ابي شوركم.... ربع سفاري!!!! أو باث

[نازل ردميه]

السلام عليكم

انا الصراحه نفسي في ربع سفاري او باث فايندر ...

ومتردد مابين الاثنين ..وابي موديل 2005 او 2004 ...الباث احس انه عائلي ومناسب بس ما ادري عن ممشاه

بالخط والنفود هل هو زين ولا لا...

والربع سلوقي الي اعرفه انه ممتاز بالرمل لكن عيبه ان النوافذ ماهي تماتيك....والالوان يفتح الله..

وياليت تعلموني كم اسعارها بالسوق....علشان نولم الدراهم :d :d

الي عنده خبره يا اخوان لا يبخل علينا ..............

[نمر بن حثلين]

يعتمد على استخدامك اخوي

اذا انت راعي صيد ومطامر بالشعبان والجروف خذ سفاري لانه رفيع

اما انت راعي كشتات بالنفود وراعي خطوط واستخدام داخل المدينه اكثر ومعاك عائله خذ باثفايندر

على فكره الباثفايندر اقوى في الرمل واخف في القومه من الربع
واكيد اريح وارسى من الربع

( للايضاح الربع مكينته تجي النوع القديم مهب Vetc )

[نازل ردميه]

اخوي نمر اشكرك على المرور معلومه حلوه

بس الشباب مادري ليش يبخلون علين بالردود ..............


عطونا وجه ياشباااااااااااااااااااااااااااااااااب

وين الي جربو الباث !!!!!!!!!!!

[paris_najd22]

أنا الصراحة مع أخوي نمر وانا شاري باث 2004 جديد بقراطيسة من معرض قبل شهرين وحطيت عليه بعض البهارات :ـ
1- مثبت سرعه بـ 1300 ريال .
2- لعب بالكشافات حقته بـ 30 ريال وهذي بطريقة أخوي قرم.
3- محول كهرباء بـ 150 ريال .
4- عفريته بالون بـ 140 ريال .
5- عيار كفارات بـ 25 ريال .
6- بنشر(رقعه) بـ 22.50 .
طبعاً هذا اللي حطيته حتى الأن ولسا باقي كثير إنشاء الله .
والحين في حاجة مهمة لازم تكون بأي سيارة شاحن لبطارية السيارة

[paris_najd22]

معليش ولو أطلت عليك هذا روابط مفيدة :ـ
http://www.mekshat.com/vb/showthread.php?t=40873


http://www.mekshat.com/vb/showthread.php?t=40556

http://www.mekshat.com/vb/showthread.php?t=52025

http://www.mekshat.com/vb/showthread.php?t=52148

http://www.mekshat.com/vb/showthread.php?t=43563

http://www.mekshat.com/vb/showthread.php?
t=41364


http://www.mekshat.com/vb/showthread.php?t=40536
http://www.mekshat.com/vb/showthread.php?t=43741

http://www.mekshat.com/vb/showthread.php?t=40920

[مخاوي الأحزان]

أولا ً اخوي نازل ردميه كل عام وانتم بخير وعساكم من عواده
وجميع أعضاء منتديات مكشات بخير ومن العايدين الفايزين ان شاءالله

أولا ً على حسب رغبتك مدري انت رجال براسك والا عندك عائله ؟؟؟؟؟؟
ربع السفاري اللي يسمونه السلقه معي واحد مثله وهو سيارتي وموتري (( بس انا رجال عزابي وبراسي ))
صراحه السياره موتر وماعليه كلام إن بغيته بالنفد والا بالمقناص من واقع تجربة .
الربع بالمكشات مايآخذ غير راسك وراس خويك وورى تبغا تركب العزبه والجراكن وإذا تبي الوساع حط له سله فوق الغماره للفراش البر والحطب والرواقات وإلخ ....
بالنسبة للجيب الباث فاندر ماعندي أي خلفيه عنه لأنه ماأستخدمه ولا أدري عن مميزاته وعيوبه
والمثل يقول من شاورك ( دخل بذمتك )
نصيحة أخ لأخوه إذا انت رجال عندك عائلة الجيب الربع مايصلح لك لأنه باب واحد ويلهدك بكل روحه وجيه
غير تنزل المرتبة ويركبون وراء ومابه وساع مثل الجيب الكامل البابين والله هذا اللي أقدر أقوله .
وعيدكم مبااااااارك
والله يرزقك بالموتر الزين

