرعن مراوح التبريد

[ابومعاذ3]

السلام عليكم
وصبحكم الله بالخير

ودي يااخوان اركب مراوح او مروحة تبريد على واجهة اديتر المكيف في السيارة ، فمن عنده خبر لأي الأنواع اركب مع العلم أنه أهم شي الجودة وهدوء الصوت وياليت رخيصة .
التشاليح في صناعية الرياض مريتهم عندهم أنواع لكن ما ادري عن عمر المروحة يمكن مكروفة ، فودي بجديدة

الله يجزاكم خير

[ع.ف.الدرويش]

أخوي..فيه واحد يمدحون شغله عل مراوح الكهربائية
من الخطيب.. والكل ما شاء الله تبارك الله يثنون عليه
حتى كل القطع اللي يوفرها لك جديده..
أعتقد إنه بيفيدك بشكل كبير بالذات إنك بالرياض
ان كنت تبغاني ارسل لك رقم جواله ارسل لي رسالة خاصة
ومالك إلا طيبة الخاطر

[m1m]

ما ذكرت وش نوع سيارتك

عموما المروحة القوية لا بد تطلع صوت ..

إذا مروحة خارجية يمكن تناسبك الكوريلا .. بس تطلع صوت خفيف

إذا مروحة داخلية سوبارو سرعتين .. والسوبارو ثلاث مقاسات .. وكلها داخلي

[بدوي جنوبي]

مثل ما قال اخوي m1m

ما ذكرت نوع السياره

بالنسبه للجوده مروحة مرسدس بس عيبها الصوت


هذا اللي اقدر افييدك فيه

[ابومعاذ3]

الله يجزاكم خير على افادتي

أنا ما عندي مشكلة في التركيب اضبطها انا
بس النوع هو المحيرني لأن أحد الأخوان ذكر مراوح رخيصة وعملية الظاهر انها للسوبربان بس نسيت في اي موضوع

الله يجزكم خير على مروركم الكريم

[بدوي جنوبي]

ولا يهمك ابو معاذ
انت آمر ونجيك نطامر

بالتوفيق

[الكلاسك]

جرب مروحة الفكتوريا 97 وتحت واللومينا يمكن تفيدك

[بواسامه]

بالنسبه للمقاس وانا اخوك يحدده المكان اللي بيركب فيه
اما االجوده فالغالب جيد
وميزه السوبارو انها سرعتين الخفيفه للحراره مع الحساس والثانيه السرعه العاليه مع التكييف

[ابومعاذ3]

السلام عليكم ورحمة الله وبركاته
الله يجزا جميع الأخوان خير
توكلت على لله وشريت مروحة جمس صالون موديل 92 تسع ريش وقوية ورخيصة جديدة من الوكيل بـ170 ريال فقط
والتشاليح لقيت ارخص شي بـ150 والفرق بسيط والجديد جديد يمد معك بتوفيق الله
الله يجزاكم خير
تحياتي للجميع

[راع الشيروكي]

لا تنسى المراوح التي تصنعها شركة Denso اليابانية وهذه الشركة مختصة بنظام التبريد والتكييف ودايما جودها ما يحتاج.
انا استخدم الان مروحة من صنعها وحجمها صغير وقوية بس العيب الصوت

[أبوأحمد98]

ابومعاذ
فيه بالرباض شباب سعودي متخصص بمراوح التبريد وشغلهم مشاء الله 100% وعندهم جميع المراوح والاسلاك الخاصه والحسساة والعوازل شغل وكاله مشاء الله انا مركب عندهم والموتر ولله الحمد من ازين مايكون
عندك الكهربائي سليمان الخطيب والكهربائي عبدالرحمن الدغيري اذا تبي وصف لهم على الخاص

[escape_man]

أخوي..فيه واحد يمدحون شغله عل مراوح الكهربائية
من الخطيب.. والكل ما شاء الله تبارك الله يثنون عليه
حتى كل القطع اللي يوفرها لك جديده..
أعتقد إنه بيفيدك بشكل كبير بالذات إنك بالرياض
ان كنت تبغاني ارسل لك رقم جواله ارسل لي رسالة خاصة
ومالك إلا طيبة الخاطر

اخوي الدرويش مبروك الزواج >>>> مبروك الزواج ولو متاخره سنه لكن الي مثلك

ماينسى احد القيام بواجبه. ولايهون بقية الربع.

اخوي ابو معاذ ولايهون الربع خذ من الدرويش الرقم وتوكل على الله وترى تركيبها مع شغل ماشاء الله

كنه وكاله يكلف من 500 الى 700 للجيوب وارقد وآمن.