تكفوووووون يالنشامى....,,,....؟

[الهارف]

بسم الله الرحمن الرحيم

السلام عليكم ورحمة الله وبركاته

يا اخوان انا عندي طلب صغييييير


ابعطيكم بيت من قصيده وابيكم تجيبون لي الباقي


.................................................. .................................................. ......................
وش على العقبان من دبي الجراده ما يروع الذيب من ترعى النبات

تكفووووون الله يعافيكم
.................................................. .................................................. ......................
ياذيب أنا بوصيك لا تاكل الذيب كم ليلة عشاك عقب المجاعة

تكفوون يالربع
.................................................. .................................................. .....................
ومشكووووورين

[ف.البشري]

الاخ الهارف

مساء الخير :

اليك نص قصيدة شالح بن هدلان في رثاء ابنه ذيب

يا ربعنا يااللي على الفطر الشيب
------------------------- عز الله انه ضاع منكم وداعه

رحتوا على الطوعات مثل العياسيب
-------------------------- وجيتوا وخليتوا لقلبي بضاعه

خليتوا النادر بدار الاجانيب
-------------------------- وضاقت بي الافاق عقب اتساعه

تكدرن لي صافيات المشاريب
------------------------ وبالعون شفت الذل عقب الشجاعه

يا ذيب انا بوصيك لا تاكل الذيب
------------------------- كم ليلة عشاك عقب المجاعه

كم ليلة عشاك حرش العراقيب
--------------------------- وكم شيخ قوم كزته لك ذراعه

كفه بعدوانه شنيع المضاريب
------------------------ ويسقي عدواه بالوغى سم ساعه

ويضحك ليا صكت عليه المغاليب
----------------------------- ويلكد على جمع العدو باندفاعه

وبيته لجيرانه يشيد على الطيب
------------------------- وللضيف يبني في طويل الرفاعه
جرحي عطيب ولا بقى لي مقاضيب
------------------------- وفخت حبل الوصل عقب انقطاعه

كني بعد فقده بحامي اللواهيب
---------------------------- وكني غريب الدار مالي جماعه

من عقب ذيب ، الخيل عرج مهاليب
---------------------------- ياهل الرمك ما عاد فيهن طماعه

قالو تطيب وقلت اشلون ابا طيب
-------------------------- وطلبت من عند الكريم الشفاعه

[الهارف]

مشكووور اخوي البشري وما قصرت


الله يعافيك ويكثر من أمثالك