السلام عليكم ورحمة الله وبركاته
وشلونكم يالنشاما
يالاخوان محتار بين الفتك 2016 تماتيك او لاندكروزر 2016
تماتيك
الي يقول لا ندكروزر 8V. او6V
وليش لاندكروزر وليش فتك
ارجوا منكم الافاده
وشكراً
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاته
وشلونكم يالنشاما
يالاخوان محتار بين الفتك 2016 تماتيك او لاندكروزر 2016
تماتيك
الي يقول لا ندكروزر 8V. او6V
وليش لاندكروزر وليش فتك
ارجوا منكم الافاده
وشكراً
و عليكم السلام و رحمة الله و بركاته
أهنيك على اختياراتك, بالنسبة للفتك و اللاند كلها مواتر ينشد فيها الظهر و اعتمادية.
مع اني راعي فتك لكن أنا اشور عليك تاخذ اللاندكروزر لعدة أسباب:
الاند شكل جديد و توه نازل و بيطول لين يتغير, الفتك سمعت انه بعد سنه او سنتين بينقطع.
الاند احس انه ينفع عائلي و شبابي لكن الفتك اتوقع ان شكله شبابي اكثر.
ما راح ادخل في موضوع الاعتمادية لأني اشوف ان الموترين حول بعض.
تحياتي
الفتك 2016 اخر سنة له
الكروزر و النيسان الجديد التغير سنة 2018
الي يحكم هو عدد العايلة و الميزانية و الاستعمال
الكروزر 8 سلندر فوق 200 الف و الـ 6 سلندر قريب 175 الف
الفتك اخر مواتر نيسان المحترمة ماعاد بقى شي لنيسان غيره
عموما تبيه بر فهو كفو
تبيه خط فهو كفو
تبيه ترهيم فهو كفو
كل شي فيه كفو
زي ماعودتنا نيسان قديما اما نيسان الحالي تبن والدليل جب مكسما 98 قدام 2016 وشف ايهم احسن
بالنهايه تبي كرررررررررررررررف وجلد مو صاحي خذ فتك تبي كذا موتر مدينه شوي بر علخفيف وينفطر قلبك لو انحك خذ مصخره الارض
انا والله مجربهن كلهن وعدة مواتر اللاند افخم من الفتك خاصه وارد اليحي ونش ودفلك لكن مارتحت تخاف على الموتر ويحسفونك الناس واذا جيت تبيع طاح من قيمته واجد والحقيقه ينفع للراهي اللي ماهمه اما الفتك فهو سنايدي خفه تفرق عن اللاند وقوة عزم وزين ممشى واقل قيمه الفرق بين ستاندر الفتك والاند فل 60000 هذا لموديل 15 لراعي البر ماانصح بغير الفتك اذا قورن مع اللاند يعيب الفتك شبهه على طول لبق والافيه خف نفس النيسان يشيوق في النهايه رغبتك وميزانيتك علمنا ان اللاند الاكثر يشخص به وعائلي عن الفتك
لاندكروزر 2016
فتك 2016
السبب / تبيه بر ينفع ، وخصوصا انه دفرنسات خلفيه و اماميه
تبيه خط ينفع
تبيه للديرة ينفع
تبيه للعائلة ينفع
الله يسلمكم وماقصرتوا يالذيابه
بالنسبه للسعر بالسياره الزينه مافيه خلاف
والاستخدام بر ومدينه
والي يقول عائله بدري على الزواج
وشكراً لكم مره اخرى ولاهنتوا â¤ï¸ڈ
حسب الميزانيه مع اني اشوف الفتك افضل لانه يبي ينقطع ثم تبي تشوف دبل الاسعار الحاليه ===> هذا طبع ربعنا يغلي الشي بعيونهم اذا انقطع
رائعه مالك بن الريب
قال تعالى(وماكان الله ليعذبهم وانت فيهم وماكان الله معذبهم وهم يستغفرون)استغفر الله واتوب اليه
نيسان الفتك وبس بوديه خفيف وقوي
سبحان الله,الحمدلله,الله اكبر,لااله الا الله,لاحول ولاقوة الا بالله*اذكر الله يذكرك ــــــــــــــــــــــــــــــــــــــــــــــــــ
تبي الفخامه والشكل جديد وملفت خذ لاند 16
ماتهمك الفخامه ولا الشكل ولا الرفاهيه خذ فتك
القرار لك على حسب ميولك الشخصي
الله يكتب لك اللي فيه الخير
----------------
(( اللهم احفظنا بحفظكـ ... ))
سبحان الله وبحمده ... سبحان الله العظيم
تغطيات حصريه للسيارات واسعارها على السناب
للاضافه السريعه اضغط الرابط
https://www.snapchat.com/add/asj770
للاضافه باسم المستخدم : asj770
SNAP & INST & Twitter: asj770
أتشرف بمتابعتكم على برامج التواصل الإجتماعي
----------------
احسبك تقارن بين باترول بطل الدروب واللاند
اذا تقارن بين اللاند 8 سرندل وفتك اعتقد مافيه مقارنه
اللاند افضل بمراحل راحه وقوه واعتماديه
اما اذا فتك ولاند 6سرندل انا اقول الفتك احسن
الشكل من صالح اللاند
لاندكروز بشرط ابعد عن البريمي وابوجميل لسبب البريمي يلعب في الكهرباء والبدي بمعنى ليست شد مصنع ابوجميل بدون اكسسوارات نهائياً هو من يركبها صيني عليك بالاتي 1- اليحي او 2- القطري(عبدالغني) او 3- الكويتي(الساير) او 4- البحريني (كانو) ممتازه والاهم المواصفات تتاكد بنفسك منها مثل 8 ايرباق والدفلك للجي اكس ار v8 والفي اكس ارا نظام الزحف والانعطاف والمنحدرات ونظام التعليق كدس المكينه افضل 5.7 للجي اكس ار و الفي اكس ار.
السوق منتشر فيها سيارات مصدرها مجهول ويقولك اماراتي انتبه من هذي النقطه
الفتك طيب وكلها عمليه
احترم كل راي وكل شخص له ميوله وتجربته
لكن الحقيقة . لاحظ أهل الصيد والقنص والمحلات البعيدة استخدامهم للنيسان اكثر
وعن تجربة للنيسان الباترول .. ينشد فيه الظهر وين مارحت
اذا استخدامك للبر فهو رفيق درب .
واذا اغلب سفراتك ومع عائلة . فهذا شيء ثاني بالنسبة للسيارات الثانية
انا لااستطيع اعطاء رأي في اللاند لاني صراحة ماجربته
ولكن على مااسمع وحسب ربعي اللي يخاووني اشوف انه ثقيل معهم مايمشي ممشى النيسان
تحياتي ودعواتي لك بالتوفيق والله يرزقك
انا مثلك معي جي اكس ار8 سرندل 2010 ومشغŒ الحين حوالي 300 الف
ذبخن بصدماته مخوش بالشعبان او تلقغŒ راجع علغŒ شي لازم توقفه يومين بالسمكره يرش ويعدل اليوم رحت للمعارض اهوجس أخذ لي جي ال فتك 2016 قير عادي هو حق مكده وجديد سعره 136 الف ذهبي دفلك ثلاجة اما الهدد 6 سرندل 2015 ب170 و8 سرندل حوالي 200 الف
الذين يشاهدون الموضوع الآن: 1 (0 من الأعضاء و 1 زائر)