سحاب- وياليتهم في العيد ماعايدونا

[سحاب نجد راعي شقراء]

بسم الله صلى الله على محمد
الابذكر الله تطمئن القلوب لااله الا الله وحده لا شريك له

يالله تحييهم جميع كبيركم وصغيركم وذكركم ونثاكم وليا حيا كثر وتنثر وتزبر بعد

وقول للغالين الي جايهم شي في العيد ومضيق صدورهم من قول او عمل اصبرو على غثا بعض الناس وحتسبو الاجر من الرحمن الرحيم
ولا صرتو طيبين والعافيه في اجسامكم ترا هذا اهم شي بالدنيا ونشكرالله عليه

الله يدحر ابليس وعوانه الي صار العيد فيذا الوقت للتشره والمغاير وهذا من عمل الشيطان فجتنبوه
وقول لكل من ضيق صدره في يوم فرحته او اي يوم كان ونكد عليه ابشربالعوض من الحي القيوم سبحانه مايخلي حق احد ابد ابد ومن يعمل مثقال ذره شرن يره ومن يعمل مثقال ذره خيرن يره

الا صار الواحد مصلي فرضه ومرضي ربه
وكاف عن القيل والقال وكاف عن اعراض المسلمين
يبشر بالجنه وهي مبتغانا كلنا وربنا ماخلقنا يضيعنا سبحانه وتعالى

منول يالغالين ايام بيوت الطين من عشرات السنين الاجا يوم العيد وصلينا في مصلا العيد نعايد بعضنا يالي مصلين ثمن نروح نعايد ونبارك للباقين في بيوتهم نجلس يجي ربع ساعه ونعايد ثمن نروح لغيرهم ونعايدهم ولا تسمع الا الدعاوي بالجنه ودعاوي تشرح الصدر
ورغم ان الحيات منول مهنا دنيا نجاهدها مجاهد يعني فقر الا ان الناس يحبون بعضهم ولو يمرض احد يزورونه ويتطمنون عليه وذكر فيه عجوز تعبت جاها مرض وطاحت بفراشها وعندها عيال صغيرين يبي من يراعيهم تدرون وش الي صار
صارو يجونها جيرانهم ويجلسون عندهم من الصبح الين الليل
يطبخون غداهم وعشاهم ويغسلون ملابسهم ترانا منول ماعندنا غسالات للملابس ماعندنا الا الطشت وهو يجي من المعدن وبرتفاع شبر عن الارض وشكله دائري نحط فيه الملابس ونفركهن على يدينا ثمن ننشرهن على الحبل المهم والله يعينا على المهم ويجلسون عند امهم المريضه يوسعون صدرها وكل يوم يقولون لها ماشاء الله عليك يم فلان اليوم وجهك منور وحسن من امس يالله لك الحمد ولوه ماتغيرشي فيها بس ترا بعض الكلام يعالج ومفعوله مثل السحر سبحان الله العظيم
وبن ادم يبي من يشجعه مايبي من يهد حيله بالكلام ويخوفه مثل واحد في شقراء راح يزور مريض في المستشفى ومهديه كفن وشذا الزياره الله لا يعيدها

اما فيذا الوقت تغيرت الحال الا على من رحم ربي سبحانه منيب عام المسلمين كلهم لا والله بس بعظهم
صار العيد مغايرونبي نحط عيد ولا نناديهم ونبيهم يدرون عن عيديتنا ونبي نقهرهم ونبي نعلمهم بمستواهم وقدرهم وهذا شغل بعض الحريم الله يهديهن ولا ياخذهن ويريح المسلمين منهن مايدرون ان اكرمكم عند الله اتقاكم بس يغويهم ابليس

