الاولين والتالين

[النبهاني]

السلام عليكم ورحمة الله وبركاته
اخواني واخواتي مشرفي واعضاء مكشات الحبيب
الله يسعد اوقاتكم بالمسرات
الاولين والتالين جيلين اباء وابناء وأخوه والسجال بينهم تحت مضلة الود والاحترام والطرفه والمزوح والبعد عن الرسميات واحترام الحدود والخطوط الحمراء ، والسجال هذا كلن يثني على جيله مع التبرير والهدف منه اظهار السلبيات التي تسيء لنا ولمجتمعنا والمحاوله لإجتثاث هذه السلبيات بطريقه سهله وبنفس الوقت ممتعه وايجابيه .
باختصار الموضوع هو ( سجال بين فريقين ) كلن يثني على جيله مع التبرير مثل ما ذكرنا
وانا واعوذ بالله من كلمة انا من الفريق الاول الاولين ، والاولين طبعا مخضرمين
وسأبدأ ولتكن البدايه مثال حتى يتضح الموضوع
الواحد منا كان يعتمد على نفسه باشياء كثيره من صغره مثل شراء السياره والتفكير بالزواج والعمل على الاستقرار
وفي هذا حرص على العمر والوقت .
بانتظاركم علما بانه مفتوح التسجيل بكلا الفريقين بكل الفئات العمريه بمعنى حريه في اختيار أي فريق .

[ابومشعل3]

انا معك من الجيل القديم اعتمدنا علي انفسنا واسسنا اسرة واصبحنا .اجداد . وزرعت في اولادي حب الماضي والترابط الاسري وللة الحمد والجيل الجديد معتمد علي اشياء لم تكن في ماضينا ولم تكن موجودة . تحياتي

[النبهاني]

هلا ابو مشعل وحياك ربي
كفو اخوي بس لايحسبوننا نتهمهم بالعكس كل له عيوبه ونبي منهم يبرزون لنا عيوبنا ونبرز لهم عيوبهم
وبالتالي نبحث عن المعالجه
لكن ما شوف احد من الخصم بين

[ابومشعل3]

اخي الكريم لن تجد فينا وللة الحمد عيوب الا اشيا ء لاتذكراما الجيل الجديد فحدث واكثر منها لانها موجودة ونلمسها حتي في الاقارب من ناحية التربية اهم شي التربية .. قال الشاعر في اخر القصيدة .وينشأ ناشيء الفتيان منا ,علي ماكان عوده ابوه ............ لو اطيل بالكتابة لن يكونو مثلنا . تحياتي .........لي عودة

[النبهاني]

هلا بخوي العزيز ابومشعل دوم
ياحبي لك وانا معك بكل اللي تقوله بس لا تكون قاسي ولاتحيز لفريقنا بالقوه
ولا تنسى ان كل واحد له عيوب مهما تعدد
وبعد لاتنسى ترا منهم من استغل العلم والتطور والسبل التي تهيئت لهم ولم تكن متهيئه لنا
واشياء كثيره ماكانت موجوده استغله ونجح نجاح باهر
واقول بعد مدري لو كنا من الجيل التالي يمكن غلبتنا الرفاهيه وغيره

[ابومشعل3]

وبعد لاتنسى ترا منهم من استغل العلم والتطور والسبل التي تهيئت لهم ولم تكن متهيئه لنا....انت قلتها والظاهر مافية الا انت ونا نعلق علي الموضوع ...........وين الباقين صحيح اني قاسي شوي في الموضوع لان هو الواقع الذي نعيشية عاشو زمن الترف والمعيشة السهلة . تحياتي ... لي عودة

[النبهاني]

ابو مشعل لاتعليق لدي
ولكن الذي اقدر اقوله حنا الفائزين
لانني اعتبرت الفريق الاخر منسحب ( )

[ابومشعل3]

اخي الكريم لازلنا في الانتظار ..ليخبرونا بما لديهم وسنحاجهم بالدليل ......تحياتي لي عودة

[خيال الغلبا]

ننتظر تعليق العمده ابوفراس ...

