يـــــــا قروووووووم مــكــشــات اخــوكـــم مـــضـطـر مجرد راي هاتوه وبس

[غيث الغيث]

يالربع الفزعه


يالربع انبح صوتي الفزعه



يالربع كان لي موظوع عن وش السياره المناسبه بالرابط هذا وعجزت كل واحد يعلي ويدلي


وهذا هو رابطه


http://www.mekshat.com/vb/showthread...993#post535993

ولكن الآن ابي مواصفات الجيب الربع نيسان

أولاً هل يجي منه فتك هذا الي يسمونه فتك

وهل فيه فل كامل وهو ربع

وهل يجي تانكيين بنزين

ابي اجوبه يالربع

وكم سعره جديد كل وجهده يالربع والله اني لأدعي لكم بايدي وقلبي

يالله ياقروووم مكشات يارجال تكفون

[حايرالقلم]

السلام عليكم
اخوي غيث والله انك معور راسك روح الوكاله وخذ منهم المواصفات من حرف أ الى ي وانتهى الموضوع كله هذا اذا بتاخذ جديد

[أبو أسامة]

السلام عليكم ورحمة الله وبركاته

أخي الكريم غيث الغيث تحية طيبه وبعد ...........

جيب النيسان البترول الربع مايجي فتك يعني مكينته 4500 بخاخ من موديل 2004 وما قبل 2004 إلى 98 مكينته 4500 كلبليتر .... قوته 230 حصان .......... سواءً بخاخ أو كلبليتر لكن الفرق البخاخ أفضل عزم وصرفيه ...........

المواصفات السعوديه يجي على الفل ثلاجه وطبعاً قزاز كهرب وتخشيب وكاسيت وسي دي قارء لـ6 أسطوانا مدمج .......وأنوار ضباب وجنوط 16 كروم ورفارف فايبر وبعض الإضافات التي قد أكون نسيتها الآن .....

الخليجي أفضل من السعودي فقد سمعت بأنه يأتي على الخليجي فل من الربع فتحة سقف وبعض الأمور الإضافية البسيطه ......

بعض الشباب في قطر والإمارات يعدلون الربع ويركبون عليه مكينة فتك والله يصير طياره طبعاً شغلهم مرتب .....

الربع ما يجي فيه تانكي أحتياط وطبيعي لأن المكان تحت السياره يعتبر مشحور إلا وطبعاً الوكالة ماراح تحط تانكي البنزين في مكان يكون فيه عرضة للخطر ......... ويوجد في الأمارات تانكي أسترالي أكبر من تانكي الوكالة يعني تفك الأصلي وتركب الأسترالي إذا بغيته أكبر .
وكان الله في عونك ........

والسلام عليكم ورحمة الله وبركاته

[ال معلى]

السلام عليكم


هذا ياطويل العمر مواصفات الباترول الربع والكامل

ولك تحياتي

رابط الشركه الحمراني

http://www.nissan.com.sa/arabic/vehi...trol/index.htm

[فتى الدهناء]

الربع الباترول

أحسن من الربع التيوتا

واختيار موفق بإذن الله

[غيث الغيث]

بعض الشباب في قطر والإمارات يعدلون الربع ويركبون عليه مكينة فتك والله يصير طياره طبعاً شغلهم مرتب .....

ويوجد في الأمارات تانكي أسترالي أكبر من تانكي الوكالة يعني تفك الأصلي وتركب الأسترالي إذا بغيته أكبر .
وكان الله في عونك ........

ممكن تدلنا على الي يركبون لو رقم تلفون الله يجزاك خير

نبي يالربع رايكم وينكم

[أبو أسامة]

السلام عليكم ورحمة الله

التانكي الاسترالي راح تحصله في شارع نايف بدبي الله يكفيك شرها وإذا جيتهم أسئلهم عن اللي يركبون لك مكينة الفتك هذا إذا شريت الجيب وماهي راكبه عليه الـ 4800 بس ترى شغلهم غالي والمكينه تلقى قيمتها 16 ألف ريال حتى عندنا بتشليح الحايربحول هالقيمة .......... يعني نصيحه إذا أنت مصمل على ربع مكينته 4800رح إلى إمارة العين أو دبي الله يكفيك شرها ............. طبعاً لتذكير مكينة الفتك أقل صرفية من ال4500 وأقوى عزم ......... لكن أيضاً 4500 البخاخ فيها خير وبركة وصرفيتها أقل من 4500 كلبليتر ......


