مصباح يدوي بدون بطاريات

[السيف]

مصباح يدوي

NewForever Flashlight
السعر: 30 دولاراً
لا يحتاج هذا المصباح اليدوي إلى بطاريات أو أي نوع من التيار الكهربائي ليضيء. إذ إنه صمم بطريقة علمية بحتة ليعمل فقط عن طريق الاهتزاز، فما عليك إلا أن تقوم بهزه، وسيتولد تيار مغناطيسي يؤدي إلى تولد ضوء ساطع ومستمر، وإذا ما تم هزه لمدة 15 ثانية فإنك ستحصل على ضوء متواصل لمدة خمس دقائق.
لمشاهدته على الموقع التالي
http://www.al-jazirah.com.sa/digimag/02022003/pg415.htm

[المري]

يازين هالمصباح زيناه


والله رخيص 112 ريال سعودي يابلاش وين يبيعونه ذا يالربع تراني ابي


واحد.

[عود رمث]

نعم ممتاز هذا الكشاف لكن السؤال:

هل يوجد في أسواق السعودية ؟؟

وشكله أحسن من الروسي أبو هندل اللي يبيعونه الداغستانيين بمكه الله يشرفها .. لأن أبو هندل لازم تضغطه على طول علشان يولع وبمجرد إنك توقف التضغيط يطفى .. لكنه بكل حال زين للحاجة ..

شكرا للأخ السيف ..

[الموجه]

هذه صورة المصباح

[التغلبي]

ماقصرت يالسيف كل يوم شي جديد الحكاة هو موجود في الرياض والا لا الرجاء الافادة

[hazem58]

ياشباب يوجد مصباح في السوق يقولون انه ياباني بدون بطاريات تقليدية بل ببطارية مثل بطارية الجوال وله شاحن سيارة وبيت ويشتغل لمدة ساعتان ان صدق صانعة بس انا جربته في البر وهو زين مره وسعره جيد وهو 75ريال وللمعلوميه انه مكتوب عليه انه يروح مسافة 800متر

[الصداوي]

وما قصرت وننتظر منك المزيد

[حاطب ليل]

مشكور اخوي السيف....... ولاكن وين يباع فيه

[الوراد]

بسم الله

السلام عليكم


اخواني الكشاف المذكور حاولت اني اشتريه من مصدره الرئيسي

ولكن اتوقع انهم للحين ماجابوه
لأني اتصلت بهم كم مره ولمدة اسبوعين وكل مره القى تصريفه غير اللي قبله

وللمعلوميه قيمة الكشاف 150 ريال
وهو يعمل بتقنيه جديده مثل ماهو موضح بالصوره المرفقه

واليكم مواصفاته حسب ماوردني عبر الأيميل من قبل المؤسسه المستورده له

1. No Batteries, No Bulb and No Maintenance
required.
2. Works even after years of abuse and neglect.
3. Shake to recharge for 30 second and it
provides more than 20 minutes of light equivalent to 350
candles.
4. Waterproof and can be used to an ocean depth
of 430 ft.
5. Shock Proof upto a height of 4 feet 1.2
meter.
6. Light Weight only 308 grams.
7. Proven Reliability in extreme weather
conditions around the world
8. 5 years warranty
9. price SR-150

[نادر]

تسلم اخوي السيف

وياليت اذا حصلت عليه او عرفت له محل يبيعه في السعوديه
تدلنا عليه مشكوراً.

[الوراد]

جاكم العلم


البارح رحت بنفسي اشوف هالكشاف

السعر للمستهلك :-200 ريال
الحجم وسط :- 30سم تقريبآ
الوزن خفيف:- 300 غرام
ميكانيكة العمل:- مثل ساعات منول (مب اللي تتعشى)
ضد الصدمات والكسر
ضمان :- خمس سنوات
مافيه شي ينفتح او يتفكك
مقاوم للماء:- حتى عمق 300 متر
قوة الأضاءه:- 360 شمعه............................................. قمريه اول مره اسمع به

قوة الأضاءه حسب مقاييسنا :- ماينفع لنا ابد يمكن تقدر تشوف تحت رجلك اذا كانت خرمسسسسس
نوره ضعيف جدآ

[محبوب الجميع]

تسلم اخوي الوراد على المعلومات القيمه

[مرووووق]

السلام عليكم ورحمة الله وبركاته


لقيته عند محطه وسعره 30 ريال . وشكله مضحوك علي ..

http://www.4shared.com/file/9920354/...0202_001_.html

[احمد 999]

هذه صورة المصباح

اللي يبيه انا شايفه بمحل خاص بالرحلات محل كبير نسيت اسمه بمخرج 15 على اليمين قبل الدائري الشرقي وانت متجه غرب وجاي من مقبرة النسيم وسعره بحدود 30 ريال لكن نوره ضعيف حيل نور الولاعه اصرف منه هذا بخلاف ان شغلته شغله كل ما تبي تشغله تجلس تخض فيه وشخصيا ما انصح فيه ابو بطاريه اصرف

وكلام الاخ الوراد صحيح 100% (( قوة الأضاءه حسب مقاييسنا :- ماينفع لنا ابد يمكن تقدر تشوف تحت رجلك اذا كانت خرمسسسسس
نوره ضعيف جدآ ))

وسلامتكم