لاندكروزر 2007 عاجل جدا للأهمية

[ابو أنس]

السلام عليكم ورحمة الله وبركاته
كل عام وانتم بخير ( اسأل الله العظيم ان يقبل منا ومنكم صيامنا وقيامنا وانا يجعلنا واياكم من عتقائه من النار)
يأخوان اريد شراء هاليومينgxr2007 ومحتار بين وارد عبداللطيف والبازعي واليحيا ايهم افضل فمن لديه معرفه فلا يبخل علينا ( سائل الله ان تكون في موازين حسناتكم) ودمتم

[برعوص]

البريمي لا تغبن به خل عنك عبداللطيف

[منتعش]

حي الله أخوي الغالي

كنت أسأل بعض الشريطية عن سيارات ( اليحيى )
وكلهم يمدحون معرض اليحيى
ويقولون بأن سياراته تجي من اليابان على طول
ويطيح من سعرها عن الوكالة ما يقارب ( 15.000 ) ألف
عشان كذا لو رحت للوكالة ( جميل أو البازعي ) لفتح صيانة يطلبون منك مبلغ ( 2.000 ) ريال
وأنصحك بأن تشتري من اليحيى والثاني البازعي وجميل أبعد عنه

[ابو أنس]

الأخ برعوص والأخ منتعش وفقكما الله في الدنيا والآخرة وجمعنا الله بكما في الفردوس الأعلى من الجنة وجعلنا من عتقاءه من النار في هذا الشهر الفضيل وتقبلوا خالص تحياتي.

[بـــراق]

حيـاك اللـه اخـوي ..

اولا .. عبد اللطيف هـذا المفـروض ماتفكـر فيـه .

وانـا انصحـك بـ اليحيى سياراتـه مـن اليابـان للمعـرض بـدون اي تغييـرات

ولـو تاخـذ لـك Gx افضـل وهـذا الامـر راجـع لـك ,,

ومثـل ماقلـت لـك غيـر اليحيـى لاتفكـر ..

اتمنـا انـي افدتـك ..


اخـوك
براق

[aziz2727]

والله وانا اخوك انا معي عبداللطيف
بس مواصفات اليحيا والبازعي افضل بكثير
الشي الي يميز عبداللطيف الصيانه بس
يعني تقدر تاخذ اليحيا وتفتح له ملف عن عبداللطيف
والله يدبرك على الصالح

[ابو أنس]

حي الله أخوي الغالي

كنت أسأل بعض الشريطية عن سيارات ( اليحيى )
وكلهم يمدحون معرض اليحيى
ويقولون بأن سياراته تجي من اليابان على طول
ويطيح من سعرها عن الوكالة ما يقارب ( 15.000 ) ألف
عشان كذا لو رحت للوكالة ( جميل أو البازعي ) لفتح صيانة يطلبون منك مبلغ ( 2.000 ) ريال
وأنصحك بأن تشتري من اليحيى والثاني البازعي وجميل أبعد عنه

هل عبداللطيف جميل سوف يقوم بعمل الصيانه له كما يعمل للسيارات المشتراه منه؟ وهل سوف اقوم بدفع مبلغ الصيانة او انه مجاني؟ ودمتم.

[BRG]

ابعد عن جميل وبس اكبر غشاش


وخلك على اليحيا ولا البازعي
اهم شي ابعد عن جميل

[ابو أنس]

ابعد عن جميل وبس اكبر غشاش


وخلك على اليحيا ولا البازعي
اهم شي ابعد عن جميل

اخي حفظك الله بعون الله وتوفيقه سوف اشتري من اليحيا ولكن ممكن توضح لي الفرق بينه وبين البازعي وجميل وماهي المشاكل لدى جميل والله يرعاكم كيف اقوم بالصيانة للسيارة

[هاوي الله]

اخي حفظك الله بعون الله وتوفيقه سوف اشتري من اليحيا ولكن ممكن توضح لي الفرق بينه وبين البازعي وجميل وماهي المشاكل لدى جميل والله يرعاكم كيف اقوم بالصيانة للسيارة

هلا اخوي
إذا طلعت الموتر من اليحيى ماعليك إلا تروح لعبداللطيف جميل وتسوي صيانه بــ 150 ريال أو بعد الألف كيلو متر الأولى أيضاً بـــ150 ريال وأول مايدخل في الكمبيوتر عندهم فخلاص يصير مضمون من عبداللطيف وسلامتك &

تراني ملقوف شوي

[ابو أنس]

هلا اخوي
إذا طلعت الموتر من اليحيى ماعليك إلا تروح لعبداللطيف جميل وتسوي صيانه بــ 150 ريال أو بعد الألف كيلو متر الأولى أيضاً بـــ150 ريال وأول مايدخل في الكمبيوتر عندهم فخلاص يصير مضمون من عبداللطيف وسلامتك &

