رايكم في ربع باترول 2005

[قاعس]

رايكم ياخوان في ربع باترول 2005 في النفود والخط وكم يجيب في الخط بلد وهل هو عملي

[العتيبي 88]

حياك الله أخوي ..

الموتر من واقع تجربه طيب وعملي جا وحق كرف لاكن ثقيل شوووي واذا الله وفقك في النظييف ياسلام ..

في النفود طيب والربع بطبيعته خفيف .
والخط يعني على حسب نظافة الموتر يمكن يجيب 200 اذا نشيط ..

واي شي حاضرين

[المميـز]

:

اذا لقيت نظيف توكل على الله وخذه موتر مكده
واذا على العزم ركب له اكزوز ( هدرز ) ومروحه كهرب وفرارات ويضبط عزمه بالخطوط ان شاء الله

:

[قاعس]

عافاكم الله على الإفادة

[حبل الوريد]

الددسن تروح عليك بالنفود وناخوك
طبلله

[شاق النفد]

زد قريشاتك شوي وطقلك ربع فتك
حاليا هو الموتر الكفو للخط والنفود

[ا ل ح]

انا اشهد ان الباترول الربع ممتاز جدا في البر و الخط ادائه مقبول
لكن مسألة الددسن تروح عليك بالنفود مهوب ضني و اذا راح عليك بتمره وهو جالس يحفر ويدفن هههههه

[بواسامه]

مايبي لها مشاور
معي طويل 2004 استاندر
ولا احلى عزم وخفه وصرفية ممتازة
توكل ع الله واستخر

[قاعس]

الددسن تروح عليك بالنفود وناخوك
طبلله

مهيب مبالغة يخوك

[قاعس]

انا اشهد ان الباترول الربع ممتاز جدا في البر و الخط ادائه مقبول
لكن مسألة الددسن تروح عليك بالنفود مهوب ضني و اذا راح عليك بتمره وهو جالس يحفر ويدفن هههههه

صدقت مامثل الجيب

[قاعس]

مايبي لها مشاور
معي طويل 2004 استاندر
ولا احلى عزم وخفه وصرفية ممتازة
توكل ع الله واستخر

بنتوكل على الله وندور النظيف

[التعـ King ـديل]

الموتر طيب ويبيله سواق راكد عملي ويتحمل الكرف

اما بالنسبه للي يقول الددسن تروح عليك بالنفود ترا كل المواتر تمشي بالنفود على حسب السواق

حتى الاكسنت تغبر للددسن اذا كانت طارتها بيد سواق

[adnan shawa]

موفق يا الغلا



تحياتى للجميع

[مكسر الشداد]

تجربه ١٠ سنوات ٢٠٠٨ سلقه ربع ،،، الددسن انشط منه ضيق لا ركاب ولاعفش شرب بنزين،،زيت مصاريف جيب على سياره ماتخدم يصلح استخدام دوريه فقط ،،معي الان فتك صالون هو الجيب عند نيسان غيره لا تدور

[الصخري]

ربع نيسان سياره بمعنی الكلمه ولكن اهم شي يكون نضيف
ولا تقارنه باي سياره ثانيه بنفس الحجم طبعا