رش تحتي الموتر بالقار

[aahhhh2]

السلام عليكم ورحمة الله وبركاتة وبعد
ياشباب انا شفت جاب مرشوش تحتيه قار و ماشاء الله تبارك الله سير القار حماية لبطن
الموتر وسئلت قالو يسونها في القصيم ........
و انا اسئلكم يشباب مفية ورشه تسويه في الرياض
و كم سعرة

[بواسامه]

نصيحه
وشوله تسويها وترش قار
يحتاجها اهل الرطوبه لاغير
وشف اي موتر من مواتر الرياض من 25 سنه
ما صداء ولا يحتاج قار

احفظ قريشاتك وانا اخوك الا كانك من اهل الدمام ولا جده
وقليل اللي يرشهن
مجرد رأي قابل للرفض طبعا

[escape_man]

فعلا مايحتاجها الا اهل المناطق الساحلية ولعلمك بطلوا هالحركة وصاروا يرشون بزيت اتوقع انه زيت مكينة ويصير بشكل دوري

وفك عمرك.

[العاني]

السلام عليكم ورحمة الله وبركاته

اخوي aahhhh2 الفائده من رش اسفل السيارة بالقار عدة فوائد ومنها :
1_تقليل الضوضاء (الصوت) لاصرت ماسك خط
2_حمايه لاسف السيارة ون الحلى(الصدأ) إذا انت راعي بر يعني عادي تدخل الشعيب وهو يمشي ؟؟؟؟؟؟؟؟؟؟؟ مثلي
3_لاتحتاج لغسيل السيارة بشكل دوري (الاسفل )

وبانسبة لي انا لازم قبل دخول الشتاء ارش تحت الجيب كامل من الى
وعلى فكرة تراه بخاخ تحصله عند الزينات
علبته صفراء وغطاه اسود مرسوم عليه سيارة وجي منه اكثر من نوع
والافضل الامريكي وتراه لونه موهب اسود ويميل للاحمر شوي وهذا افضل شيء

دوعلى ما اظن سعره 20ريال

[aziz2727]

الاخ ابو اسامه

كلامك

[أبو أسامة]

السلام عليكم ورحمة الله وبركاته

أخي الكريم أنا مؤيد لكلام الأخ العاني 100% ........ وأضيف عليه أنه يعتبر عازل حراري ....
وللمعلوميه فيه قار أصلي تحصله عند محلات البويات طبعاً لسيارات وأسمه3m وقيمته 25 ريال .... ونصيحه لا ترشه على المحركات يعني الدفرنسات ولا على القير والدبل ولا المكينه لأنه بكل بساطه لا يتحمل الحراره العاليه المباشره .... يعني راح يصبح سائل ..... وإذا رشيته أنتظر أسبوع دون أن تلمس السياره من الأسفل .... وذلك من أجل أن يتماسك كأنه شد بلد ويصبح قاسي .......

والسلام عليكم ورحمة الله وبركاته

[الكلاسك]

يا حبكم للخرراب والعبث وش ترش وش تخربط قار عاد ؟؟؟؟ لا ترش ولا تخربط فيه اشياء حساسه تحت السياره دفرنس وعكوس وصلبان ومسامير فلتر قير واشياء واشياء بتخربها بالقار الله يصلحكم بس

[الرهدن]

السلام عليكم /
على طاري الرشات00 أشوف رشة قريبة من الطين00 وين ترش فيه00 وهل فعلآ لها فائدة وكم سعرها وهل هي عمليه
العاني/ كلامك



.

[aahhhh2]

الله يجزاكم خير ياجماعة وجعلها في موازين اعمالكم وبعد
اخواني العاني و
أبو أسامة <SCRIPT type=text/javascript> vbmenu_register("postmenu_473023", true); </SCRIPT> و aziz2727
انا قد جربت البخاخ القار الي في المحلات الامريكي في ارضية مكيف صحراوي مايمسك في
الحديد مهب زي الامنك جبت قار جامد وسخنتة على النار وصبيتة
سوئلي مافية شي اقوا مسك من البخاخ اشتريه واسوية انا
او وش اسم الورش الي يبخونه في الرياض
وكم السعر
والله يجزاكم خير
<SCRIPT type=text/javascript> vbmenu_register("postmenu_473005", true); </SCRIPT>
<SCRIPT type=text/javascript> vbmenu_register("postmenu_472978", true); </SCRIPT>