عندي لكم يا اخوان اقتراح بسيط جداً للي يبون الكشتات الخفافية
اولاً: صندوق من ها الصناديق المطربلة تكون عزبة القهوة
يحتوي على :
1- دلة
2- ابريق تفويح للقهوة
3- ابريق شاهي
4- ابريق تفويح للماء
5- مطبقيات صغيرة على حسب الاستخدام وتحتوي على
أ - بن
ب- هيل
ج - زعفران
د- عويدي ( مسمار)
ه - شاهي
و- سكر
6- شنطة للفناجيل والبيلات
7- مكعبات توليع الحطب
8- بيز ( لمسك الاشياء الحارة )
9- مجموعة كباريت
10- ليفة للدلة
11- اكياس نفايات
12- مركاب صغير
13- (قز صغير للطرقية الى يمشون واجد وينفعهم انهم اذا وقفو يصلون يشبون بسرعة على قهوتهم او اذا وقفو في احد المناظر الخلابة ولا لهم نية الجلوس ) مع العلم ان القز الصغير ابو انبوبة زرقاء الى قيمتها 4 ريال يطول ويجلس تقريبا نص ساعة
14-كشاف صغير
ثانياً : صندوق اخر يوضع فيه عزبة المطبخ
مااقدر احدد وش الى فية لان كلن لة طبخة معينة وفية ناس مايبون يطبخون يبون يشوون المهم لازم يكون فيه كيس نفايات ومركاب للقدور
ثالثاً:
ممكن تحط لك شنطة للحطب وتكسرة في بيتكم كسر زينة لين يدخل بالشنطة المطربلة وذا يعطيك مساحة اكبر في السيارة علشان اذا معك مراقد وغير كذا ميلعب الحطب في موترك من الداخل
انشاء الله تكون اقتراحات مفيدة
يا اخوان لو كلن منا نظف المكان الى يقوم منه كان لقينا جميع الاماكن نظيفة لاكن انا متاكد ان الواحد يوصخ المكان الى يجلس فية ولا يهتم حتى من اصغر الامور واذا راح يبي يكشت خاصة تحت شجرة في شعيب زين قال (ياخي ذبحونا ها الناس بها الفضلات حقتهم ( وراح يومة وهو يدورله مكان نضيف فالله الله بالنظافة على اقل اعتبار اذا ماتبي تنفع غيرك تخيل انك بتجي ها المكان مرة ثانية حتى لو نفايتك منتب شايلها 0 الله االله يا اخوان بالنظافة وتروها من الايمان
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة الشيب
