سؤال لاصحاب القير الاوتوماتك قد علق عليك الموتر

[aliwww]

السلام عليكم
سؤالي لاهل القير الاوتوماتك اذا علق عليك الموتر كيف اداء القير وهل تقدر تنتعه زي العادي لاني بصراحه كرهت القير العادي وخايف من القير الاتوماتك في البر والطلوع والنزول مع العقبات وذا غرز وتعلق الموتر كيف يطلع لان بعض الاعضاء يقول حتى نظام الزجف ماينفع اذا تعلق الموتر لاحد يقلي نسم سؤالي للي مانسم وتورط
طبعاً السؤال لأهل المفخرة بالدرجه الأولى من 2008 إلى 2013 لأني من ملاك هذا النوع


تحياتي للجميع

[شنطة عده]

السلام عليكم
سؤالي لاهل القير الاوتوماتك اذا علق عليك الموتر كيف اداء القير وهل تقدر تنتعه زي العادي لاني بصراحه كرهت القير العادي وخايف من القير الاتوماتك في البر والطلوع والنزول مع العقبات وذا غرز وتعلق الموتر كيف يطلع لان بعض الاعضاء يقول حتى نظام الزجف ماينفع اذا تعلق الموتر لاحد يقلي نسم سؤالي للي مانسم وتورط
طبعاً السؤال لأهل المفخرة بالدرجه الأولى من 2008 إلى 2013 لأني من ملاك هذا النوع


تحياتي للجميع

اذا علق بطن الجيب القير التماتيك خلاص انسى تدعس بنص تقول ان السياره هذي ما فيها قير
اقولها من باب تجربة تعلق على الموتر وانا اسحب واحد مغرز
السياره ادعس والدبل على الخفيف لا يوجد استجابة ابداً
وما قدرت اعشق الثقيل لاني خفت ما عاد يفصل لانها صارة على قبل كذا
واعتقد انه معى الدبل الثقيل بيطلع الموتر مع نسيم الهواء
والي له تجربة في تغريس الجيب التماتيك فلا يبخل علينا

[فهد 333]

نعم علق علي بالنفود والقير تماتيك وكنت شابك الخفيف ومانفع كانه كرسيدا ماينفع ابدا
عشقت الثقيل وليتني ماعشقت لاان نزل ونشبت الاستبنه لكن نسمت الهواء على 18 تقريبا
وطلع بكل سهوله مع تحريك الكفرات والحمدلله

[escape_man]

التماتيك ما ينتنتع ابد خصوصاً من 6 سلندر وتحت

تدوس كنها بالفاضي

الـ 8 سلندر ممكن تتحمل . زي الجموس التماتيك لاغرزت نرقصها (ننتعها) شوي وتعطي استجابة

[aliwww]

الله يبيض وجيهكم على التفاعل
أنا قالي واحد أن الاوتوماتيك اذا غرز يحن ولا تدور الكفرات هل هذا صحيح وهل الثمانية سلندر نفس الشيء
وهل تشيرون علي أغير سيارتي جيب 2011 GXR قيرعادي طبعاً بيوكن لانه ثمانية سلندر لان الجيب غالي الثمانية

[ذيب زلفاوي]

اذا كان يوكن اشوف بيكون افضل من الجكسار
اخوي معه تاهو ماشاء الله الموتر غزال بالنفود بس ماينفع للجلد والمراقا لان الموتر اساسا للخطوط

واليوكن فيه دفلوك يعني يطلع من الغراز بكل سهوله واهم شي انه 8 سلندر

[بدوي جنوبي]

اذا كان يوكن اشوف بيكون افضل من الجكسار
اخوي معه تاهو ماشاء الله الموتر غزال بالنفود بس ماينفع للجلد والمراقا لان الموتر اساسا للخطوط

واليوكن فيه دفلوك يعني يطلع من الغراز بكل سهوله واهم شي انه 8 سلندر

اللى يعجبك في الامريكي انه يجي دفلك خلفى من عام التسعينات وبعض السيارات من الثمانينات اللى بدون دبل .

أما سيارات الدبل فهو يجي تجهيز أساسي مثل اليوكن والتاهو قدام وورا
عكس الياباني .

أذا علق الجيب وهو أوتوماتيك
أول خطوه نسم الكفر وبرح للكفرات ،،، شغل الدبل الخفيف مع الدفلك سايس الموتر
مره قدام ومره للخلف وان شاء الله يطلع ،،
أذا شفت الموتر ناشب لا تضغط على القير كثير لانه ممكن تتآكل الكلتشات بسبب الضغط
الزائد .

