من يعرف جيب الفورتشنر من تويوتا

[الأسمري 2009]

اخواني اعضاء مكشات


لدي اخي يرغب في شراء الجيب فور تشنر وعجبة شكلة

بس مايعرف عنة اي شي نبي الي يعرف اوجرب هالموتر يفيدنا


من جميع النواحي الفنية والقوة


ولكم تحياتي

[طخيمان]

ممتاز وقوي وخفيف ومتماسك وفيه دف لوك وعزمه ممتاز وصرفيته معقولة

بس مشكلته انه تانكي واحد

للمعلومية انا اتكلم عن ال6 سلندر أما ال4 دماااار

[الأسمري 2009]

مشكوووووووووووووور اخي ابو الطواري



ونتمنى الي عنده معلومات تفصيلية اكثر

[مايغرز]

مادري تقصد الفوررنر؟
اذا اهو ترا راحت ايامه يسمونه جيب طالبان والجديد تجميع تايلند وسلملي عل الياباني

[الكوسه]

السلام عليكم

[الكوسه]

الله يسلمك هو الفورنر اللي قبل عشر سنين تقريبا وقطعوه ثمن رجع هو تقريبا فيه من مواصفات الهيلوكس الى حد كبير الديكور والطبلون والطاره , مع واحد من الشباب يمدحه مره يقول بالخط راسي زي الفكس ار واشوفه يطعس بعد ويرقى مراقي كبيره وماشي ماشالله
والمعلوميه الى اخوي مايغرز قولت تايلند مااااااااااااااااااااااااااله اي دخل بالسالفه التايلنديين زي اللي عطوهم دولاب وعليهم الصواميل والتايلند مهوب تايوان صناعتهم عريقه لاتصير مع اللي يحكم من نظره ولا وكاله يقولون جزاك الله خير

[طخيمان]

لا بصراحة الموتر ممتاز وبيجي عليه طفرة وأذكركم
لانه بصراحة ممتاز مع الوالد وأطلع به للبر وممتاااااااااااز مررة مررة

وأي أسأله انا جااااهز ولا يردك اللا لسانك

[الدبل الثقيل]

الفورنر غير الفورتشنر ..... الفورنر ينزل في أمريكا... أنا شايف منه موديلات حديثه أمريكيه في معارض جده..

[السحاب]

مثل ماقال أخوي الدبل الثقيل

الكثير يخلط بين الفوررنر والفورتشنر

الفوررنر اللي كان موجود قبل 10 سنوات

مازال موجود ولكن في الاسواق الامريكية
وماأدري ليه حضرت الوكيل يجيب السيارات اللي يبي ويخلي اللي مايبي

ولو يجي طيح سوق البرادو والفورتشنر والباثفايندر

لأن شكله متناسق وجميل

ومواصفاته رائعة ويجي بمكينة 6 سلندر أو 8 سلندر مثل ال VXR

وهذي صور للشكل الحالي:






أما الجيب الموجود حالياً في السعودية أو الفورتشنر
فهو سيارة جديدة كليا وتصنع في تايلاند والفلبين وشرق اسيا(تصنيع وليس تجميع)
ماله أي طاري في أمريكا واليابان
وهو مبني على قاعدة الهايلكس الجديد
وهذي صور له:




ويجي بمكينة 4 (مكينة هايلكس) ماينفع جيب 4سلندر
أو مكينة 6سلندر نفس مكينة البرادو

والمواصفات يتحكم بها الوكيل مع الأسف الشديد بدون أي اعتبار للعميل
حتى الآن مايجي بفتحة سقف ولا مراتب جلد
مع تحياتي للجميع

[.أبوعبدالرحمن]

خذ 6 سلندر وانت مغمض



اما 4 سلندر لا تااااااااااااااااااااااااااااخذة ابعد عنه اميال

[مناديِ]

خذلك هايلكس غمارتين .. وصندقها

تطلع فورتشنر

شوف البرادو افضل .. الاقيام قريبه .. بس الفرق شاسع


تحياتي

[صبي غلباء]

السلام عليكم اخوي حقيقه الموتر معي 6سلندر وله تقريبا شهر يعني مادري عن عيوبه المستقبليه لكن عن القوه في البر قوي في ام ارقيبه الاسبوع اللي فات في العروق الاندكروزر تطايح جنبي وانا اتمشاى واتفرج عليهم لانه وزنه خفيف ومرتفع من الخلف اكثر من الاندكروزر وشكرا

[الكلاسك]

الحذر الحذر الحذر تاخذ جيب اربع سلندر بدون مبالغه اذا خذته يكون راعي القايله افهم منك الفورنشر حليو بس عيبه كنه هايلكس مصندق ومن الامام كنه جزمة ديداس ههههههههههههه بس اتوقع راح يكون له طفره توه جديد في السوق لكن الان ما انصح في البرادو من ناحية شكله من زماااااااان وهو بهالشكل اكيد راح يتغير

[الأسمري 2009]

الف شكر للجميع


خلاص الرجال بعد ماشاف ردودكم الحلوة حجز ستة سلندر


واللة يعطية خيرة ويكفية شرة

[مرداس2006]

الف مبروك أخي الجراح 555 علي السيارة لعله يفيدنا عن تجربته

اخي الدبل الثقيل لك رساله على الخاص]