[عابر الجوف]

حياك الله النبهاني

هذا ردي على جيلكم وجيلنا

بس لاتزعلون علي

انا من الجيل الجديد وعمري عشرين وعليها شوي انا اشوف ان جيلكم جيل قاسي ومعانات

مع الجوع والفقر وقلة الحيله لديكم منكم من تعلم القراءه ومنكم الامي

تتعبون انفسكم على لاشي يروح يومكم تعب ومكده دون الحصول على نتيجة تذكر

يعيش الواحد منكم خمسين عام وهو لم يسافر عن ديرته

اما جيلنا جيل السرعه تطلب هنمبرقر وانت بالبيت يجيك برسم الخدمه كذلك البقاله يوصل اغراضك وانت ممدد رجليك نطلب حاجه من امريكا تاصلك وانت في فراشك لاجهد ولاتعب كلها نغزت زر بالكميوتر

اما انتم يالجيل القديم شهبان لهبان رجولكم كلها شطوب الشطب من كبره تولد فيه العقرب عاد تراي مدري هي تلد ولا تبيض ماعمري شفتها على الطبيعه وبراطمكم سود من الكد والتعب الواحد لافتح افمه تقول بطن كنداسه دينا ديزل

اما حياتنا كلها ترف ناكل ونشرب والموسيقى ترم انغامها في مسامعنا حتى التتن يجينا في علب

محكومه وزقاير ملفوفه ماعليك سوى دعسها بين الشفاة واشعلها

وانتم عظم سبيل ماخوذمن ساق خروف بربري ليته بعد نجدي يطلع مع الدخان ريحة شلوطه

ومع ذلك تستانسون عليه

وبعدين حنا لابغينا نتزوج نشوف الحرمه قبل الخطبه وقصر افراح وكوشه ودبلة خطوبه وبوفيه مفتوح وهز ياوسط

وانتم تدخلون على الحرمه ماتشوف ولا ايدينها الابعد ثلاثة ايام يمكن تشوف اصبعها الصغير متلفلفه بعبات وقاعد في زاوية البيت تقل عود نسور كسير ماتحرك من مكانه

ولاتبينت لك ولاها مدبرة مقفيه ماتدري وجهه من قفاه لامكياج ولا يحزنون ماغير ماشطه شعرها بورد وحنا لاشفت شعرها تقول هدب اثل لاهو اسود ولا اشقر

شفت كيف الفرق بين جيلنا وجيلكم

ارجو ماكون طولت عليكم بالرد بس حبيت اوضح لكم يالجيل العتيق

[النبهاني]

ياهلا والله ومرحبا ببو عويد
كلامك كله صح و واقع خاصة العرس خذوه فغلوه
لكن تذكر بتشديد الذال ان نظرتنا ثاقبه لانها تاصل الجوهر في كل الاحوال
ودي اطول بالرد على ردك اللي يوسع الخاطر ياللي من مواليد دله
مع الشكر الجزيل لمشاركتك التي حققت من ضمن ماحققت الدعابه
وينك يابو مشعل متاكد ان هالرد تدوره بتريك

[ابومشعل3]

اخوي النبهاني .انا دخلت المنتدي وبسرعة طلعت ومسافر اليوم ان شاء اللة واقسم باللة بانني توقت ماقلتة . ابوعويد لين جيت من السفر نتفاهم .. تحياتي ,10 ايام

[راعي العجراء]

هلا وغلا يابو جارالله عيدك مبارك

بالصراحه موضوع شييق جدا واحبيت اشارك معكم بهذا الموضوع

حيث اني من جيل حار جاف شتاء بارد دافي صيفا حالة الموج تدفق هواء ساخن بارتفاع مترين عن سطح البحر مغتدل الرطوبه ( تصدق عاد) اني مادريت ان للبحر سطح الا الحين وانا ماشفت فيه ولاغرفه وشلون يجي مدري

