نصيحتكم .. حول الهمر الصغير

[ابو درع]

اهلابكم

من لديه خبرة تجربة او معلومات عن الهمر الصغير

وهل هو عملي .. ومنهو وكيله

[ابوعبدالله9999]

اسمه H3وشفت له إعلان بالجريدة عن طريق الجميح ويباع بالأقساط القسط 1500ريال

[لملوم]

مراحب ابو درع
السياره حليله وتشيل نفسها فى الرمل بشكل غريب رغم انها خمس سلندر
طبعا انا استخدمته لمده ثلاثة ايام ايجار
الوكيل الجميح
سعره حوالى 155 الف ريال
يقولون ان سعره فى البحرين وقطر والامارات 119 الف تعرف كلش عندنا غالى

[ابو درع]

راعي وناسة

لملوم

اشكركم على المعلومات .. انا سمعت انة في 105 الف علشان كذا قات ابخذلي واحد وسعرة معقول

تحياتي

[الطعس الذهبي]

سعره الان 111 كاش والجميح مسوي عليه عرض والله انا ماجربته لاكن شكله زين

[تكفون]

يارجل زين والله وهو واقف في المعرض ..

بالله عليكم تسمونها سيارة ؟!

كرتون له كفرات ..

لا قوة ولاعزم ولا يحزنون ...

الي ياخذه بس للشوارع ...أما البر ((من سابع المستحيلات)) .

[big boss]

جربته عند الوكيل الجميح بالرياض على الطريق سيارة رائعة جدا والعزم مقبوول جدا بس ما ادري عنها في الرمل

[salehhd]

السلام عليكم

السيارة بحركها 5 سلندر 3.7 لتر يولد 242 حصان

السيارة بشكل عام سعرها مقبول لاكن محركها ضعيف بالنسبة لحجمها ووزنها

لو كان محركها نفس محرك اليوكن كان طلع جبار واشوف انها موتر للبلد اكثر منه للبر

في الختام لاتنسى الاستخارة

بالتوفيق

[قرم]

انت تقصدهالعله المطاوله


كفراته..خلف خلاف



ماكن الارض ممطوره!!! ومغرز?? ..


منافس قوي لام جنيب


تحيه طيبه اخي ابودرع لك ولأهل مكشات جميعآ

[GMC79]

السيارة حسب ركوبي لها وحسب مشاهدتي وقراءتي عنها ولم اقدها

السيارة عزمها متوسط وهو اعلى من المتوقع حيث محركهابقوة 220حصان فقط والفضل في ذلك للجير والدفرنس فهما ذوا عزم دوران مرتفع جدا وهي ميزة نادرة


السيارة مصممه للطرق الوعرة بشكل ممتاز فهي مرتفعه عن الارض بشكل كبير من الوسط ومرتفعه من الامام والخلف بالاضافة الى قرب الصدام الامامي والخلفي الى العجلات مع الارتفاع الكبير مما يجعل زوايا الدخول والخروج ممتازة ولايمكن ان تحتك في الارض

فيها افكار جميلة ولكن سعرها عالي جدا مع تقنياتها البدائية ففي الخلف دفرنس وسست ولا تحتوي على دفلك ومع ذلك سعرها 115الف ريال لو ان سعرها 90الف ريال لكان مناسبا جدا

[sasasasas]

يا رجال توكل على الله واشتره دام انه داخل راسك
لا تسال احد
مع تحيات اخوك

[أبوكلبشة]

عكوسة دايم تتكسر
وانا اعرف شخص يشتغل في ورشة ارامكو بالبربع الخالي يقول والله ابلشنا الهمر ماغير نغيرله عكوس
وشف الصورة الي حاطها اخوي قرم ونصيحة هج لاتورط عمرك بهمر خذ سفاري ازين واصبر ولاخذ يوكن
نصيحة

[الربذي]

اذكر نوع منه يجي بدون دبل وصراحه طلع خرطي يبور بيدك اذا استعمل يفشلك بالنفود اذا غرس تجمعوا عليك الفضوليين اللي يصور ولي يويق بالغماره وتخيل بعضهم يفتح عليك الباب يتفرج لو انا احرقت فيه ذلني هلهمر وبعدين يشرب بنزين واحد اخر موديل مامشى الا 12 الف انكسر فيه شي مدري القير ولا العامود الوكاد يعشقه ويدور العمود والسياره واقفه هج عنه الاتقول عاجبني استاجره لو 2500 احسن من تخسر 30000

شف الصوره الاولى وشلون الكفرات الاماميه مثل عيون الاحول !!! اكيد خربن هذة سياره ياملي !!! هل ترضى انك تكون انت صاحبنا بالصوره الثانيه وانت مو اي واحد ياخي الفاضل
تصدقني اني احترمك واقدرك وحاسبك من وجهاء ورجال مكشات اللي يشار لهم بالبنان
اخوك رفيقك بالمشاوير مثلك عاجبه بس
ماقلته كافي
محبكم اخوك الربذي
ياخوك احب اللون الاخضر خسران 80 بالميه بسوق القمار السعودي توبه توبه

[Mohammad]

اخى ابعد عن سيارات الشطحات

اذا تبى سيارات بر وتحمل وصيانه اقل وراحة بال ابعد عن الامريكى البلشه

[abumishary]

حسب اعلانات الجميح بالجرايد..(( اسعار الهمر تبدأ من 110.000 ريال
لكن الصور اللي نزلها اللأخ قرم تغني عن الكلام000وتقول ابعد عن الداب وشجرته