نصايحكم يا اخوان لصيانة وكفرات الباث(2005)

[وش احط]

السلام عليكم ورحمة الله وبركاته..........

ابي اسوي صيانة واغير كفرات موتري(باثفايندر 2005 جنوط 17 ماشي 65000 كيلو)

اللي عنده تجارب وخبرة لايبخل علينا......وبسوي الصيانة عند ورشة لأن الوكالة(صلخ جيوب)
1)وش أهم الأشياء اللي لازم اسويها؟
2)وش احسن كفرات وسعرها ووين تنصحون اشتريها منه؟
وشكرا........
وخويكم راعي بر وخطوط

[طخيمان]

والله يا خوي مشكلة الباث قلة الشركات اللي تصنع كفرات على نفس مقاي جنطه
أذكر مررة أبغير كفرات الباث حق عمي ما لقيت اللا 3 شركات اللي هي
بيرجستون و ميشلان وهانكوك
وميشلان غالي مررة
وهانكوك كوري وما ادري عن خيره وشره
وبيرجستون قاسي شوي لكن انصحك فيه لأنها حقت الوكالة والشي اللي تعرفه ازين من اللي ما تعرفه

والشيء الثاني اللي اشور عليك انك تسويه هو يايات استراليه لانها ترفع الموتر حوالي 3 سم ومهما تحمل عليه ما يطيح وما يطق اذا كلت مطب
وان كان ودك تركب مساعدات بعد ازين وازين

أرجوا اني اكونافدتك ولو بشيء بسيط

[وش احط]

مشكور اخوي ابو الطواري والله يوفقك.........

[أبوفيصل]

بالنسبة للكفرات
أنا جربت الفايرستون .. وبصراحة جداً مريحة بالطريق وبالرمل
سعره تقريباً 475

وضمانه على ما أعتقد 5 سنوات

بالتوفيق

[ولد الديرة]

الفايرستون

مريت وكالتهم العام الماضي ويقولون ما عندنا مقاس الباث !!!

اللي عندهم أعرض من كفرات الباث ...

وركبت برجستون و الشكوى لغير الله مذله .

[أبوفيصل]

الفايرستون

مريت وكالتهم العام الماضي ويقولون ما عندنا مقاس الباث !!!

اللي عندهم أعرض من كفرات الباث ...

وركبت برجستون و الشكوى لغير الله مذله .

صادق يا ولد الديرة .. قبل سنه ما فيه

لكن الحين الكفرات موجودة وأنا ركبتها من ستة أشهر تقريباً
في شهر 6-2006
ونفس مقاس الوكالة .. لكن الفرق كبييييييييييييييير
وعجز وأنا أقول كبير .. والله يا أخي إنها مريحه جداً
توكل على الله وركبها وإن شاء الله إنك راح تدعي لي

بالتوفيق لك وللجميع

[عبدالرحمن السالم]

مشكورين ألف شكر وانا والله معي 2005 وودي اركب شى زين ولين

واكثرهم يقولون دونلوب والا هنكوك

طيب اخوي ابو فهد كم المقاس المناسب .. زي الوكاله .. ونفسي اغير عن الوكاله ابى قماس اكبر شوي ..؟؟

ومشكورين مقدماً

[عبدالرحمن السالم]

شوفووووووووووو الموضوع هذا

http://www.mekshat.com/vb/showthread.php?t=40536

[أبوتركي 999]

والله يا شباب شوفوا أنا عندي نظريه يمكن صح ويمكن خطأ ويمكن تمشي

الكفرات كل كم سنه تغيرها يعني بتشتري غالي بتغيره بعد سنتين مثلا ولو الكفر زين بس يشمس ويصير قاسي يعني غير مريح
إذا وطيت عيون القطاوه يعني البساسه ( القطط ) تحس الوطيه بركبك ... فلاذا أنا أغير كل سنتين أو أقل من الكفرات الوسط زي فايرستون طبعاً للهايكس والكرسيداً ولا أذكر الحمدلله أنه ضرب معي كفر لكن موترك ما جربت بصراحه
والضمان من فيه استفاد من ظمان الكفرات خرطي