طبق للجيوب تعليق (بدون ارجل)

[الخالدي..]

السلام عليكم


اخواني سمعت من كذا واحد ان فيه ورش تفصل طبق للجيب بس تعليق وبدون رجلين يعني مثل الاندكروزر يثبتونه له ع حزام الامان


السؤال من يعرف الورش الي تسويها بالرياض ؟

[أبو شيري]

لو تبي بالقصيم عليك بكم ورشه بالرس

ورشة النخيلان
ورشة الوادي
مركز شمس

أنا مسويه في ورشة النخيلان عند حداد هندي فنان بمعنى الكلمه له بالحداده 30 سنه
بـ 300 ريال تفصيل الحديد الزوايا المعقله مع البويه
يبقى عليك تروح اقرب منجره وتقص عليه خشب أندونيسي 18 ملم ما يتعدا ( 100) ريال
بعد ما تقص الخشب تروح اقرب محلات تنجيد وتنجده بحدود 100 ريال
أو محلات الرحلات وتلبسه تنزاني بحدود 150 ريال مع الاسفنج من أعلى

مع العلم أني مريت مركز شمس قبل وطلب مبلغ خيالي كامل الشغل حديد وخشب وتلبيس بـ [ 1150 ريال ]

.
وهذا هو راكب ولاحظ المساحه اسفل كامله للأغراض ما فيه أرجل نهائي



وهو ثابت لا يتحرك ولا أصوات بالصحراء ولا شي

التكلفه للطبق التفصيل بحدود 500 ريال تنقص او تزود قليلاً

الطبق الجاهز بجميع أنواعها واشكالها ما تتعدا 300

والخيار لك أنت

[Moha Bin aziz]

انا مثلك اتمنى اعرف طريقة للباترول

[الاشهب 507]

أنا موتري يجي له طبق بدون
ارجل شد بلد بس لااسف
انسرق مني مدري كيف غفلت عنه
معي 2 نفس الموتر لكن كله احجه معى الطبق
ولا حصلت نفس شد البلد
هلي يمكن يقدر النجار يفصله لي
الأشهب 507

[ساقان]

الباترول ماظنه يجي لان فكرة هذا الطبق تعليقه من 4 جهات باحزمة الامان

[المميـز]

:

الباترول تقدر تفصله قاعده حديد تركب مكان مسامير المرتبه الاخيره
ويصير فوق مجرى للخشب تصفه فوق

:

[الخالدي..]

جزاكم الله خير جميعا فيتوا و وفيتوا وانا سألت عنه بعد وابشركم لقيته يصلحونه مركز ذئاب الصحراء وبالنسبه للتعليق مو شرط حزام الامان كل سيارة لها طريقه وسألت عن الافجي لان مافيه حزام وصاروا يثبتونه بشدادات ع الجوانب وسعره 450
وهذا رقم صاحب المركز
0561111950


اتمنى اني فدت واستفدت

[بن جلاجل]

اخوي تواصل معي انا مسويه بيدي ما كلف 140 ريال تواصل على الوتس وخذ الطريقة 0555032559

[راعي الفرعه]

اي ورشة حداده ممكن تسويه ثم المنجرة ولبسه
ويكون اخر كلام

[ابومتعب600]

الله يجزاكم خير على توجيهاتكم النيره

[slem2]

ممكن صور مفصلة للتوضيح لو تكرمت

[أبوعبود وحمود]

جزاك الله خير