من جرب ( ايسوزو ) 2007 ، ونيت الدبل ؟

[فـــــلاح]

من جرب ( ايسوزو ) 2007 ، ونيت الدبل ؟

الوالد يبي يشتري واحد مثله

هل تنصحونه وإلا لا

ترى الوالد ما يخلي أرض ما ياطاها

يحب البر عسى الله يحفظه

تنصحونه والا لا ؟

لا وما يبي الا اللون الأزرق بعد هههههه

عطونا شوركم يا الربع

[طناف]

والله ياخوي ماجربتها

بس أذكر أول مانزلت 2005 رافقنا واحد من الشباب للمقناص معة وحدة جديدة وكانت ممتازة ويمدحها في الرمل ويفضلها على الشاص

وعسى يفيدونك باقي الأخوان

[اسيزو 4x4]

موتر يطربك موتر مجرب

خذ ولا تشاور ماعلية كلام

ومبرووووك مقدماً يالغالي

أخوك أبو حمود

.

[نيشان نجد/]

من تجربتي له ما لاحظة عليه شيء لاكن عيبه قطع غياره غالية

[سلكي نت]

خذ ولا تشاور ... بس توكل على الله ........

[فـــــلاح]

الله يجزززززززاكم خير يا الربع ما قصرتوا

واليوم ان شاء الله ا ستلامه من اليمني اللي بخريص

الله يبارك لنا ، قولوا آآآآمين

[الجفن]

بالنسبه اذا كان ودك في القوه فانا ما انصح في جميع الونيتات من هايلكس او غيره لان بصراح ما فيها قوه شي معروف اربع سلندر اي شي اربع سلندر ما يكون قوي انا كان عندي ددستن 2006 والله ما كمل معي سته شهور الا انا بايعه ما عندك احد ما فيه قوه مره وسألت عنه قالو كل سياره اربع سلندر فيها دبل تكون عزمه ضعيف
اما اذا كان ودك تمشي الحال وتشيل عليه عفشك خذ ددسن او هايلكس دبل يعني تمشي حالك
ترى اسيزو معطينه دعايه على غير سنع شفه من جواء فرق واضح عن الهايلكس واددسن تحس انه كله فيبر
وينه من زمان ما عرفناه الا ثلاث سنوات
انا اكون معك شكله افضل شي بصيط من الدادستن والهايلكس لاكن ما انصحك فيه

[باب هداج]

والله ياخوووك انا معي 2006 ومشاء الله ماشفت منه الا كل خير لكن ترى العزم مو ذاك الزوود وثقيل بس

[سلكي نت]

بالنسبه اذا كان ودك في القوه فانا ما انصح في جميع الونيتات من هايلكس او غيره لان بصراح ما فيها قوه شي معروف اربع سلندر اي شي اربع سلندر ما يكون قوي انا كان عندي ددستن 2006 والله ما كمل معي سته شهور الا انا بايعه ما عندك احد ما فيه قوه مره وسألت عنه قالو كل سياره اربع سلندر فيها دبل تكون عزمه ضعيف
اما اذا كان ودك تمشي الحال وتشيل عليه عفشك خذ ددسن او هايلكس دبل يعني تمشي حالك
ترى اسيزو معطينه دعايه على غير سنع شفه من جواء فرق واضح عن الهايلكس واددسن تحس انه كله فيبر
وينه من زمان ما عرفناه الا ثلاث سنوات
انا اكون معك شكله افضل شي بصيط من الدادستن والهايلكس لاكن ما انصحك فيه

انا لا اؤيدك اخي الجفن في ما قلت للأسباب التالية:
1- ألا تكفي ثلاث سنوات لهذه السيارة المنتشرة في جميع مدن المملكة وفي طقسنا الشديد وتشفع لها.
2- لو ما جربنا الجديد والحديث كان لازلنا على سيارات واحدة من يوم ما دخلت السعودية " اقصد الفرتات"
3-كانت تتميز الهايلوكس في مواصفات خاصة بها اما الان فهي فايبر تايلندي مثلها مثل المازدا و المتسوبيشي و الايسوزو وقريبا الددسن.
4- النقد يكون للمجرب والذي تعرض للاعطال حتى يحذر غيرة منها، فأنا لا استطيع ان انقد مثلاً المازدا للأني لم اجربها .
5- كثير من السيارات منتشرة في الخارج وفي بلدان مثل بلدنا ولكن حضها عندنا تعبان مثل ما يقولو .
6- الوالد واخوي مجربين المتسوبيشي الدبل موديل 91 ديزل ماشاء الله . اما اخوي مجرب الايسوزو موديل 2001 دبل كمان ما شاء الله حتى الان ما يحتاج.

وسلاماتكم

" اختلاف وجهات النظر لا يفسد للود قضية" و "لولا اختلاف الاذواق لبارت السلع"