وصار العيد بعد بدال مهوب تهاني وفرح صار عند بعض الناس مناسبه للتشره والشرهات وكلام يضيق الصدر وهم عند انفسهم الكاملين والبعير مايشوف عويجا رقبته قصدي مايشوفون التقصير والعيوب الي فيهم
وصدقوني يالغالين ان الامراض النفسيه منتشره بزود فيذا الوقت والسبب قل العباده والتقصير في طاعه رب العالمين


انا والله ضيقوصدري بعض الناس ونا يشهد علي ربي اني كاف وعاف وفي حالي بس مايتركونك بعض الناس في حالك الا ينكدون عليك في يوم عيدك بكلام ولا بفعال ونتم خابرين الشياطين تصير مربطه طول شهر رمضان وتجيب عاد جهدها علشانها توها مفكوكه في يوم العيد

خل اعلمكم بسالفتي ونتم علموني انا مخطي ولا مخطا علي والصدق ماينزعل منه تكفون علموني لا تخلوني

اول يوم في العيد يوم جت الساعه 9 بالمساء جاني اتصال من واحد قريب لي وقرب من ظلالي لي
وقالي تونا بادين نتعشا عيديتنا وعندي ضيوف واجد من حريم ورجال وتوك تجي في بالي
وبو فلان شب علي يقول اتصل على سحاب خلنا نشوفه ولهين عليه

ثمن قالي وين عيالك قلت عيالي يتعيدون عند اهلهم
وقالي وراك ماتجيبهم تلحقون على باقي العشاء

ورب الكعبه مافيه شي بينا الا اني مرضيه مع اخوانه في قطاعيه 18 سنه تدخلت بينهم وجمعتهم وصارو يواصلون بعضهم يالله لك الحمد


وقلت له مامتنا جوع انا وعيالي الله يهديك وينور قلبك ولوك منتاب غالي عندي ويوم عيد كان عطيتك الرد المناسب بس الي نتركه لله مايضيع وسكرت التلفون


بالله عليكم وش تفهمون منذا الكلام

والله العظيم ان العيد تنكد علي الا اليوم ومخفيكم بعد تراي بكيت الين طاب خاطري وش اسوي غصب علي

هماي اقول في قصيده لي
حاولت اخفي زايد الظيم والباس
بين الضلوع وخايف الناس يدرون

بس الحمل اثقل من طويق بقياس
والهم حمله مثقل الي يحملون

ونشد عن هموم الدهر صاحين داس
ينبيك بسهوم الدهر كيف يسطون

والجرح ون صابك من الناس لاباس
سيف البعيد لوهو صطا غيرمسنون

بس البلا ثم الجلا وزهق الانفاس
لاجت جروحك من حسبنا يحبون

سحاب نجد

ودي والله انها سولافه احسن منذي بس قلت منها نتعلم وخلوها تطلع مني ورتاح ترا الواحد الا فضفض يحس براحه وثقل انشال عنه
وخل اعلمكم يالغالين الا صار في داخلكم شي يقول هذاحلال وهذا حرام - احمدوالله وشكروه ترا هذي نعمه وبشرو بالجنه
ولا سمعتو في داخلكم صوت يقول غيرو السالفه او قومو من المجلس عندما تسمعون النميمه والقيل والقال وعراض المسلمين ترا هذي نعمه ومكرمه من رب العباد عليكم فحمدوه وشكروه سبحانه

فالله الله في صلاتكم هي اهم شي
وفي بر والديكم الي رضا الله من رضاهم
وهتمو في تربيه عيالكم لا تغفلون عنهم وحتسبوالاجر من الله
والباقي خلوه ورا ظهوركم والناس لا يهمونكم ومن طاب لك من الناس طبله ومن يبي الشر اعرض عنه والله الهادي وبس

وفي النهايه مانقول الا
سبحان الله والحمد لله ولا اله الا الله والله اكبر
عدد خلقه وزنه عرشه ومداد كلماته ورضا نفسه

[قوافي ( أم نهار )]