تراني ملقوف شوي

جزاك الله خير وبيض الله وجهك ( وليت الملقفه كلهم مثلك وشرواك )

[هاوي الله]

جزاك الله خير وبيض الله وجهك ( وليت الملقفه كلهم مثلك وشرواك )

شرواك الطيب ويشرفنا خدمة الجميع &

[راعي الحزم]

يااخوان من يعرف رقم تلفون اليحيا في بريدة وماتدرون كم سعر ال Gx 2007

[فتى شنه]

اخوي ابو انس اللي يقولك واتحداه ان مواتر اليحيى من اليابان دايركت له مع الاحترام والتقدير للاخوه نصاب اليحيى يجيبه من اليمن واذا

مو مصدق قله يعطيك شهاده المنشاء والى اوراق الجمرك يارجال اليحيى متى طلع عشان يجيب من اليابان الى ان كان بعض الشباب

ياخذ 2.5 في الميه للدعايه هاذي شي ثاني ان كان بتاخذ خذ سياره معها اوراق جمرك اقل شي عشان تدخل في البرنامج حق عبداللطيف جميل

لان مدير الصيانه يبي اوراق اقصد شهاده منشاء للسياره واوراق ثبوتيه من معرض مختوم عليه عشان يدري ان السياره جديده

وغير كذا الله والعالم هو يقبل والى لا

ان كان تبي نصيحه انت بتدفع فلوس اقل شي 160 الف حرام انك تاخذ سياره مالها ضمان والظامن الله لو يجي عطل في القير والمكينه

تتحمله انت

يااخي اليحيى يقول مااعرفك اذا طلعت السياره من عندي وش تبي غير الكلام هاذا لكن رح لمعرض المسند الفلاح الصقر يعطونك ضمان

وشهاده منشاء للسياره والسيارات حقتهم من البريممي يااخي الجكسار وارد البريمي زي الفكسار اقل شي يجي زنون اليحيى مايجي


وان والله ماقلت هاكلام ضد اليحيى والى مع المعارض اللى ذكرتها لكن قول الحقيقه ومصفطيه مني لك لانك طلبت الراي وهذا ماعندي

ياخي بظرب لك مثل جيب الكزز عند اليحيى 218 الف وعند الفلاح 235 الف الكلام هاذا لموديل 2006 قبل اربعه شهور

ناظر الفرق بين السعرين مايشك الواحد في القيمه لاتقوللي شغل شريطيه السعر انما يدل على سعر التكلفه واصل هاذا يجي من عمان مصدر

من اليابان وهاذا يجي من اليمن ليه مايكون مصدر تايلند او الصين او ماليزيا

ارجو ان ي افدتك والله يكتب لي ولك وللاخوه الخيره والسلام عليكم

[حان الرحيل]

يا اخوان ما فيه اي سياره تجي للسعوديه من اليمن00لو كانت من اليمن سيكون اعادة تصدير 00طيب اليمن لديه جمارك عاليه يعني لو كانت سيارات اليحى من اليمن ما راح ياخذ السياره باقل من 250 الف ريال000
جميع سيارات اليحى من البازعي وهذا كلام موكد00ممكن واحد يقول ابي الدليل00نقول بسيطه
شفالارقام التسلسليه لسيارات اليحى وقارنها مع البازعي00 2-نفس شركة التامين3 -وهو اهم شي عند نهاية الموديل تجد معارض اليحى مليئه بالسيارت الجديدة
وخلال يوم او يومين تجد ان السيارات استبدلت بالموديل الجديد00فاين ذهبت السيارات 00طبعا تم اعادتها الى الموزع الرئيسي البازعي00والبازعي لديه برامج كثيره للتصريف منها الاقصاط والتخفيض 000
الخلاصه ان البازعي موزع معتمد لسعود بهوان00واليحى موزع فرعي للبازعي00وقد يكون انكار اليحى لتوزيع سيارات البازعي اتفاق بينهم يحفظ سمعة البازعي بان يكون موزع وحيد 00وتكون نظرة الناس لليحى انه يجيب سيارات من اليابان00وقد نكون وزارة التجاره طرف في الموضوع بان تمنع الموزع ان يعطي الغير توزيع00
والشي الثاني اللي احب ان انوه عليه الاتوجد مصانع لاند كروزر خارج اليابان الا في امريكا00ولا يوجد لاند انونيسي او ماليزي او تايلندي
او غيره 00لكن توجد قطع تصنع في دول كثيره منها الصين وتايلند 0وخذوا العلم ياسنايدي