نبي رايكم بميزات وعيوب توانك الماء

[الجافي]

اخواني انا احترت بين التانكي لل g-xr استبنه تحت
فيه نوع يجي مسدوح مقاسه تقريبا 10 سم *1.10 *1.10 يعني يصير ارتفاعه 10 سم وماخذ كل مساحة الشنطه
والثاني يصير واقف خلف المرتبه وجاي مع ميلان المرتبه بالضبط
ابي من الاخوان الي جرب يعطينا المزايا والعيوب للتانكيين بغض النظر عن الماده المصنوع منها التانكي
وشكرا مقدما للجميع

[الجافي]

مايصير عطونا رايكم

[ابن بدران]

السلام عليكم
حياك الله اخوي الجافي
من وجهة نظري اللي خلف المرتبة (اوذف) من المسدوح
اول شي ثقله يصير بوسط الموتر (على الدفرنس تقريبا) ولا ينزله
ثاني شي اسهل للشيل والحط
ويسلم من ترديح الاغراض والحطب فوقه يمكن مع كثرة الاغراض وقوة المطبات ينكسر

[سفيرالسعد]

ياخوي انا امس كنت ادور تانكي ماء للسفاري حقي و رحت لرحلتي الي علي مخرج 15 و شفت عندهم تانكي واقف وري المرتبه و كان ممتاز عليه ضمان خمس سنوات ضد الكسر و تغير الطعم و الرائحه و ياخذ 145 لتر ب 590 ريال الله يديم ارخص مقارنه ب الفيبر قلاس و الالمنيوم و الستيل الي كلهم اما تغير طعم المويه او تصدي... والله و شريت واحد من كثر ما مدحه لي راعي المحل و اليوم قالي واحد من الاصدقاء انه شاف التانكي نفسه في برق الحيا

[كادر]

افضل التانكي مفروش في الشنطة وسبق لي ان ركبت تانكين لسيارتين مختلفتين وهي عملية لتوفير المساحة في الشنطة ولتحميل اغراضك الكبيرة
وانصحك استخدام موضوع سابق لي لتثبيت التانكي تحياتي
http://www.mekshat.com/vb/showthread.php?t=57945

[سفيرالسعد]

السلام عليكم ,,,,,, لى الان اسبوعين معبئ هالخزان الجديد واسمة ( خزان الوادى ) من اسبوعين والماء فية لا ريحة وطعم تغيير نخدر الشاهى والطبخ وحجمة صراحة يخدم كثير واشوفة انتشر فى عدة محلات ويكفى ضمان خمس سنوات حتى اللى فى البيوتماعلية هذا الضمان ,,,,, ارقد وامن 3 من الزملاء شروة ويمدحون شكلة مناسب حتى فى استخدامة داخل الرياض واللة انة مسكت وبس وراعى البران بيعرف ان قيمتة فية وم اول ماتشوفة بتعرف كلامى عنة .............. ودمتم سالمين