السلام عليكم ورحمة الله وبركاته
عشت السالفه وتخيلت اني فيها وبصراحه اذا خاطبك الجاهلون فقل سلاما..
كلمته ماتدل على تكانة حتسي وبعضهم ينطل الكلمه مايازنها ولا يفكر وين تاصل او وش تسوي المهم قالها وخلاص..
اللي سويته صح ولو اني حرمه ويمكن رايي راي حريم لكن ان ماقعدت بكرامتي لو تفرش زوليه عشرين متر مالي فيها مكان..
اول الجار تعرف الخيط والمخيط بداره والحين عساك تشوف عتبة المجلس دقايق إلا من رحم ربي ومساعدة الجار او الجاره كانت بمثابة بيت اخوي واختي وعيالهم لهم مالي ولي مالهم ومن طيب خاطر..
عالعموم يابو نوره الحياة فيها الكثير والعارف لا يعرف لكن الطريقه الصحيحه بالتعامل مع هذي الامور هي الحكم ..
عن نفسي الين صار موقف لا ارد ولااي شي الشي الوحيد اللي اسويه الانسحاب ادام اللي قدامي ناقصة عقل وتدبير ،، ما انزل لمستواها واتصرف مثلها ..
كلي أسف على عوائل تفرقت واخوة تخاصمو وليتهم يستوعبون ويؤمنون بان اللي معك اليوم بكرى يا أنت ياهو غايب من غير حول ولا قوه..
جزيل الشكر ابو نوره على ايراد السالفه والعذر والسموحه عالشطحه ..
تحياتي وتقديري واحترامي لشخصك الكريم

[عدم الانحياز]

وعليكم السلام ورحمة الله وبركاته
وش اقول يابو نوره والله انه ضاق صدري
لضيقة صدرك اي والله ولا مثل هالمواقف لو فتحت
لها المجال لتعثب بخاطرك وتنكد مزاجك بيكون لها اثر على
نفسك وانا خوك خاصة وانها مدخل من مداخل ابليس على الانسان
فيبدأ ينفخ فيها ويوقد نارها لعل ان يكون لك رد فعل سواء الان او يجهزك
في المستقبل ولكن لنا في رسول الله اسوة حسنة فهو من وضع السلا على ظهره
وهو يصلي وهو من حوصر في شعب مكة وهو من اطلق عليه السفهاء في الطايف
ورجم حتى سال دم قديمة الشريفتين وهو من شج وجهه وكسرت ثنيته في أحد وهو من
سفه وكذب واتهم بالسحر والشعر والجنون وبعد كل هذا يأتيه ملك الجبال ويأتمر بأمره ليطبق
الأخشبين على أهل مكه فيعفو عنهم ويأمل بالخير وهو من فتح مكه وقال اذهبوا فانتم الطلقاء يأخي
ذو الرحم والقريب نعمة من الله ولكن اذا ابتليت بسفاهة احدهم فهي على النفس اشد من غيرها ومثل
هذه الأمور العائلية وخاصة في وقتنا هذا لا سبيل لعلاجها الا بالصبر والتغاضي والبعد التام عن مناقشتها
مع هذا السفيه اوغيره ممن يمكن ان يوصل اليه فما يزيد هذا الامر الا بلاءواخذ ورد لاطائل منه الا اطالة
أمد الموضوع وفتح تفريعات ودواعيس جانبية لا اول لها ولا تالي وفي الاخير لا قناعة ولا اعتذار الا من رحم
الله ، وقد احسنت ما دام انك وجدت في نفسك شيء ان فتحت الموضوع مع من تظن انهم منصحون ويشاركونك
ما أهمك ، واوصيك بثنتين وانت والله اعرف واعلم وأخبر مني الاوله الابتسامه وطلاقة الوجه والسلام والثانية حذار
حذار ان تمرض قلبك بشئ من هذه الأمر وتشيل في نفسك سامح اذا خلوت مع الله وتصدق بما يصيبك من الخلق طلباً
لما عند الخالق فهذا والله أمر عظيم وسبب من اسباب دخول الجنة واسمح لي على الاطاله ولكن من طيبتك التي تنضح
بها مواضيعك احببت أن اشاركك ما أهمك أسأل الله بمنه وفضلة أن يذهب عنك ما اهمك وان يكفيك شر شياطين الجن
والانس وان يجعل لك من كل ضيق مخرجا ومن كل هم فرجاً ومن كل بلاء عافيه انه ولي ذلك والقادر عليه
كن كالشجرة تقذف بالحجر وتعطي الثمر
طبعاً قدر المستطاع
والله يعينك
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير

