ونش السحب .. ماهو افضل نوع + احجامها + اسعارها .. وين احصلها ..؟؟

[متولع بالقنص]

بسم الله الرحمن الرحيم

السلام عليكم ورحمة الله وبراكاته

اللهم صل على محمد وعلى آله وصحبه اجمعين ..

عندي جيب باترول وابغا اركب له ونش ..

حبيت استفسر عن الونش من ناحية :

افضل نوع + القيمه + احجامها + طريقة تركيبها إن امكن ..

وبالأخير وين احصلها في منطقة ينبع البحر " السعودية " خاصة او غيرها ..


أفيدونا بارك الله فيكم

بالتوفيق للجميع ..

[محرين باالخير]

الله يحييك اخوي .
بخصوص سؤلك كل اللي موجود باالسوق صيني حتي لوقالولك امريكي اواسترالي سواء كان من شركة ور
ن او رامزي لذا خذ صيني ارخص لك بشرط توفرقطع غياره اهم شي يكون ذراع التروس حديد موبلاستك وسلك الريموت متوفر وباقي القطع كلهاواحد مثل الدقم والكتاوتات والواير وخذمعه بكرة تحويل حتي تخفف عليه حمل الشدد عشان مايحترق وركبله بطاريه مستقله واتوقع يفي بحاجتك من 10الاف باوند الي 12الف . وتحصلهاعند السليماني بجده اقرب لك وسعرها مع القاعده مايتجاوز 2000ريال . وان شاء الله يبسطك.

[راعي الرود]

اغلب الشعب متعاملين مع ونش وارن



4 طن

متوفر عند السليماني هو الوكيل اذا ماخاب ظني و متوفره قطع غياره و مرغوب عند اعاده البيع

و التركيب كذلك عند السليماني

السليماني بالرياض اخبر له فرعين .. فرع على طريق الملك عبدالعزيز

وفرع بالغرابي

[4200]

ما ازيد على كلام الأخوان فيهم البركه لاكن مجرد مشاركه والونش مثل الخوي الطيب في اوقات واماكن ما تندم على تركيبتك له صحيح الأفضل الوارن من 4 طن فما فوق والرامزي - وفيه التيواني والصيني الأسعار في رمضان 1434هـ اقل سعر هو 2800 للتايواني بدون تركيب عند السلماني الكلام هذا بمدينه الرياض وفيه ورش بالرياض تركبه مخفي شرط يكون من 4 طن واقل يكون مخفي خلف اللوحه الأماميه لو حبيت اعطيك ارقامهم ابشر وتلاقي مستعمل في التشاليح ومن ناحيه الحجم الافضل ترجع على حسب استخدامك انت اذا بشكل مستمر تستخدم الونش الافضل تركب من 4 طن فما فوق واذا قليل انصحك بالصيني مثل ما قال اخوي محرين بالخير اتمنى اني افيدك لو بالقليل,,,

[سقم المعادي 1]

دور وارن مستعمل ترا فيه كثييير واحد من زملاء العمل شرا ونش وارن مستعمل 4 طن بـ 1800 ريال و يشتغل و اخر حلاوة و معه ريموته وكلش

و حط الباقي في جيبك

[- النشمي -]

افضل ونش هو الامريكي وارن

وابعد عن الصيني لانه تروسه تتكسر ويخونك وقت العازه

لذلك انصحك بالامريكي لانه عز الخوي

[صياد المزارع]

فيه ونش من شركة ايرن مان

ووكيله السليماني استرالي ممتاز جربته مده سنتين
٥طن وسعره ٤٠٠٠ مع التركيب وسعر التركيب كان غالي ولا حبيت اروح اي ورشه غير السليماني
لأنهم عارفين شغلهم وركبو لي قواعد له وأخفوه ورى الصدام طبعا الصدام شد بلد
وركبو لي شيال على لوحة السياره بحيث صار مخفي ومجرد انك ترفع اللوحة تحصل الونش
وفيه منه ٣ طن وأقل واكثر
حسب الرغبه
واذا فيه فرع في جده اتوقع تلقا لان السلماني اصلا من أهل جده
وبنسبة لفرع الرياض حي المرسلات طريق الملك عبدالعزيز تقاطع طريق الامام
مركبه على فتك

مواصفاته ريموت
ولو خرب الريموت فيه سلك تشبكه وتضط الزر

ولو خرب السلك فيه ذراع على نفس الونش
ويجي معه وايرين او بمعنى أصح حبلين واحد حديد واحد على شكل سبته

وسلامتك

[sgl2002]

انا ماخذ واحد من عند السليماني استرالي ايرون مان قوته ٥طن ونص وب٢٧٠٠ ريال


صراحه قوي جدا ومعروفه الشركات الاسترالية انها متخصصه بهذي التجهيزات


طبعا استخدمته اكثر من مره وكانت لنفسي بطين خاصه

[NissaN 1990]

شريت ونش حق فكسار 2005 من التشليح ب 2000 ريال مع ريموته وركبته على نيسان باترول ربع حداد 250 ريال فصل لي قاعدة 10 ملي كهربائي شبكه 100 ريال وشريت واير سلك للبطارية ب 100 ريال
علماً بأني رحت للمواهب وقالو مايركب أصلاً على الباترول والآن شغال زي اللوز ولله الحمد حاول تجيبه من دول الخيج إذا لك روحه أرخص ،،،،

[صاحب الجيب]

سلام عليكم ورحمة الله وبركاته

أنا شريت من السليماني في الرياض المرسلات- طريق الملك عبدالعزيز الأسبوع الماضي ونش 4طن WARN/VR10000
شريته مع التركيب على لاند كروزر2013 بـ4900ريال واير السحب نايلون وليس سلك
دخلت السيارة الساعة 9:00ص واستلمتها الساعة 7:30م

[ابوسعيد091]

سلام عليكم ورحمة الله وبركاته

أنا شريت من السليماني في الرياض المرسلات- طريق الملك عبدالعزيز الأسبوع الماضي ونش 4طن WARN/VR10000
شريته مع التركيب على لاند كروزر2013 بـ4900ريال واير السحب نايلون وليس سلك
دخلت السيارة الساعة 9:00ص واستلمتها الساعة 7:30م

سوال اخوي الفرق بين النايلون والسلك مع ان النايلون اذكرة اغلى من السلك

[صياد المزارع]

اخف في الوزن

والا هوب سهل

قوي

[ابو الريم]

السليماني عنده نوعيه استرالية ب 2500 تقريبا قوتها 12000 باوند يعني يعادل اربعه طن جربته وماشي معاي بشكل جيد