كثروا طلابين السفاري وكثرة شعبيته

[برق تميم]

السلام عليكم ورحمة الله وبركاته

ما شاء الله اشوف السفاري كثرة شعبيته وصرنا نشوفه بشكل ملحوظ اروح للقصيم واشوفه بكثره عجيبه اتوقع الموديلات الجديده من 2002 تغيرة الصناعه وصارت السياره لا باس بها ومتماسكه وصارو يربطونه وخلاص كد ومد والظاهر انه اوسع من التويوتا عطونا آرائكم يا الربع

[ندمان]

الله الله كثروا طلابينه لأن ماكينته 4800vtc قوية والموتر خفيف اخف من التويوتا

[نمر بن حثلين]

اكيد بيكثرون طلابه

موتر عملي وسعره معقول ومكينته جباره ويجيك بقراطيسه من اليابان

مهب مثل بعض الناس يجي البدي من اليابان والباقي لمصقه بورش جده

[ناصح]

نعم سيارة دفع رباعي رائعة جدا

لكن يا ليت يكون منه شنطة خلفية بدل ابواب .

[مرقاب الشرق]

سعره الرخيص فقط .

[محسن اليامي]

والله أنا عندي vtc 4800 ماشاءالله عليه

قوة وعزم ورساوه في الخط وفي البر مايحتاااااج أخذ خوي

[محسن اليامي]

ومن ناحية الوسع مايفرق شي

[مع الزعيم]

أصلي 100% ولم تتعبث به الإيادي واذا تفرجت على السيارة تحس بعراقة اليابان وأعتقد أن وكيله خسران لأنه ما يبيع قطع غيار فيما عدا التي تستهلك أو التي تتظرر نتيجة الحوادث الله يكفينا وياكم شرها

[بواسامه]

سعره الرخيص مقارنه باللاندكروزر

[&**البتار**&]

مايحتاج النيسان بكل مكان ان بغيت جلد وان بغيت نفود وان بغيت خطوط يخدمك بأي مكان وراسي وعزوم على كيفك و وسع وراحة من وين ماجيت النيسان وبس ------ بس الناس ماخذين بالتايوتا مطب وخلص عقيده تويوتا وبس الصراحة ما بعد النيسان
على فكرة ترى موتري تويوتا

[المتليك]

النيسان والتويوتا
من افضل المواتر ذات الدفع الرباعي
وكل له مشاري وعشاق
ولولا الاذواق لبارت السلع
تحياتي

[شبح الصحراء]

نعم سيارة دفع رباعي رائعة جدا

لكن يا ليت يكون منه شنطة خلفية بدل ابواب .

اخالفك الرأي واتمنى لو يبقى على طول ابواب لأن الشنطة غير عملية أبداً خصوصاً انها راح تضطر يكون الكفر السبير تحت ومشاكل السبير تحت معروفة ومنها احتمال انفلاته وفقدانه مع اي ضربة تجي عليه خصوصاً في النفود ولا يدع مكان لتركيب تانكي ماء مكانه فالأفضل برأيي الأبواب ويكون الكفر السبير مركب بقاعدة عليهن مثل ماهو موجود الآن في الباترول كما ان الشنطة لا تسمح بنزول وركوب الركاب كما في الأبواب .

[m1m]

الحقيقة أنا من عشاق السفاري ..

اللي يقولون قرقعة وطقتها .. صدقني أن التويوتا كسب سمعته من الشنب القديم ..ومن 2000 دج التويوتا .. بلاستيكاته كثيرة وتطيح مشوكبيات مافيه أي مسمار !!

ميزة التويوتا الوكيل ممتاز عند الحمراني المخيس

[ابو ناصر2020]

الباتروال موتر ماعليه كلم
1-قوه وصلة 4800
2-صلبه وتستحمل الوعر ومريح بطرد
3-يتميز بوزن الخفيف
4-طور بمحرك vtk وقل صرفيت البنزيم
5-يتميز بوجود دفرنس أمامي يتحمل الوعوره ام الندكروزر لا يوجد دفرنس
6-سعره المتداول بينا جميع المستويات
7-صناعه ياباني 100% خالي من الشويب مثل الندكروزر
والباترول موتر خذه خوي بكل الدروب.

[متعة الترحال]

ما أزود على كلام أبو ناصر كفى ووفى هو بقية الأخوان

وملاحظتك يابن حثلين في محلها
وكلام أخوي ناصح 100% لو يجي منه شنطة ياسلام
والحقيقه عيبه هو وكيله ،،
يلاحظ على النيسان تطوره البطئ عدا السنوات القليلة الأخيرة ،، بدا يلحق بركب التويوتا ،،