[سحاب نجد راعي شقراء]

السلام عليكم ورحمة الله وبركاته
عشت السالفه وتخيلت اني فيها وبصراحه اذا خاطبك الجاهلون فقل سلاما..
كلمته ماتدل على تكانة حتسي وبعضهم ينطل الكلمه مايازنها ولا يفكر وين تاصل او وش تسوي المهم قالها وخلاص..
اللي سويته صح ولو اني حرمه ويمكن رايي راي حريم لكن ان ماقعدت بكرامتي لو تفرش زوليه عشرين متر مالي فيها مكان..
اول الجار تعرف الخيط والمخيط بداره والحين عساك تشوف عتبة المجلس دقايق إلا من رحم ربي ومساعدة الجار او الجاره كانت بمثابة بيت اخوي واختي وعيالهم لهم مالي ولي مالهم ومن طيب خاطر..
عالعموم يابو نوره الحياة فيها الكثير والعارف لا يعرف لكن الطريقه الصحيحه بالتعامل مع هذي الامور هي الحكم ..
عن نفسي الين صار موقف لا ارد ولااي شي الشي الوحيد اللي اسويه الانسحاب ادام اللي قدامي ناقصة عقل وتدبير ،، ما انزل لمستواها واتصرف مثلها ..
كلي أسف على عوائل تفرقت واخوة تخاصمو وليتهم يستوعبون ويؤمنون بان اللي معك اليوم بكرى يا أنت ياهو غايب من غير حول ولا قوه..
جزيل الشكر ابو نوره على ايراد السالفه والعذر والسموحه عالشطحه ..
تحياتي وتقديري واحترامي لشخصك الكريم

ياهلا ومرحبا بالغاليه قوافي
ابد كنك تشوفين انا طبعي الا تكدرالجو اسحب نفسي بسكات ويادار مادخلك شر ويالله السلامه بعد
جعل ربي يوفقك ياقوافي امين

[سحاب نجد راعي شقراء]

[QUOTE=عدم الانحياز;10662785]