اخوي
مخاوي الأحزان

[ع.ف.الدرويش]

أولا ً على حسب رغبتك مدري انت رجال براسك والا عندك عائله ؟؟؟؟؟؟
ربع السفاري اللي يسمونه السلقه معي واحد مثله وهو سيارتي وموتري (( بس انا رجال عزابي وبراسي ))
صراحه السياره موتر وماعليه كلام إن بغيته بالنفد والا بالمقناص من واقع تجربة .
الربع بالمكشات مايآخذ غير راسك وراس خويك وورى تبغا تركب العزبه والجراكن وإذا تبي الوساع حط له سله فوق الغماره للفراش البر والحطب والرواقات وإلخ ....
نصيحة أخ لأخوه إذا انت رجال عندك عائلة الجيب الربع مايصلح لك لأنه باب واحد ويلهدك بكل روحه وجيه
غير تنزل المرتبة ويركبون وراء ومابه وساع مثل الجيب الكامل البابين والله هذا اللي أقدر أقوله

صبحكم الله بالخير..
وكل عام وانتم بخير


أخوي مخاوي الأحزان أنا متزوج
ومعاي ربع نيسان
ولله الحمد هو الموتر السنع
نعم ما فيه سعة لكن الأمور فيه تتدبر
يعني الله يخلي السلة حتى التانكي منها وفيها
وماضرني أبد
ولا لهبدني
بالعكس موتر سنع
والله يطرح لي الخير والبركة فيه
...
اخوي نازل ردمية..
قبل كل شيء الله يرزقك موتر ينفعك ويسرك ولا يضرك
بالنسبة للباترول الربع يا زينه ومن تجربة أقولها
شريته بصراحة بدون ما اقتنع فيه كان التويوتا شيء بنظري
الآن ومن بعد تجربة يا زين النيســــــان يا زينه

أما الباثفايندر .. عرفت كم شخص جربوه ومن قلب يثنون عليه
بر ومدينة.. واحد منهم يجلده أسبوعياً والله يتمم عليه ماشي معاه مثل العسل وأحلى
لكن ما أدري وش ملاحظتهم بخصوص ((حساس الهواء)).. وإنه لازم يستبدل..؟!
ليت يفيدنا أحد فيها..

ومرة أخرى الله يرزقك موتر ينفعك ويسرك ولا يضرك
أخوك
عبدالرحمن

[نازل ردميه]

اشكركم يا اخوان جميعا على المرور الجميل والمعلومات المفيده ... وكل عام وانتم بخير

والله اني ظالم النيسان .. ..مع العلم اني مجرب السفاري من اول..والله انها مواتر اسعار حلوه مقارنة بالتايوتا واداء متميز....

اغلب الظن اني اباخذ باث وعسى الله يعين ..لكن مادري عن القير التماتيك هل هو نشيط ..طبعا نشاطه ما راح يكون مثل القير العادي لكن اهم شي ان ما عليه مشاكل ..!!!

افيدونا جزاكم الله خيرا ؟؟؟ ادري اني غثيتكم ...لكن بناء على ردودكم احكم على السياره وانا جازم ان شاء الله

[فتى الدهناء]

اشكركم يا اخوان جميعا على المرور الجميل والمعلومات المفيده ... وكل عام وانتم بخير

والله اني ظالم النيسان .. ..مع العلم اني مجرب السفاري من اول..والله انها مواتر اسعار حلوه مقارنة بالتايوتا واداء متميز....

اغلب الظن اني اباخذ باث وعسى الله يعين ..لكن مادري عن القير التماتيك هل هو نشيط ..طبعا نشاطه ما راح يكون مثل القير العادي لكن اهم شي ان ما عليه مشاكل ..!!!

