باترول 2007 ...مطلوب صور,تجهيزات,ترهيم,وأفكر جديده

[خيال نجد]

أبشركم شريت البارح من الحمراني الله لا يوفقهم

مصخروبي مصخره لين طلعوها لي ... تقل مطلعه ببلاش ... ولا معطينن شرهه.... لا والأنفس خايسه جداً

باترول لؤلؤي جديد 2007 سفاري 2 بــ134000 ريال
..............

عاد لا تبخلوووون علينا بالصور والأفكار الجديده والتجهيزات والترهيم

مانستغني عن المشوره

[نمر بن حثلين]

ما شاء الله لا قوة الا بالله

الله يطعمك خيره ويكفيك شره

على البركه يا خيال نجد وتقطعه بالعافيه
اختيار مميز ولون مميز

وبالنسبه للتجهيزات
الشنطه انصحك تلبسها شراع تنزاني وتكثر فيه المخابي عشان تحط كل اغراضك فيه
وتفصلك تانكي المنيوم تحطه خلف المرتبه الثانيه

[خيال نجد]

أفااااااااااااااااااااااا

وين الردود

[راعي المسرى]

الله يطعمك خيرها ويكفيك شرها ويبارك لك فيها .

ترى الباترول _وهذي وجهة نظر_ حلاته على حله خصوصا من الخارج ..
* إلا كان مساعدات أسترالية تشده في المطبات.

أما التجهيزات الداخلية فمعروفة تجهيزات سيارة البر مثل :
*أجهزة جارمن وأيكم ونحوها
*تانكي ماء
*ماطور هواء
*تلبيسة داخلية للشنطة وكثر جيوبها مثل ما قاوا الأخوان
*وغيرها

[برق تميم]

ما شاء الله تبارك الله لا قوة الا بالله الله يعطيك خيره ويكفيك شره

اخوي خيال نجد اول شي تلبيسة الشنطة ورا ثم ركب الشبك فوق على التنده وارخص شي في بريده عند ورشة الرحيلي

ثم التانكي افضل من شفت يركبه عروق الشمال في بريده وهم ارخص ناس وشغلهم نظيف ركب تانكي المنيوم وانا مركبه والماء طعمه ما تغير

ثم شف كان ودك ترفع الموتر مر الرمايه ورشتهم الي عند ميد وانت طالع من شارع التخصصي موجه للجامعة الامام عندهم

ثم وانا اخوك تمديد لمبات في الكبوت وتحت ورا عند الصدام للغسيل وكان ودك ماطور الهواء تثبته في الكبوت

وان كانك طلعاتك واجد وبعيد ركب بطاريه اضافيه في الكبوت عند الدفع الرباعي شغل وكاله


ثم توكل على الحي القيوم والله يحفظك ويرعاك وانا اخوك

مر ساكوا في الرياض وخذا ذا ترا ماله مثيل 5 في 1

اشتراك ولمبه وكهرب 220 وماطور هواء وتشبك لمبه 12 فولت

[ندمان]

الله يطعمك من خيره ويكفيك شره
نعم الأختيار

[aziz99]

الاخ الغالي / خيال نجد...

الف مبروك...والله يطعمك من خيره ويكفيك شره......نعم الخيار...في السيارة واللون...

ملاحظة.... وش اخبار القلص....الي بالرس.

تحياتي لك

[عبوووود]

ما شاء الله تبارك الرحمن..

الله يعطيك خيرها و يكفيك شرها...مبرووك

[طحنون]

الف مبروك يعطيك خيره ويكفيك شره
اي فيه ملاحظه وهي الكفرات اللي عليه برجستون انا معي 2005 وطفشتني الكفرات اللي عليه مارتحت الا يوم ركبيت كفرات دنلوب نقشه
شاهين بس يعيبها انها في موسم الامطار ماتنفع مع الزفلت لاكن في الرمله خذكفرات ممتازه جدا وناعمه ونقشه الشاهين معروفه مايحتاج

[سيد النشاما..]

يعطيك خيره ويكفيك شره
شغل مظبوط

[اصغراكبرخان]

هلا والله بخوي خيال نجدالله يعطك خيره ويكفيك شره
مبروك الزين
مير ماودك تمرن
ابي دوره.........

[خيال نجد]

ياشباب هذا الباترول اللي طلعته من الوكاله قبل كم يوووووووووم .............


أذكروا الله............ يا أخوااااااااااااااااااااااااااااان

طبعاً......... هذا القديم ... والصراحه (((كفى و وفى))) .... (((1997)))




وهذا الجديد الله يبارك فيه (((2007)))






وأتمنا التوفيق للجميع ...................

وبالأخير...

(((لولا أختلاف الأذواق لبارت السلع))))

[عمار السفينه]

ماشاء الله تبارك الله

الله يخليه لك

لاتنس تلبيس الارضيه

.. ولي عوده أن شاء الله ..

[anas]

ما شاء الله تبارك الله .. الله يعطيك خيره ويكفيك شره .. ملك الصحراء بلا منازع .

[MEKSHAT.COM]

.

ما شاء الله تبارك الله

ألف ألف مبروك .. أحسنت الاختيار

الله يعطيك من خيره ويكفيك شره

.