وعليكم السلام ورحمة الله وبركاته
وش اقول يابو نوره والله انه ضاق صدري
لضيقة صدرك اي والله ولا مثل هالمواقف لو فتحت
لها المجال لتعثب بخاطرك وتنكد مزاجك بيكون لها اثر على
نفسك وانا خوك خاصة وانها مدخل من مداخل ابليس على الانسان
فيبدأ ينفخ فيها ويوقد نارها لعل ان يكون لك رد فعل سواء الان او يجهزك
في المستقبل ولكن لنا في رسول الله اسوة حسنة فهو من وضع السلا على ظهره
وهو يصلي وهو من حوصر في شعب مكة وهو من اطلق عليه السفهاء في الطايف
ورجم حتى سال دم قديمة الشريفتين وهو من شج وجهه وكسرت ثنيته في أحد وهو من
سفه وكذب واتهم بالسحر والشعر والجنون وبعد كل هذا يأتيه ملك الجبال ويأتمر بأمره ليطبق
الأخشبين على أهل مكه فيعفو عنهم ويأمل بالخير وهو من فتح مكه وقال اذهبوا فانتم الطلقاء يأخي
ذو الرحم والقريب نعمة من الله ولكن اذا ابتليت بسفاهة احدهم فهي على النفس اشد من غيرها ومثل
هذه الأمور العائلية وخاصة في وقتنا هذا لا سبيل لعلاجها الا بالصبر والتغاضي والبعد التام عن مناقشتها
مع هذا السفيه اوغيره ممن يمكن ان يوصل اليه فما يزيد هذا الامر الا بلاءواخذ ورد لاطائل منه الا اطالة
أمد الموضوع وفتح تفريعات ودواعيس جانبية لا اول لها ولا تالي وفي الاخير لا قناعة ولا اعتذار الا من رحم
الله ، وقد احسنت ما دام انك وجدت في نفسك شيء ان فتحت الموضوع مع من تظن انهم منصحون ويشاركونك
ما أهمك ، واوصيك بثنتين وانت والله اعرف واعلم وأخبر مني الاوله الابتسامه وطلاقة الوجه والسلام والثانية حذار
حذار ان تمرض قلبك بشئ من هذه الأمر وتشيل في نفسك سامح اذا خلوت مع الله وتصدق بما يصيبك من الخلق طلباً
لما عند الخالق فهذا والله أمر عظيم وسبب من اسباب دخول الجنة واسمح لي على الاطاله ولكن من طيبتك التي تنضح
بها مواضيعك احببت أن اشاركك ما أهمك أسأل الله بمنه وفضلة أن يذهب عنك ما اهمك وان يكفيك شر شياطين الجن
والانس وان يجعل لك من كل ضيق مخرجا ومن كل هم فرجاً ومن كل بلاء عافيه انه ولي ذلك والقادر عليه
كن كالشجرة تقذف بالحجر وتعطي الثمر
طبعاً قدر المستطاع
والله يعينك
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير
دمت بخير

[/QUOTE

هلا ومرحبا ومسهلا
انت صادق يالغالي مثل النار كل ماتحط عليها تزيد
وبشرك من عمري ونالي طبع الا هلحين وماعمري تحسفت عليه وهو اني انسحب بسكات وخلي العلم في بطني حتا اهل بيتي مايدرون وصدقني ذا السالفه ماطريتها الا عندكم بالمنتدى بس ومافيه احد يدري عنها
ودعواتك لك بالمثل وكثر جعل ربي يمتعك متاع الصالحين امين

[شرقا]

كل عام وانت وكل المتواجدين بخير وسلامه
وصاحبك ذا صدق انه مايستحي
لكن هذا حال الدنيا ومافيها من شرور
ولاتضيق صدرك...الله يوسع صدرك مثلما توسع صدورنا بقصصك وحكاويك
وكلامك اللي مثل العسل,من حلاوته ومافيه من عبره ونكته وموعظه ووناسه
ويعلم الله لمر علي بهذا العيد مفاجأه اسوء من اللي مر عليك بكثير
لكن نوكلها على الله
ونقول حسبنا الله ونعم الوكيل

[مريقب العيفار]

حبيبنا سحاب
كل عام وانت بخير وصحة وسلامة

تصرفك حكيم من رجل حكيم

لكن وانت ابخص بالرجال يمكن ما كان قصده شين

قصده تلحقونا وتعشون معنا

[سحاب نجد راعي شقراء]

كل عام وانت وكل المتواجدين بخير وسلامه
وصاحبك ذا صدق انه مايستحي
لكن هذا حال الدنيا ومافيها من شرور
ولاتضيق صدرك...الله يوسع صدرك مثلما توسع صدورنا بقصصك وحكاويك
وكلامك اللي مثل العسل,من حلاوته ومافيه من عبره ونكته وموعظه ووناسه
ويعلم الله لمر علي بهذا العيد مفاجأه اسوء من اللي مر عليك بكثير
لكن نوكلها على الله
ونقول حسبنا الله ونعم الوكيل

