زيارتي لمنتحف الدبيخي بضيافة الصقارابوتركي ويوجد صور وفيديو ؟!.

[الطرس ممدوح]

يالله مسهم بالخير حيا الله الغالين أعضاء وزوار منتدانا الغالي . ها أنا أضع بين أيديكم تقريري المتواضعة لزيارة متحف الدبيخي في مدينة بريدة

وكانت في يوم الثلاثاء 17/3/1434هـ بضيافة الصقار ابوتركي التويجري جزاه الله خير الجزاء بما قام به من حسن الضيافة

(( وكان من الحضور ))
(( الصقار والشاعر ابوعبدالله المزيرعي والصقار والشاعر ابوعبدالله الشريدة والصقار والشاعر ابوفيصل العضيبي والشاعر ابونعيم الخضير وشيخنا ابوعبدالله المحيسن وشيخنا ابوحمد الرسيني والصقار ابوعبدالعزيز الوابلي والصقار ابوبدر العضيبي والصقار ابوحسن البلهان والصقار ابواحمد الشريدة والبواردي ابومشعل الوابلي ومحدثكم ابوعبدالله الطرس ))

وآسف على الإطالة واعذروني على القصور يالغالين وهذي لحظة وصولي للمتحف ونبدأ معكم بالصور بســــــم الله

بسم الله وهذا من الداخل

وهذي هي الملابس الأولة الله المستعان ومكاين الخياطة في الأسفل

لطفاً ياحلوين عدم الرد حتى يكتمل الموضوع

[الطرس ممدوح]

هذا الجهاز كان يكافحون فيه البلدية الله المستعان شوف التاريخ مكتوب عليه

هذا قفل الكعبة المشرفة

لطفاً ياحلوين عدم الرد حتى يكتمل الموضوع

[الطرس ممدوح]

الله المستعان هذي الصندوق كان يقوم بمقام الثلاجة







صناديق البرتقال والبقيه مافيه معلوم عربي اخاف تقولون الطرس شايب







انواع لوحات السيارات لكن فقع راسي وشي اللوحة الملكية الطويلة فوق يمين اثرها من قديم عطونك المرور









هههه شنطة الطيران






هذا فصل الدراسة الله المستعان شوفو الكراسي والكتب وشوفو اللوح اللي يكتبون فيه شكلهم لاقضو منه خلوه قطاعة للبصل واللحم هههههههه مثلاً









لطفاً ياحلوين عدم الرد حتى يكتمل الموضوع

[الطرس ممدوح]

الله المستعان هذا البيجر الله من واحد جخ فيه عند الناس





ذخيرة قديمة







لحظة وصول بعض الربع والله شقردي يابوتركي القهوة والشاهي كلش جاهز وحجاج زين











هذي كان لراح الواحد للخباز يحط فيها الخبز الله المستعان تلقاه يقضي من التذوق قبل ياصل اهله هههههه











لطفاً ياحلوين عدم الرد حتى يكتمل الموضوع

[الطرس ممدوح]

خابر يجمعونهن ويصلحونهن سيارات للأطفال















شوفو وش مكتوب والله بعض المخطوطات والأوراق والمستندات مضمونها فكاهي














وهذي خريطة قديمة لمدينة بريدة










لطفاً ياحلوين عدم الرد حتى يكتمل الموضوع

[الطرس ممدوح]

ابوتركي يقول تفضلو على العشاء الله يحيكم وبعد العشاء سمرنا حصل قصيد

وهذي مقاطع الفيديو فيها الجلسة الشعرية

وبعد ذلك أرجو من الله ثم منكم أن تكونوا قد أستمتعتم بالموضوع المتواضع
واشكركم على المرور الذي زاد موضوعي حلاوة
ولاتنسوني والمسلمين الدعاء وكذلك لأخواننا في كل مكان بالنصر
والسلام عليكم ورحمة الله وبركاته

[ابومحــ م ـــد]

يسعدني ان اكون اول من يرد على موضوعك الله يوفقك ان شاء الله تقرير مفصل واخر تمام الصراحه تنسى نفسك وانت تتمتع بالتقرير الله يعطيك العافيه

[فنجال ورجال]

ما شاء الله موضوع في غاية الروعة وافي ولا قصرت

[الرحلاوي ثنين]

ما شاء الله زيارة موفقة
يعطيك العافية ع الصور

[بر دبي]

الله يعطيك العافية يالطرس
تقرير رائع ومميز
ورفقه حلوه ماشاء الله
تستاهل النجوميه

[كشوتي]