افيدونا جزاكم الله خيرا ؟؟؟ ادري اني غثيتكم ...لكن بناء على ردودكم احكم على السياره وانا جازم ان شاء الله

هلا اخوي اختيار موفق ان شاء الله

ومن ناحية القير ... أشوف كثير ( باعوا مواترهم باثفاندر عادي ) وبدلوها بــ ( تماتيك )

ومامنه خوف ان شاء الله .. قوة وراحة بالديرة .. وبالبر زين

[سلكي نت]

اخوي انا كان معاي ربع نيسان سقف عالي ممتاز جداً ومثل ما قال اخونا ع ف الدرويش الاوضاع فية مدبره السيارة قيرها عادي وموديلها قديم شوي خلف المقاعد كنت مركب سلة ثلاث ادوار(حديد مشبك ملحم على هيئة ثلاث طبقات ومن جهة الركاب الخلفيين ملحم فتحات كبيرة حتى لاتسقط عليهم العزبة عند التوقف المفاجىء _ واذا اردنا اخذ شىء من الخلف بأمكاننا ذلك ) السيارة مرة مريحة وحليله لكن ليلة 15\8 بداية المدارس جوني اربع مدرسين زملاء لنا وطلبو فزعتي لانهم معينيين في قري بعيده و طريقها وعر بالمرة _ فبعتهم اياه الله يبارك لهم فيه الى الان ما حطو فيه غير قيمته ، والله يشهد اني الان بحوسه لازم لي ربع واقعد اصلح فيه من الاول ، وانا بدور ،عن نفسي ارغب الموديلات تحت 98 ....

الله يوفقك لما يحبه ويرضاه ..

[مرقاب الشرق]

أنا الصراحة مع أخوي نمر وانا شاري باث 2004 جديد بقراطيسة من معرض قبل شهرين وحطيت عليه بعض البهارات :ـ

1- مثبت سرعه بـ 1300 ريال .

2- لعب بالكشافات حقته بـ 30 ريال وهذي بطريقة أخوي قرم.
3- محول كهرباء بـ 150 ريال .
4- عفريته بالون بـ 140 ريال .
5- عيار كفارات بـ 25 ريال .
6- بنشر(رقعه) بـ 22.50 .
طبعاً هذا اللي حطيته حتى الأن ولسا باقي كثير إنشاء الله .
والحين في حاجة مهمة لازم تكون بأي سيارة شاحن لبطارية السيارة

وين سويته وهل يركب على GXR

[سعــــد]

ياخوي نازل ردميه
كل موتر له مواصفاته الربع اكثر تحمل من الباث لكن الباث احسن منظر واحسن في الخط واوسع لكن اذا كنت راعي بر بستمرار الربع احسن ولكن وين تحصل النضيف في المعارض خاصة الباث والله يرزقك السيارة المناسبه

[بدر العمودي]

والله الحقيقه انا ابي انصحك ان الربع ابرك واركدحتى بالنفود ممتاز
..
.
اما الباث عيبه لو حملته مو ينزل يضل نازل
واكثر هل القنص يبون يحملونهاغراض جزيره فالنصيحه السفاري الربع احلى
وخالص تحاياي اخوك بدر البدور

[ال معلى]

http://www.nissan.com.sa/arabic/vehi...trol/index.htm

هذا رابط نيسان وفيه المواصفات والراي الاول والاخير لك وكل واحد له وجهة نظر

[salehhd]

السلام عليكم

انا معي باث 2004 تماتيك شاريه من سنة و6 شهور

الموتر روعة وممتاز وراسي في الخطوط ويطرب في البر وداخل البلد كنك تسوق مكسيما

المكينة 3.5 لتر 250 حصان للعادي و240 للتماتيك

عيبة الثانكي الصغير حق البنزين وبالنسبة للنزول ركب ييايات استراليه ويضبط الموتر

بالنسبة لحساس الهوى هذي مشكلة في موديل 2003 وحلوها في الموديلات الي بعدة وعلشان تضمن ان المشكلة ماتجيك ان شاء الله غير فلتر الهوى كل 20 الف وقيمتة 60 ريال للاصلي
طبعاً صرفيته اقل من الربع بكثير وشكلة رياضي ويريح للعايله

في الختام انصحك بالاستخارة فما خاب من استخار

واسعارها حالياً بين السيتينات والسبعينات وسمعت ان في معارض عندها جديد على الزيرو

والله يوفقك


الاخ paris_najd22 ياليت تقولي وين ركبت المثبت لانهم قالولي مايركب عندي