ياهلا ومرحبا
الله يكفينا شر الدنيا وهلها صارالعيد للصدمات الغريبه والمشاكل الله يعدل الحال ويهدي الظال

تشرفت بالحظور شرف الله قدرك ومقدارك

[سحاب نجد راعي شقراء]

حبيبنا سحاب
كل عام وانت بخير وصحة وسلامة

تصرفك حكيم من رجل حكيم

لكن وانت ابخص بالرجال يمكن ما كان قصده شين

قصده تلحقونا وتعشون معنا

هلا ومرحبا

لا والله يالغالي شفني احلف ان المقصود شين وغايه في نفس يعقوب والله يسامحه

وتراه سوا عمليه في المستشفى ورحت وزرته ودحرت المدحور وبليس عليه لعنه الله

ونا ربي يشهد زعلي ساعه او ثنتين بس ونت تخبر
بعض الجروح ون جت من الناس عادي
والجرح وموت الجرح الا جا من اصحاب

[راجي الكريم]

الله يصبحك بالخير ياسحاب ويجعلنا وياك من عواده بعد الزحمة
رأيي وانت ابخص أن بعض الناس ماتنفع معهم الطيبة الزايدة مثلهم مثل الارض الصبخة ماتنبت مهما بذرت فيها
حتى رب العالمين سبحانه اعطانا الحق في معاملة من يخطي علينا بالمثل ( وان عاقبتم فعاقبوا بمثل ماعوقبتم به)
ياخي فيه ناس العلاقة بين احسانك واساءتهم طردية كل مازدت احسان زادوا اساءة
احد الاشخاص الله يعفو عني وعنه وعلى مدى سنوات طويلة بديته والله على نفسي وبديت عياله على عيالي ولا شفت منه الا الجحود مابغيت منه احسان كل اللي ابيه كف اذاه ولا حصل وكأنه يشوف الطيبه دلاخة أو سذاجة بعدها عرفت له وعاملته باللي يستحقه بدون ما اظلمه
النوعية هذي ماينفع معها الا هالطريقة

[سحاب نجد راعي شقراء]

الله يصبحك بالخير ياسحاب ويجعلنا وياك من عواده بعد الزحمة
رأيي وانت ابخص أن بعض الناس ماتنفع معهم الطيبة الزايدة مثلهم مثل الارض الصبخة ماتنبت مهما بذرت فيها
حتى رب العالمين سبحانه اعطانا الحق في معاملة من يخطي علينا بالمثل ( وان عاقبتم فعاقبوا بمثل ماعوقبتم به)
ياخي فيه ناس العلاقة بين احسانك واساءتهم طردية كل مازدت احسان زادوا اساءة
احد الاشخاص الله يعفو عني وعنه وعلى مدى سنوات طويلة بديته والله على نفسي وبديت عياله على عيالي ولا شفت منه الا الجحود مابغيت منه احسان كل اللي ابيه كف اذاه ولا حصل وكأنه يشوف الطيبه دلاخة أو سذاجة بعدها عرفت له وعاملته باللي يستحقه بدون ما اظلمه
النوعية هذي ماينفع معها الا هالطريقة

ياهلا ويامليون مرحبا ياراجي الكريم

انت صادق والناس بعضهم مهوب كلهم فيذا الوقت تغيرو وتغيرت اطباعهم الي نخبرها عنهم وعن ابوانهم وهلهم
بس طريقتك مع رفيقك حق وواجب الا كثر عذاريبه وعرفتا انه يقصد افعاله مهيب عن حسن نيه مره مرتين بس ثلاث لا هذا قاصد وعارف وشو يسوي
ومثله هذا بحكم الرفقه قله مع السلامه ولقه ظهرك وخلك بعير الشمال الي مايلتفت ابد للي وراه
مثل سواتي مع رفيقي بس انا منيب بعير شمال هههههه يوم مرض ودخل المستشفى رحت وتطمنت عليه هذا حق رب العالمين ويوم شافني داخل عليه وسلم انحرج وغرقت عيونه وتقلب وجهه يعني تغير لون وجهه هذا معنا تقلب وجه بالشقراويه
لان مال سالفته معي اسبوعين ولا توقع جيتي