والسلام عليكم ورحمة الله وبركاته

[عـhddـاشق]

الربع النيسان ما يجي فتك ولا أنصحكـ فيه خذ هدد ولا برادوا النيسان سنتين ثلات ويتفكك




























وبالتوفيقـ,,,,,,,,,,,,,,

[راعي الهـــدد]

أخوي ابو اسامه لاتنصح الرجال بالترهيم

لأن الموتر زينته على وظعه الي هو عليه

والترهيم مشاكله كثير

وبعدين قل لي وين يودي مكينته الأوله 4500 يرميها بالشارع

انصحك خل موترك على حاله والا وش رايك يابو اسامه ماتشوف انه احسن

[حطبه]

أخوي ابو اسامه لاتنصح الرجال بالترهيم

لأن الموتر زينته على وظعه الي هو عليه

والترهيم مشاكله كثير

وبعدين قل لي وين يودي مكينته الأوله 4500 يرميها بالشارع

انصحك خل موترك على حاله والا وش رايك يابو اسامه ماتشوف انه احسن

رايي من رايه ....

[متعب الكواويخ]

السلام عليكم ورحمه الله وبركاته
كيف حال الشباب كلن بسمه
والله يالربع لي شهر ونا أدخل هذا المنتدى الطيب وتابع المواضيع الحلوه والشيقه ونتظرت الفرصة المناسبه للتشرف بالتسجيل والتعرف على الرجال الطيبين

أنصحك يا خويه أنك ماتغير المكينه لانهابتكلف عليك وايد
عند واحد من الربع نيسان وسط (ربع) مديل 2003 وعليه سامان خفيف جرب الموتر مع الفتك قير 1 2 3 جدام 4 الفتك جنبه 5 جدامه بالشوي

[غيث الغيث]

عند واحد من الربع نيسان وسط (ربع) مديل 2003 وعليه سامان خفيف جرب الموتر مع الفتك قير 1 2 3 جدام 4 الفتك جنبه 5 جدامه بالشوي

اخوي متعب الكواويخ مافهمت كلامك وش معنى سامان خفيف ؟؟؟

وهل تقصد ان الربع 4500 افظل من الفتك 4800 يعني يتفوق عليه لأن حجم الربع صغير كوزن وثقل

او وش معنى كلامك

[متعب الكواويخ]

اخوي متعب الكواويخ مافهمت كلامك وش معنى سامان خفيف ؟؟؟

وهل تقصد ان الربع 4500 افظل من الفتك 4800 يعني يتفوق عليه لأن حجم الربع صغير كوزن وثقل

او وش معنى كلامك

طال عمرك
أقصد بالسامان الخفيف هدرز/ فلتر /كام /حفت هد/ msd /وايرات كهرباء
ولأن الوسط أخف وزن وتقبل مكينته التزويد بسهوله
ولا يهون الفتك

[أبو أسامة]

السلام عليكم ورحمة الله وبركاته

أنا من رأي الأخوة أن الموتر شد بلد أفضل لكن أنا طرحت فكرة الربع المرهم له مكينة 4800 لأن أخوي الغيث في أول كلامة سئل هل يأتي للربع مكينة 4800 ................

والذي قرأ ردي الأخير سيجد ( طبعاً لتذكير مكينة الفتك أقل صرفية من ال4500 وأقوى عزم ......... لكن أيضاً 4500 البخاخ فيها خير وبركة وصرفيتها أقل من 4500 كلبليتر )......


أخي الكريم :عشقي الهدهد .............

النيسان يتفكك بعد سنتين ثلاث والله لو أنه هونداي ........... ماتفككت في سنتين ثلاث ......... لكن أقولك أشبع بالتايوتا .............

والسلام عليكم ورحمة الله وبركاته