انا يابو جارالله لاحق على الجيلين

جيل الدنانه وجيل التتكنلوجيا اذا كان هذا مسماها صحيح حسب نطقي ومع ذلك انا افضل الدنانه على الوتساب حيث انها ادات ملهيه ورياضيه اما العاب الكمبيوتر ياخوي مافيه أي نوع من الرياضه ماغير الواحد يبني شحوم من الجلوس لساعات طويله البزر لاشفته تقول مثيله ضب معمر 500 سنه بهالجحر كل سنه يجدد جحره

اما بخصوص الزواج فالزواج من اول شختك بختك تشوفه امك وانت اللي تبي تعرس عليه

ولا سالت امك عنها هي زينه قالت راعية بيت تطبخ وتنفخ كني ابفتح مطعم

وتقول امك بعد تراها حرمة نشيطه يمه انا ابيها تطلع ابلك ورمل انا ابي وحده جميله فيها انوثه

اشعر انها زينه قالت وش تبي بالمايعه وع اتركه عنك ثم اذا دخلت عليها اذاهي زينه وبمواصفات امك مع الشغل والنفاذ فرحت فرح شديد اجتمع العسل مع الدبس

جنة (؟ )ثغب وثيل

والبعض اذا دخل وشاف زوجته قال بسم الله الله يقاصرنا ويقاصرهم بالاحسان بس الواحد يصبر ويحتسب الاجر ويعيش حياته اذا دخل قال باسم الله واذا طلع قال باسم الله ومايشوف شر

والجيل التالي يشوف زوجته بكامل المساحيق وادوت الزينه ويقول بس هذا جميله بالحيل وهي كلها معجون وسمكره لو تاكل مطب طاح كسرة معجون يعني غش بغش لاو التكلفه لاتقل عن مئة الف ريال وش تخلي وش ترقع وهو عليه ديون يقعد خمس اسنين وهو يسدد اقساط الدتسنين اللي شراهم لجل العرس ويقعد سنه حتى يتعود عليه ومع هذا يفطر من المطعم ويتغداء من المطعم وثيابك تغسلها عند الغسال وياحيلة الله مالك الاالصبر

واليامنها حملت وجابت ولد ردت بك ولا قلت شي قالت الله يخليلي وليدي انتم يارجال مالكم خاتمه طيب اصبري شوي لما يكبر وليدك ويشتغل انا ابكد عليك 25 سنه لم يكبر وليدك

اما حريم اول حلاه يجي تالي عزالله انهن يصونن الرجال لم تصير رجليه تقل سير مكينة بلاكستون منقطع ومع ذلك تتحول الى العطف والحنان وتهتم فيه اكثر واكثر وتقول ابونا هو راس مالنا الله لايخلينا منه

الله يرحمنا برحمته

اشكرك من جديد يابو جارالله على الموضوع والله يحفظك

مع السلامه

اخوك الصغير

ابو جلمبو

[مريقب العيفار]

عندي احساس ان عابر الجوف شايب

اما تعليقي على الموضوع

فالموضوع موضوع ازلي

منذ القدم والاباء يرون جيلهم افضل من الابناء

وتستمر السلسلة

[راعي العجراء]

ياهلا والله ومرحبا ببو عويد
كلامك كله صح و واقع خاصة العرس خذوه فغلوه
لكن تذكر بتشديد الذال ان نظرتنا ثاقبه لانها تاصل الجوهر في كل الاحوال
ودي اطول بالرد على ردك اللي يوسع الخاطر ياللي من مواليد دله
مع الشكر الجزيل لمشاركتك التي حققت من ضمن ماحققت الدعابه
وينك يابو مشعل متاكد ان هالرد تدوره بتريك

ابسألك يابوجارالله وشلون نظرتكم ثاقبه يعني تشوفون ماوراء البحار

قصدي

ماورا العباة

الا تدربون الدميجه وعلى اللي تصير عليه تصير

عاد هي دربات للدميجه مايرده الا مضرب نجم هيت بطريق الخرج

اهم شي تعرسون

ويمكن تطلع زينه ويمكن تطلع راعية طبخ ونفخ

الله يستر عليهن بنات الاجواد

عزالله ان حريم اول هن الحريم لو وجهه تقل استبنة قطار

ربن اجيال واجيال

الله يغفر لهن ويرحمهن الاحياء منهن والاموات