الله يسعد كلن في حاله بس لا يلحقك ضرر منهم لان بعضهم مثل النار في الهشيم على شوي شوي الين ياكلك كلك بفعاله

اسعدك الرحمن يالغالي ولبسك ثوب العافيه الدائمه وجعلك ترقص في عروس عيالك كلهم ونت مغير تهزع من الطرب ونت بتم صحه قل امين اللهم امين شرفتني شرف الله مقامك
ولا عاد تخليني من داخلاتك تراي افرح

[صريح المقال]

السلام عليكم ورحمة الله وبركاته ،،

أسعد الله أوقاتكم بكل خير ..

يا سحاب نجد يا راعي شقراء وش ذا الحتسي الله يجزاك خير ويرحم والديك قل آميـن

السالفة مهيب هينة ولا ودنا نكب العفش وننشر غسيلنا ( فيذا ) لكن على قولة راعين البلوت (شرحك سرا !) والدعوى مهيب في عايلة ولا ديرة ولكنها مع الأسف عامة وشاملة لشرائح كثيرة من المجتمع (قام يتفلسف الله يصلحه) ..

والله ما ودنا بمصلحة ولا ودنا بمنفعة ولا نبي منهم شيء لكن الخوف من قطع الأرحام هو الهاجس الوحيد والله يعفو عنا وعنهم ويتوب علينا جميع ..

ورغم ان الحيات منول مهنا دنيا نجاهدها مجاهد يعني فقر الا ان الناس يحبون بعضهم ولو يمرض احد يزورونه ويتطمنون عليه وذكر فيه عجوز تعبت جاها مرض وطاحت بفراشها وعندها عيال صغيرين يبي من يراعيهم تدرون وش الي صار
صارو يجونها جيرانهم ويجلسون عندهم من الصبح الين الليل

اترك منول أيام بيوت الطين .. يا ابن الحلال قبل 20 سنة كنا لا سافرنا بالعطلة عطينا مفتاح البيت لجارنا يشيك عليه ويتفقده ولو سمع صوت يدخله ويتأكد ويولع الأنور ويسقي النخلة وكنه اخو لنا جالس بالبيت ما سافر معنا !!

الآن يالله ان تخلف الجار يسولف معك بالشارع عقب الصلاة لو تبي ساعتين بس قله اقلط خل ناخذ فنجال ونسولف براحتنا تنقلب سحنة وجهه تقل شايفن جني وخلاص كل مشاغل الدنيا تطلع ومقدر ومشغولين وأنت خابر وينحاش تقل شايفن حيه ولا عقرب !!

يا ابن الحلال نقلنا لبيت جديد محد دخل بيتنا وما دخلنا بيت أحد .. نحتري أحد يرحب ويهلّي ولا حرمةٍ سنعة ترسل ولدها بصينية ولا قدر ولا وحدتن تسير الضحوية بقهوتها تشوف جارتها وتتعرف عليها لكن ما حولك أحد !
وحنا كل ما ظهرنا من المسجد مسكنا واحدٍ من الجيران قلنا له اقلط أعوذ بالله كأنك غلطت عليه ما تشوف إلا غباره منحاش عنك

.
.

خل اعلمكم بسالفتي ونتم علموني انا مخطي ولا مخطا علي والصدق ماينزعل منه تكفون علموني لا تخلوني

أنا مر علي مثل ما مر عليك ولا أزكي نفسي مانيب الوصول اللي دايم أروح الناس مهوب لشي لكن مثل ما تفضلت النفوس تغيرت وبعض المجالس تدخلها متعافي وتطلع بعلة ولا مصيبة والحسد زاد بين الناس (الحاسد يتمنى زوال النعمة منك مهوب بس يتمناها له) والله يتوب علينا ويحفظنا ويحفظ المسلمين ..

