السلام عليكم
أخواني
ابستفسر عن ماطور الهوا الأسترالي
مناحية الصبر والمده الزمنيه التي يستغرق فيها نفخ الكفر
وكم سعره بالظبط
ارجو ممن لديه الخبره سرعة الرد لاني ابي اشتريه بهاليومين
مع خالص الشكر والتقدير
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم
أخواني
ابستفسر عن ماطور الهوا الأسترالي
مناحية الصبر والمده الزمنيه التي يستغرق فيها نفخ الكفر
وكم سعره بالظبط
ارجو ممن لديه الخبره سرعة الرد لاني ابي اشتريه بهاليومين
مع خالص الشكر والتقدير
السلام عليكم
و الله يا مساعد الاسترالي يباع عند الرماية ، قيمته 850 تفخه على ما سمعت حلو لكن على ما شفت و الله انه تعبان.
نصيحتي لا تاخذه ، اذا كانت سيارتك تويوتا عندي جهاز ممتاز لك ، يعتمد على كومبرسر سياره ثانيه و يربط على على المروحة بالبكره و السير ونفخه ممتاز و إذا دعست بنزين زود كلما نفخ هواء اقوى ، قيمته 1000 عند واحد اعرفه فيه واحد ثاني يركبه في محل و يحط معه زي التانكي يعبى هواء و ينفخ مثل البناشر هذا يبيعه ب 1500 و الراي لك
الخبرة هو الإسم الذي يطلقة الشخص على تجاربه الفاشلة
"Obstacles are those frightful things you see when you take your eyes off your goal."
Henry Ford
السلام عليكم
أخوي الخبير انا أبوسليمان منب مساعد
ومناحية الجهاز وينهوبه اركبه
واذا كنت ماتبغا تكتب هنا هذا بريدي
abuslyman@maktoob.com
و شــكــر اً
السلام عليكم
يعليش والله يا ابو سليمان واحد من الشباب اسمع مساعد ما شاء الله عليه شغال مواضيع طيبه ، وانا اشتغلت ارد عليه.
ما علينا الجهاز هذا واحد من الشباب يركبه ، و اذا بغيت تشوفه ابشر انا اكون عند طعس الخزام كل خميس بإذن الله ( هذا اذا ما كان الخميس هذا رمضان ) سيارتي شاص 97 مطربل باخضر .
الجهاز يركب على سيارات تويوتا فقط.
نصيحة لكم كلكم خاصة اخوي خبير والجميع
جرب ماطور الهواء الصيني ماتخسرفيه شي قيمتة
الصغير : 150 ريال قوتة 18ينفخ كفر الجي إكس مابين4.5-5.5دقيقة
الكبير 220ريال وقوته 24 ينفخ كفر الجي إكس مابين 3.5-4.5دقيقه
صحيح إنة يحتر لاكن فعال انا استخدمت الصغير اول ماطلع للحين معي استخدمة احياناً باليوم الثر من 3مرات وهذاه معي للحين ماقال شي الحمدلله
ملاحضة / قيه صيني لونه (الجرم)نيكل قيمته 120 ريال إبعد عنه خذ الى لون (الجرم)نحاسي هذا الزين
ركبلك ماطورين من الكبير 440 ريال يختصر الوقت ويدفع اقوى
السلام عليكم
يا عاشق البر الكمبرسر الي اتكلم عنه ينفخ الكفرات كلها في اقل من 10 دقائق وانا اتوقع انها 6 دقائق.
اخوي الخبير يا ليتك تحط رقم لوحتك علشان نعرف الموتر
ولا رقم جوالك الله لا يهينك
هلا اخوي كاتم
الربع يسولفون لهم خمس سنين .!!!
ماهوب هالسنة!!
السلام عليكم ورحمة الله وبركاته
بالنسبه لي اشتريت ماطور الرمايه بـ850ريال ومن ذاك اليوم وهو مبيض الوجه لا حراره ولا يفصل لو تنفخ خمس سيارات ورا بعض
بس عيبه انه ابطأ من الجمل ابو راسين (بستمين) وتراني مجرب كم نوع من الصيني مشكلتها الحراره وتفصل
احترنا بين هالمواطير
ابو جمل الاصلي وبس وعليه استكر يوضح انه اصلي
سبحان الله وبحمده سبحان الله العظيم
والله ياان الموضوع قدييييييييم ومكتوب عام 2001
مدري من وين طلعتوه ؟
صبحهم بالخير
في الإعادة إفادة
سلام
هالموضوع وش طلعة فوق وتاريخة قديم
!!!!!!!
>>شكر خااااااص<<للأخ المبدع فتك على التوقيع
الذين يشاهدون الموضوع الآن: 1 (0 من الأعضاء و 1 زائر)