فزعتكم يالنشاما مشكلة هبلت فيني اف جي 2009

[بن لويحق]

أخواني اعضاء منتدانا الغالي
السلام عليكم ورحمة الله وبركاتة كيف حالكم أن شاء الله طيبين
الموضوع بختصار يالربع ابي فزعتكم الموتر اف جي 2009 صوت ضرب او خبط في التانكي لاطفيت الموتر

أذا مشيت مشاوير طويله ولا سفرة ولا ختة لأحدى محافظات الرياض لاوصلت وجهتي الي ابيها
اطفي الموتر واول ماطفيه مع دقت السلف يطلع لي مثل صوت ضرب البدي او خبطه في تانكي البنزين المهم يطلع لي صوت يتكرر علي هالصوت في المشاوير الطويلة
وبالنسبة لارحت للدوام ولا مشاوير قريبة اطفي الموتر مايطلع لي هالصوت واحيان تمسك معه ويطلع لي في المشاوير القصيرة رحت لأكثر من ورشة الي قال لي صبابات التانكي والي يقول فلتر البنزين والي يقول الطرمبة حقت البنزين شيكت عليها كلها وفكينا التانكي وشيكت على الصبابات كلها سليمه على قولة الميكانيكي
المشكلة هبلت فيني يالربع الي عنده حل لايبخل علينا

[فارس شمال]

شيك على الكنداسه او الشكمان يمكن تكون فيه ربله منطلقه

[شاق النفد]

يا ليتك ما فكيت التانكي ولا طعت هالدبش الحرامية
وانا اخوك وانت تمشي التانكي يكسب هوا طبيعي ويطلع فلتر التنسيم او التبخير اللي في الكبوت

ان كان الغطاء فيه لو تنسيم بسيط يطلع الهوا ويبدا التانكي ينكمش الين يطلع صوت الظربة اللي انت تقول

المهم لاتشتري غطاء لان غطاء موترك سليم بس يحتاج تعديل او ظرب بالزرادية للحديايد البارزة على اطارفه
ويكون الظرب اتجاهه على برا يعني مهوب على جوا

[أبوأثير1]

الله والعالم إن المشكله عندك من الكنداسه شيك عليه مثل ماذكر اخوي فارس شمال

[ابوسند9]

زي ما ذكر اخونا شاق النفد
وللتاكد جرب لا تسكر الغطاء للاخر يعني خليه يطلع الهواء وجرب

[بن لويحق]

شيك على الكنداسه او الشكمان يمكن تكون فيه ربله منطلقه

شاكر مرورك الصوت في التانكي ماهو في جهت الشكمان او الكنداسه

[بن لويحق]

يا ليتك ما فكيت التانكي ولا طعت هالدبش الحرامية
وانا اخوك وانت تمشي التانكي يكسب هوا طبيعي ويطلع فلتر التنسيم او التبخير اللي في الكبوت

ان كان الغطاء فيه لو تنسيم بسيط يطلع الهوا ويبدا التانكي ينكمش الين يطلع صوت الظربة اللي انت تقول

المهم لاتشتري غطاء لان غطاء موترك سليم بس يحتاج تعديل او ظرب بالزرادية للحديايد البارزة على اطارفه
ويكون الظرب اتجاهه على برا يعني مهوب على جوا

ياخوي فكيته والله من كثر ماقلبتها براسي وعجزت افسر المشكلة
قبل لا أنزل الموضوع قبل اسبوعين تقريبن قال واحد من الشباب غير غطاء التانكي ومريت الوكالة واخذته بـ90 ريال ولازالت المشكلة
وبخصوص فلتر التنسيم أو التبخير غيرنة وكلفني تقريبآ 700 ريال من الوكالة ويومين لين وصلني

[بن لويحق]

الله والعالم إن المشكله عندك من الكنداسه شيك عليه مثل ماذكر اخوي فارس شمال

الصوت وانا اخوك في التانكي والكنداسة في الجهه الثانية

[بن لويحق]

زي ما ذكر اخونا شاق النفد
وللتاكد جرب لا تسكر الغطاء للاخر يعني خليه يطلع الهواء وجرب

حتى لو كان الغطاء جديد .؟

[بن لويحق]

للررررررررفع

[ابوراكان تبوك]

يا ابن لويحق

اول ما قريت موضوعك طرا علي غطاء التانكي وذكروه لك الاخوان وانا معهم

حاول تمشي كم مشوار بدون الغطاء وراقب الصوت تجربه ماتكلفك ولا ريال

[بن لويحق]

يا ابن لويحق

اول ما قريت موضوعك طرا علي غطاء التانكي وذكروه لك الاخوان وانا معهم

حاول تمشي كم مشوار بدون الغطاء وراقب الصوت تجربه ماتكلفك ولا ريال

أبو راكان ولا عليك امر حتى لو اني مغيير غطاء التانكي بواحد جديد
لازالت مستمرة

[ابوراكان تبوك]

أبو راكان ولا عليك امر حتى لو اني مغيير غطاء التانكي بواحد جديد
لازالت مستمرة

قصدي البلا مافيه تنسيم للتانكي
المهم اذا شلت الغطاء وراح الصوت افحص تهوية التانكي

شف الموضوع هذا ممكن يفيدك أبضاً
http://www.mekshat.com/vb/showthread.php?t=509052

[بن الزايد]

هذا صوت العوامه اول ما ينقطع عنها الكهرب ترجع بسرعه تلقها تنحشر في حوص مانع زعزعه وهو
كل تانكي به حوض بلاستك يمنع تحرك البنزين

[يالبى الهلا]

من الصاجه تحت الخزان مفكوكه