الخيمه ياهل خيمه العدد والادوات

[البر- ديري]

اللي يخبر خيمه تتسع لست اشخاص وصغيره الحجم اذا صفطت يدلني عليها لاني ياخوان تعبت من الخيمه ام عمدان طوال لكثره قشها وكبر حجمها 0تحياتي لكم ياهل المكشات0

[الشيخ]

يا خوك مالك الا الخيام العسكرية الي تجي على شكل مثلث ^ هاذي يجي منها مقاسات كبيرة وشغلها خفيف وسهل واذا ما توفرت بالسوق مالك الا انك تفصل وحدة عند اهل الخيام
بحيث يكون رواقها ما يزيد عن 80 سم ويكون مخيط مع راسها
ولا تكون لها ارضية مخيطة مع الرواق لانها تزعجك بالتصفيط وبالتنظيف

[راعــي النــفــود]

السلام عليكم ورحمة الله وبركاته


كيف حالك اخوي

فيه اخيام عند اليوسف في حي السلام مقابل مستشفى اليمامة وهو في اول الشارع
عنده خيام صغيره وضد الموية مدري تصلحلك ولا لا مساحتها على ماأظن انها 3.5 في 3 أو أربعة
وتقدر تصفطها وتحطها في شنطة الكابرس


تحياتي محبك



الساطع

[الفرعاوي]

اخوي البر- ديري
رح لواحة الرحلات في مخرج 15 ت 2082765 جوال 055472795 المهندس خالد اليوسف
عندهم خيام 4 في 3 تكفي 6 أشخاص مرتاحين و تتميز بالخفة و صغر الحجم و السعر المعقول

بس احرص على القماش التنزاني ..

اخوك الفرعاوي

[الشقردي]

انا واعوذ بالله من كلمة أنا شريت من محلات خيام التوفق في الرياض مقابل مركز الامير سلمان الاجتماعي خيمة 4 في 4 قماش تنزاني ضد الماء وعلى ارواقها شناكير يعني ما تضطر انك تربط الحبل من جهة الخيمة بس من جهة الطنب
ومخيطين في اسفل الخيمة (الجزء اللي يدفن في التراب) طربال عشان ما يتآكل
وقد ركنباها مرة في المرتبة الخلفة للصني (سيارة نيسان كبر الكورلا) وهي تتسع لـ 8 أشخاص بالمرتاح
ولكن السعر 1200 تقريبا يمكن تغير الحين

وفيه منها مقاسات ممكن تفيدك أكثر لكن عز الله انه تكرف معك كرف مهوب بسيط

[دخيل67]

ليش ما تفصل خيمه من طربال مشمع ضد الماء
تعلق على سلة السياره وكذلك تبنى طرفه على السله
حديدها ذكر وانثى وخفيفه وسهله البنيان ورخيصه الثمن

[هلكس]

السلام عليكم

اذا كنت من سكان الرياض هذا شي جيد

رح لما الغرابي ودور لك ( جحش ) او ( حمار ) وانتم بكرامه
وتبي تلاقيها رخيصه
انا من زمان شاري من عندهم وجاهزه بعد وتكفي 7 زي السلام عليكم
والمساحه 4*3
انصحك بها

وشكرا

[عابر سبيل]

حياك الله يا خوي //// البر-ديري


بامكانك تراجع هالرابط بيفيدك ........

http://www.mekshat.com/vb/showthread...&threadid=3874


سلالالالالالالالالالالالالالالالالالالالالالام

[عروان]

فية خيمة زينة مقاسها 4.5 في 3 متر. يصنعها مصنع القاضي للخيام.

وهي مثلثة الشكل مع أرضية بلاستك وباب سحاب وفية ناموسية(شبك).

أسم الخيمة ( خيمة الشبخ) وقيمتها 650 ريال. وحجمها وهي مطوية

في كيستها صغير أنا شايلها بشنطة السيدان. وخفيفة الوزن ويبنيها الرجال لحالة.

[الفرعاوي]

الاخ / عروان

وش قماش هالخيمة حقت القاضي ؟
وش ارتفاعها ؟

اخوك/الفرعاوي

[mazenk15]

أخوي البر -ديري
أذا كنت بالرياض فيه فرع للقاضي بالدائري الشرقي بين مخرج 11-12
وأتمنى لك التوفيق والمكشات الطيب

وتقبل مروري

[faris alfaris]

وش فايدة رفع الموضوع

المشاركة قديمة جداااااااااااا

12/03/2003

[بعيد الهقاوي9]

.................................................. ............................................