[Salamah.y]

انا صارت معي , طبعاً بالخفيف انس ان الكفرات تحرك و هذا اللي يقهر
يعني ممكن تدوس , و تخرب كلتشات القير و انت ما استفدت شي ~

اول ما يغرز التماتيك , لا تجازف
نسم الكفرات و احفرلها مسار من الامام و الخلف
عشق الدبل الثقيل , و سايس الموتر مسايس , لا تدعس بقوه
و دايم حاول تلف للجهة اللي تحس انه نازله , و اذا معك ركاب
خلهم يساعدون الموتر , و يدفون معك , و ان شاء الله بيطلع

دائماً أقول ان الونش ينفع كثير للموتر التماتيك
لو علق الموتر , و صار مافيه استجابه و الكفرات ما تحرك
استخدم الونش , و ان شاء الله انه بيساعدك بعد الله بالخروج من الغراز

,

بالنهايه , يبقى القير العادي بالنفود
أمتع قياده , و أقوى , و آمن بعون الله
و فوق هذا , تفزع للناس و تسحب , و انت مطمئن ان شاء الله

,

لا تبيع و لا تغير
إذا انت خايف من هالمسأله
ركب ونش بسيارتك , و ان شاء الله بيساعدك
و بيكون حل ممتاز للخروج من التغريز

,

مووفق
@~

[sgl2002]

اللي يقول انه يحن ومايمشي هذا لانه ماشبك الثقيل

واذا جلس يدوس له بالخفيف ولايتحرك فبكذا يخرب كلتشات القير

[شنطة عده]

الله يبيض وجيهكم على التفاعل
أنا قالي واحد أن الاوتوماتيك اذا غرز يحن ولا تدور الكفرات هل هذا صحيح وهل الثمانية سلندر نفس الشيء
وهل تشيرون علي أغير سيارتي جيب 2011 GXR قيرعادي طبعاً بيوكن لانه ثمانية سلندر لان الجيب غالي الثمانية

مشكلة تعلق الجيوب التماتيك من الاسبير اذا كان ارضي ....انا بعد الغراز استبدلت استبنة الوكاله بكفر حجري نحيف دنلوب حق الجيب الربع وركبت له جنط هلل مقاس 6.5
ولاننسى الصواميل الخاصه بالهلل
والحمد لله الفرق كبير جداً
اشتر تماتيك ثمانية سلندر ولا تتردد

[الوايلي100]

التماتيك ما ينتنتع ابد خصوصاً من 6 سلندر وتحت

تدوس كنها بالفاضي

الـ 8 سلندر ممكن تتحمل . زي الجموس التماتيك لاغرزت نرقصها (ننتعها) شوي وتعطي استجابة

كلام بدون تجربه

[aliwww]

كلام بدون تجربه

كيف يا الوايلي عطنا تجربتك اجل

[اسبيدر مان]

اول شي اذا انت راعي عقبات وبران وتطعيس الافضل لك العادي مهما قلنا العادي والعادي الا انه يبقى الافضل للاعمال الشاقه
لكن اذا انت مبلي بالاوتماتيك فخلني اقولك شغله من واقع تجربه
الاوتو الول ماتنزل للبر شغل الدبل الخفيف اذا السياره ماهي دفع رباعي مستمر وريح مخك لان السياره اذا ماطلعت قدام فلاشك راح تطلع معك وراء لانها راح تكون مستويه على سطح الارض لكن لو مشيت بدون دبل وغرز الموتر مباشره راح يتمايل الى احد الجهات هنا اذا شغلت الخفيف راح تحن السياره بدون دوران الكفرات واذا شغلت الثقيل راح يدور معك كفر واحد في الامام وكفر واحد في الخلف هذا طبعا اذا كانت السياره غير مجهزه بااي نظام للدفع الرباعي مثل اغلب جيوب النيسان مجرد دبل وبس
اضف الى ذالك الاوتو يحتاج لصيانه مستمره بعكس العادي ايضا لو فضت بطاريه السياره راح تواجهه مشاكل في الاوتو بعكس العادي
والله يكتب لك الى فيه الخير

[العطاوي a511]

العادي افضل من ناحيه الكرف لاكن انا افضل التماتيك مريح لك وللسياره بعد

التماتيك يبيله انسان فنان بالقياده يعني طاره وهو افضل من العادي بالنفودوالخط بس يفرق شي واحد

اذا غرزت تغريسه قويه الله يعينك تبي تبلش العادي تقدر ترقصه وتقدم وترجع بسرعه لين تطلع لاكن التماتيك ماتقدر بس اذا السياره فيها دفلك افضل

[aliwww]

اول شي اذا انت راعي عقبات وبران وتطعيس الافضل لك العادي مهما قلنا العادي والعادي الا انه يبقى الافضل للاعمال الشاقه
لكن اذا انت مبلي بالاوتماتيك فخلني اقولك شغله من واقع تجربه
الاوتو الول ماتنزل للبر شغل الدبل الخفيف اذا السياره ماهي دفع رباعي مستمر وريح مخك لان السياره اذا ماطلعت قدام فلاشك راح تطلع معك وراء لانها راح تكون مستويه على سطح الارض لكن لو مشيت بدون دبل وغرز الموتر مباشره راح يتمايل الى احد الجهات هنا اذا شغلت الخفيف راح تحن السياره بدون دوران الكفرات واذا شغلت الثقيل راح يدور معك كفر واحد في الامام وكفر واحد في الخلف هذا طبعا اذا كانت السياره غير مجهزه بااي نظام للدفع الرباعي مثل اغلب جيوب النيسان مجرد دبل وبس
اضف الى ذالك الاوتو يحتاج لصيانه مستمره بعكس العادي ايضا لو فضت بطاريه السياره راح تواجهه مشاكل في الاوتو بعكس العادي
والله يكتب لك الى فيه الخير

يعطيك العافيه كلام جميل