ماشاء الله تبارك الله
وش ها الزين تحف وماض جميل وذكريات لها حنين
ياغالي اوجعت قلبي وحركت شجون وهيضت مشاعر

وين الزمان ووين هذيك الايام ...... وقت مضى ياناس ويني ووينه
شبنا وشيبنا وصارت لنا أحلام ...... عزاه ياقلبٍ طونه سنينه
راحت طفولتنا وهي كنها العام......قلبي بذكراها تزايد حنينه
ياما بنينا الطين بالعاب واوهام ...... والعابنا من صنع يدينا متينة
على العسيب نسوقها فوق الاقدام.....كلن يصلح لعبته في يدينه
نلهى بشوارعنا وهي طينها خام.....نضحك ونلعب ماعرفنا الضغينه
العاب نصنعها من الواح واسيام......على بساطتها نراها ثمينه
نفرح ولافينا اناني وبحام......كل على المقسوم قدم يمينه
الناس مبروكه ولافيه نهام......كل رضى قسمه وربي عوينه
لاجا العشاء كل فرش سطحه ونام.....ناكل عشاء عقب الغداء رافعينه
لا جاء المطر كل شقل دوشقه قام..... وريح المطر ينعشك لا بل طينه
والصبح نلبس للمدراس تهندام ...... واللي زلق بالطين ربي يعينه
تمشي وعينك تنتظر صب مرزام......والراس فوقه خيشة محتمينه
صحيح غير الله فلا دايم دام ...... بكيت وابكتني علوم حزينه

الله يعطيك العافية اخوي الطرس ويكثر من امثالك
دائما تتحفنا بالجميل

[الطرس ممدوح]

يسعدني ان اكون اول من يرد على موضوعك الله يوفقك ان شاء الله تقرير مفصل واخر تمام الصراحه تنسى نفسك وانت تتمتع بالتقرير الله يعطيك العافيه

ما شاء الله موضوع في غاية الروعة وافي ولا قصرت

ما شاء الله زيارة موفقة

يعطيك العافية ع الصور

الله يعطيك العافية يالطرس

تقرير رائع ومميز

ورفقه حلوه ماشاء الله
تستاهل النجوميه

ماشاء الله تبارك الله

وش ها الزين تحف وماض جميل وذكريات لها حنين
ياغالي اوجعت قلبي وحركت شجون وهيضت مشاعر

وين الزمان ووين هذيك الايام ...... وقت مضى ياناس ويني ووينه
شبنا وشيبنا وصارت لنا أحلام ...... عزاه ياقلبٍ طونه سنينه
راحت طفولتنا وهي كنها العام......قلبي بذكراها تزايد حنينه
ياما بنينا الطين بالعاب واوهام ...... والعابنا من صنع يدينا متينة
على العسيب نسوقها فوق الاقدام.....كلن يصلح لعبته في يدينه
نلهى بشوارعنا وهي طينها خام.....نضحك ونلعب ماعرفنا الضغينه
العاب نصنعها من الواح واسيام......على بساطتها نراها ثمينه
نفرح ولافينا اناني وبحام......كل على المقسوم قدم يمينه
الناس مبروكه ولافيه نهام......كل رضى قسمه وربي عوينه
لاجا العشاء كل فرش سطحه ونام.....ناكل عشاء عقب الغداء رافعينه
لا جاء المطر كل شقل دوشقه قام..... وريح المطر ينعشك لا بل طينه
والصبح نلبس للمدراس تهندام ...... واللي زلق بالطين ربي يعينه
تمشي وعينك تنتظر صب مرزام......والراس فوقه خيشة محتمينه
صحيح غير الله فلا دايم دام ...... بكيت وابكتني علوم حزينه

الله يعطيك العافية اخوي الطرس ويكثر من امثالك

دائما تتحفنا بالجميل

ما شاء الله زيارة موفقة

يعطيك العافية ع الصور

حي الله اخواني الغالين

بيض الله وجيهكم على المرور
المعطر بالعود الأزرق
وماعليكم زود
نتعلم منكم
وآسف على تم وضع نفس االموضوع وتم التعديل عليه واتشرف مروركم وهذا رابطة

http://www.mekshat.com/vb/showthread.php?t=561077

ولاتحرمنا الطلة الحلوه

وارجو من الأدارة حذف هذا الموضوع

[الرحال الوافي]

يعطيك العافيه مميز دائما