استفسار عن معنى بعض الكلمات في كاتلوج اللاندكروزر؟؟؟

[هاوي الله]

وش معنى ذالكلمات اللي تحتها خط :
1- خلوص الصمام .
2- مرشح الهواء ( متضمنه فحص منظف الهواء المتقدم وعلبة الغبار ).
3- مزيج الدوران ( المحرك ) بدون حمل .
4- صمام تهوية علبة المرافق الموجب وخراطيم التهويه ووصلاتها .
5- علبة الفحم النباتي ( محرك بنزين ) .
6- زيت التحويل .
7- مكتوب في الكاتلوج أن بعض سيارات اللاندكروزر يوجد بها الترس التفاضلي المانع للإنزلاق ومكتوب إنه لازم تروح للوكاله أو الفنيين المختصين عشان تتأكد إذا فيه هذا الترس ولا لأ . كيف أعرف إن سيارتي فيها الترس ولا ما فيها ؟
الله لايهينكم

[هايلكس 4x4]

رقم 2 معناة فلتر الهواء الي يدش بالكابريتر او البخاخ البوكس الكبير المدور بالمكينة
هذة الي عرفتة
انشاء الله باقي الأخوان يفيدونك

[هاوي الله]

رقم 2 معناة فلتر الهواء الي يدش بالكابريتر او البخاخ البوكس الكبير المدور بالمكينة
هذة الي عرفتة
انشاء الله باقي الأخوان يفيدونك

يعطيك العافيه &
أنا عارف إن مرشح الهواء هو الفلتر حق الهواء لكن أنا اقصد منظف الهواء المتقدم وعلبة الغبار هذا اللي ما اعرفه ؟؟

[بواسامه]

خلوص يقصد بها وانا اخوك المسافه البسيطه مابين الشيئيين
مثال البستم وخلوصه مع القاعده لتجعل له مسافة ليتحرك
فالصمام وخلوصه مجال الحركه فيه
حسب تعليمي الفني والله اعلم

[هاوي الله]

خلوص يقصد بها وانا اخوك المسافه البسيطه مابين الشيئيين
مثال البستم وخلوصه مع القاعده لتجعل له مسافة ليتحرك
فالصمام وخلوصه مجال الحركه فيه
حسب تعليمي الفني والله اعلم

هلابك يابو اسامه ويعطيك العافيه على ذالمعلومات &
لكن وشهو الصمام ؟

[بواسامه]

الصمام اللي هو المحبس
مثل محبس الاسطوانه اي صمامها

[هاوي الله]

يُرفع لفائدة الجميع

[هاوي الله]

مااااش مابعد برد خاطري أبي أعرف كل شي عن اللي فوق

[الكونترولCONTROL]

وش معنى ذالكلمات اللي تحتها خط :
1- خلوص الصمام . انفتاحه
2- مرشح الهواء ( متضمنه فحص منظف الهواء المتقدم وعلبة الغبار ).فلتر الهواء الكبير
اللي يطقونه و ينفخونه و يطلع غباره
3- مزيج الدوران ( المحرك ) بدون حمل .
4- صمام تهوية علبة المرافق الموجب وخراطيم التهويه ووصلاتها .
5- علبة الفحم النباتي ( محرك بنزين ) .
6- زيت التحويل . يمكن زيت القير ؟؟
7- مكتوب في الكاتلوج أن بعض سيارات اللاندكروزر يوجد بها الترس التفاضلي المانع للإنزلاق ومكتوب إنه لازم تروح للوكاله أو الفنيين المختصين عشان تتأكد إذا فيه هذا الترس ولا لأ . كيف أعرف إن سيارتي فيها الترس ولا ما فيها ؟
الله لايهينكم

===================

اعتقد : اذا عندك زر كهربائي مانع الانغلاق( الذي يسمى : الدبل الخفيف ) فهو مانع الانزلاق

[blink]

بعدين عندك في الكاتالوج صور لكل موضوع تابعها في الفهرس ثم اذهب اليها برقم الصفحة

[/blink]

[هاوي الله]

===================

اعتقد : اذا عندك زر كهربائي مانع الانغلاق( الذي يسمى : الدبل الخفيف ) فهو مانع الانزلاق

[blink]

