مشكله في الهايلكس ,,, أرجو المشاركه

[قناص القصيم]

السلام عليكم ...
حيا الله الربع .. وكل عام وأنتم بخير
----------------------
عندي يالربع هايلكس موديل / 2003 ديزل , ماشيه / 150000
قبل فتره " تقريباً أسبوعين " ولعت بالطبلون لمبه برتقاليه ( T-BELT )
ما أدري وش المشكله ؟ أرجو لمن يعرف عن هذا شيئاً الرد سريعاً ,,
ولكم جزيل الشكر .
إليكم الصور **
(( المعذره على عدم وضوح الصور ))





.

[شبح الصحراء]

لا يكون بس سير التايمن اللي داخل المكينة ، لازم تشوف ورشة ممتازة تسألهم أو تمر الوكالة وتسأل أحد المهندسين ، سير التايمن يحرك طرمة الزيت واذا انقطع تخبط المكينة فخذ الحذر .

[دحول]

السلام عليكم..
هذا يخوي سير التايمن دخل المكينة أذا مش الموتر 150ألف في الديزل تولع يبيله تغير ولاتقرب الوكالة لأن سعر تغيره غلي جداً مقارنه بالورش العادية
والسلام عليكم.

[راعي المسرى]

السلام عليكم ورحمة الله وبركاته وبعد:
خذ نصيحتي وغير الجنزير أو سير التايمن في أي ورشة بس!!!
وش بس؟؟؟
**ماهيب طافيه اللنبه إلا عند الوكالة وبـ 100 ريال فقط!!
والسلام.............

[راعي البير]

اخي الكريم.لا تشيل هم لو مشيت عليه200,000ماعليه اسئل مجرب والله . بس نصيحتي كانك في الرياض اوتبي تروح للرياض انص البازعي الي في طريق خريص تراهم احسن من الوكاله (عبد اللطيف)صح انهم ازود من الورش بشوي بس شغل نضيف ومضمون ويطفون اللنبه وعلى فكره تراها بتولع اذا مشيت 300,000 واترك عنك المطرسه كانك تحب موترك .اتمنى اني اقدر اخدمك اكثر وشكرا اخوك/راعي البير