مظلة وذرى للسيارة ادخل وعطنا رأيك

[شد حزامك]

السلام عليكم ورحمة الله وبركاته

حيّاكم الله ياخوان

انا ادري ان الموضوع ليس بالجديد ولكن تجربة ارجوا من الله ان تنال اعجابكم وانا انتظر الردور والملاحظات

الفكرة كالاتي: شاهد الصور

منظر عام للفكرة



ربط الاطراف بالسيارة كما هو واضح بالصورة







هنا تستطيع التحكم بالطول



انت مخير بالنسبة للماصورة يمكن ان تكون وتد او قاعدة عادية لاحظ الصورة


الذرى يغطي المنطقة السفلى من السيارة وفي الحقيقة انه اثبت جدارتة لأن الرياح كانت قوية وقت التصويروكأن مافية شئ


وهنا تسطيع انزال المظلة لمستوى الارض كما هو واضح بالصورة

تحياتي للجميع

اخوكم/ ابوعبدالعزيز

[هويدي]

وعليكم السلام ورحمه الله وبركاته



يعطيك العافيه على مجهوداتك اخوي



والفكره حلوه وسهله ومفيده من غير شك خاصه الذرى السفلي اللي بالسياره

والشراع اللي فوق كمل زينته الشبك اللي بالموتر بحيث انك ما تحتاج تولف وترهم شناكر او غيره على الموتر

اقترح عليك ونت ابخص تبطن الشراع اللي فوق بتنزاني ضد الماء علشان يخدمك وقت الامطار

وما اقول الا جزاك الله خير والله يحفظلك اللي بالمشايه ويجعله من عباده الصالحين

[الوانيت1]

ممتاز فقط واكرر فقط فى الجو المشمس وأنعدام الهوا العالى وألله يا أن جاتك هبت هواء قويه يا أن يقوم ها الذرا العلوي يلسب السيارة وان يطير فوق وينزل تحت ولسب فى اللى جالسين تحتة وعلى العموم فكرة ممتازة فى الجو الهادى والسلام ختام /////

[نجم حفرالباطن]

يعطيك العافيه اخوي على فكرتك القيمه

[فارس طي]

مشكور على هالفكرة

[عاشق VXR]

مشكور على الفكرة ...
الله يعطيك العافية ...

[شد حزامك]

السلام عليكم ورحمة الله وبركاته

الاخ/ هويدي
حياك الله اخوي وشكراً على النصيحة0

الاخ/ الوانيت 1
الله يكتب اللي فيه خير واشكرك على المرور0

الاخ/نجم حفر الباطن
الله يعافيك

الاخ/فارس طي
تسلم يالغالي وحياك الله0

الاخ/عاشقVXR
مشكور حبيبي العالي0

تحياتي للجميع

اخوكم/ ابوعبدالعزيز

[الغواص111]

لو تلفت في مواقع الغربيين لوجدت أفكارا وحلولا كثيرة حول هواياتهم وحلول للمشاكل التي يتعرضون لها وقلما
تجد مثل هذه الافكار الابداعية في منتدياتنا ما السبب؟!!!!
ألف شكر لك أخوي(شد حزامك)على اجتهادك وعلى الفكرة الجميلة وجاياتك أكثر ان شاء الله

[شد حزامك]

لو تلفت في مواقع الغربيين لوجدت أفكارا وحلولا كثيرة حول هواياتهم وحلول للمشاكل التي يتعرضون لها وقلما
تجد مثل هذه الافكار الابداعية في منتدياتنا ما السبب؟!!!!
ألف شكر لك أخوي(شد حزامك)على اجتهادك وعلى الفكرة الجميلة وجاياتك أكثر ان شاء الله

حياك الله يالغواص

انا معك فيما ذكرت ولكن قد تجد عندنا افكار وحلول للمشاكل التي نواجهها قد لاتجده عند غيرنا ( وكلاً في قلبة شقى ليلة)

اخوك/ ابوعبدالعزيز

[سنافي وبس]

مشكور على الطرح ... لكن عيبه الوحيد ..... انك ماتقدر تحرك السيارة لو احتجت لوزم الا اذا كان عندك موتر ثاني ....

تحياتي

[أيمن]

رائع يا "شد حزامك"
خفيفة وسهلة وغير مكلفة ..
لكن فائدتها وقاية عن الشمس فقط ..

تحيتي

[شد حزامك]

السلام عليكم ورحمة الله وبركاته

الاخ/سنافي وبس

حياك الله يالسنافي قد يكون هذا احد العذاريب

اشكرك على التعليق



الاخ/ ايمن

يشرفني حضورك والتعليق ويمكن يكون ايضاً عند نزول المطرالخفيف والطل0

اخوكم/ ابوعبدالعزيز

[راعي الفورت]

فكرة ممتازة وذرا طيب وواقي يتحمل

الشمس والمطر لو كان

هناك بطانه كما ذكرو الاخوان

والله الله بالافكار الحلوة يا شباب

[عرق رملان]

الله يوفقك يابو عبدالعزيز دنياء وآخرة يا رب
ويخليلك هالي يشرب الحليب اجعلة بالعافية وامه معه
ولا ننسى والديك والدي
مشكور على هالموضوع وممتاز مرررره ولا فيه ملاحظات عندي ..
لا انك مقلل الصور بس
تحياتي

[شد حزامك]

فكرة ممتازة وذرا طيب وواقي يتحمل

الشمس والمطر لو كان

هناك بطانه كما ذكرو الاخوان

والله الله بالافكار الحلوة يا شباب

الاخ/ راعي الفورت

يامرحبا ويامسهلا , شوف حبيبي الغالي ترى الافكار واجد بالنسبة للموضوعنا منها انك تحط بطانه وتقدر تزيد عرض الاطراف ليناسب حجم السيارة وايضاً يمكن ان يكون هناك اروقة من جميع الاطراف وان تكون متحركة , هي فكرة وتحتمل الزيادة0

تحياتي لك

اخوك/ ابوعبدالعزيز