ذكرتني بالوسم والقنص والبر(هدية لأبي علي الشمري)

[الغانم]

هذه القصيدة هدية للأخ أبو علي الشمري والأعضاء والزوار:
[poet font="Simplified Arabic,4,black,normal,normal" bkcolor="transparent" bkimage="backgrounds/5.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=deeppink,strength=5)"]
يا صاحبي دوك القصيد المعبَر=هاك القصيد الي من القلب مبناه
ذكرتني وقتٍ مضالي ودبَر=الله يا وقتٍ جميلٍ فقدناه
ذكرتني بالوسم والقنص والبر=ذكرتني خوة رجالٍ لهم جاه
نعم الرفيق الي كما الحر الأشقر=حرٍ شلع للي من الضيم ينخاه
وفنجال بنٍ بالعويدي مبهر=اليا شربته قلت ذيبان سواه
يجذبك ريح البن رايب مزعفر=كيف الرفيق الي على الطيب جمعاه
وهاض الغرام وجبت حبرٍ ودفتر=وسطرت لك مالاق ياالحر معناه
يا ما حلا الوسمي بعد لفحة الحر=والجو رايق والغدير احتدم ماه
والبر مزهر وانفرش عشبٍ أخضر=وغنت طيور البر لحنٍ عرفناه
والأرض ريحتها زبادٍ وعنبر=عقب المطر ريح الثرى لا عدمناه
وهب النسيم وداعب الغصن الأزهر=سبحان من كمل جماله ونماه
وصلاة ربي عد ما أذن وكبر=على شفيع الخلق ما حل طرياه

[/poet]

[التغلبي]

شاعر فحل وماقصرت يالغانم الحربي مع خالص التحية

[المري]

عشت يالغانم صح السانك وعزالله انه قصيده تنعش الروح قبل الجسد.


في انتظار مثل هذي المشاركه الرائعه..

[الشيشاني]

بسم الله الرحمن الرحيم

أخي الغانم صح السانك الله لايهينك

[ف.البشري]

تسلم يالغانــــــم .

صح لسانك على هذه القصيدة الجميلة .

وبو على الشمري كل علومه طيبــة فهو ممن يحرصون

على ابراز الارث التاريخي . وأنا واحد ممن يتشوقون الى مشاركته.

والظاهر ان له غيبه هالايام , عسى الله يرده بالسلامة , وتكون جعبته

قد امتلأت بما يتحفنا به .

[ابوعلي الشمري]

اخوي الغانم الله يرفع مقدارك ماقصرت والله انها قصيده جميلة بماتعنيها الكلمة وجامعة بين علوم الرجال وبين بعض الحكم فصح لسانك والله يعطيك العافيه