بعدين عندك في الكاتالوج صور لكل موضوع تابعها في الفهرس ثم اذهب اليها برقم الصفحة





[/blink]

هلابك ياالكنترول

أنا بأسميك ((( كنترول مكشات )))

الترس التفاضلي المانع للإنزلاق : أتوقع إنه مهوب الزر ( الدبل الخفيف ) بتقولي ليش ؟ بقول لك لأنه لو هم يقصدون الزر كان ما قالوا لازم تروح للوكاله عشان تتأكد هو فيه ولأ لا = لأن الزر واضح وضوح الشمس ولايحتاج تروح للوكاله
&
وأنا قرأت الكاتلوج أكثر من مره وفهمته لكن بخصوص الترس التفاضلي المانع للإنزلاق لا يوجد له صور

تحياتي لك ياكنترول مكشات

[أبوسليمان]

أخوي فتى البران

الترس التفاضلي المانع للأنزلاق هذا زي الدف لوك (قفل الدفرنس) بس أنه أوتوماتيك يجي بالفي أكس أر رقم 3 و4 فقط على ماضن

تحياتي
أبوسليمان

[راشد الحربي]

الزر المانع للانزلاق يسمى بالانجليزي في سيارات الفورد hold ولو ضغطته ودزيت للموتر تقويمه سريعة مايفحط لو تنهبل وسيارات تويوتا بالفكس ار الفل ويجي على ماعتقد بجنب القير باسم غير الهولد ويبدو ياخوان انه جا حتى بالجي اكس ار من موديل 205 وفوق باسم shift lock هذا بالقير الاتوماتيك

[ابا فهد]

1- خلوص الصمام . يعني المسافه حقت وزن البلوف
2- مرشح الهواء ( متضمنه فحص منظف الهواء المتقدم وعلبة الغبار ).يعني فحص فلتر الهواء وبعض السيارات فيها زي الكاس اوالعلبه بمنطقه واطيه يحير فيها الغبار وهذي تفك ويزال الغبار منها وتعاد.
3- مزيج الدوران ( المحرك ) بدون حمل .يعني شحنة الوقود والهواء الداخلة للمكينة والمحرك يشتغل والسيارة متوقفه وهذي المفترض تكون 1وقود مقابل 15 هواء تقريبا (والمسمى وزن الهواء للسيارات الكربريتر.
4- صمام تهوية علبة المرافق الموجب وخراطيم التهويه ووصلاتها .يعني بلف التبخير واليات والوصلات الي راكبة على القربه.
5- علبة الفحم النباتي ( محرك بنزين ) . علبه يكون لونها اسود بلاستيكية قريبه من الرفرف في اغلب السيارات بداخلها فحم تعمل تهوية تانكي البنزين واعادة الوقود النتبخر عبر ليات صغيره الى الثلاجة ثم لداخل المحرك.
6- زيت التحويل .
7- مكتوب في الكاتلوج أن بعض سيارات اللاندكروزر يوجد بها الترس التفاضلي المانع للإنزلاق ومكتوب إنه لازم تروح للوكاله أو الفنيين المختصين عشان تتأكد إذا فيه هذا الترس ولا لأ . كيف أعرف إن سيارتي فيها الترس ولا ما فيها ؟
الله لايهينكم
يعني الك حق الدفرس المستخدم عند التغريز , وتعرف اذا عندك بالغماره مفتاح تشغيل اللك أو لا.
والله اعلم.

[هاوي الله]

أبو سليمان : مشكوووووور وتحياتي لك .

راشد الحربي : Shift Lock على ما أذكر إنه قفل للقير يعني تقدر تعشق القير بالضغط عليه والُمحرك طافي أو السويتش ( المفتاح ) حق التشغيل منزوع . ويُستعمل لسحب السياره إذا كانت عطلانه ( خربانه ) لأنك تقدر تعشقه في الــ N الفاضي .
ويعطيك العافيه وشاكر لمرورك .

ابا فهد : الله يعطيك العافيه ماقصرت وشكلك مهندس ممتاز ومعلوماتك الوافيه تدل على ذلك وبيض الله وجهك .

[الجماجمي]

والله يا فتى البران ردودك واستفساراتك فادتني كثير ولو عندي معلومات عن استفساراتك لرد عليك لكن اخوك في المكنيكا ولا شئ