وأكثر ما أثر علي يوم دخلت المستشفى وسويت عملية وجلست شهور أتعافى بالبيت ما منهم اللي طق بابي وبعضهم رافقت ابوه بالمستشفى وقت طويل عشانه قريب وعشان الأجر ومات ابوهم الله يرحمه ولا شفتهم إلى يومك ولا منهم اللي رفع السماعة علي في يوم لا في فرح ولا في شدة والحمد لله اللي عافنا مما ابتلاهم به وفضلنا على كثير ممن خلق تفضيلاً ..

وبعض البعيدين جاني وفزع معي وعلوم ما تنقال فزعة رجال صدز مهيب خرابيط ومنهم اللي راجع عشاني والله مابيني وبين بعضهم إلا زمالة ما دارت عليها سنة ولكنها اخوة حقيقية ومحبة في الله وناس معدنهم أصيل وهذا يطمنك شوي وتحس ان الدنيا توها باقي فيها خير ..


والكلام يطول والدوام انتهى فلذلك نستودعكم الله


هذا ما لدي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله .

[سحاب نجد راعي شقراء]

ياهلا ويا مرحبا

صريح المقال

انت صادق يالغالي الدعوا عامه وسبحان الله كلهم نفس الصيغه يعني مثل بعض مدري وش صايربالدنيا

ذكرتني بقولتك المستشفى هههههههههه خل اعلمك بسالفتي
انا دخلت المستشفى ويبي يسوون لي ثلاث عمليات في وقت واحد منيب معلمك وشن لو كلش بعد تقعد تظحك علي

المهم انهن حول بعض وسويتهن وصرت مثل الحرمه الي توها والده معاد اقوا امشي وممنوع اني ارقا درج المهم علمت عيالي وقلت حطولي مرقدي في الصاله تحت علشان الي يزوروني
المهم طلعت من المستشفى وجيت للبيت حتا اني قايل لعيالي حطولي مرقد زين علشان الزوار
المهم ويروح اليوم الاول ماشفت احد
واليوم الثاني والثالث ماشفت احد وكلهم عندهم علم عني
وتشرهت الله لا يلومني ويضيق صدري ونا يالله اقوا امشي وقمت من فراشي وقلت لعيالي شيلوه ورقوه فوق وروحو عني ابا اجلس بالحالي ودخلت المقلط وقعد اصيح كني بزر ههههه يبن حلال احسن خلها تطلع
وقلت

يالله صندوق الحشا ظاقت ركونه
وظاقت علي الوسيعه وقلت عزالي

يالله يالي تعلم الحال وشلونه
مغيرك احدن يفرج ضيقه البالي

احس بهموم ثقل طويق موزنه
تبرك على القلب ومنها الدمع همالي

قالوسحابن ثقيل وتبرق مزونه
وقلت ايه ماتدرون عن لاهب الصالي

ذاالباب صكوه وطلبه لا تهجونه
خلوني ابكي وهل الدمع بالحالي

احس انا بشي انتم ماتحسونه
وبطوح الصوت كني من العقل خالي

سمو عليه وقلبي لا تلومونه
ودعولي الله اهو للغيث نزالي

سحاب نجد

[صريح المقال]

السلام عليكم ورحمة الله ،،

يالله صندوق الحشا ظاقت ركونه
وظاقت علي الوسيعه وقلت عزالي

يالله يالي تعلم الحال وشلونه
مغيرك احدن يفرج ضيقه البالي

احس بهموم ثقل طويق موزنه
تبرك على القلب ومنها الدمع همالي

قالوسحابن ثقيل وتبرق مزونه
وقلت ايه ماتدرون عن لاهب الصالي

ذاالباب صكوه وطلبه لا تهجونه
خلوني ابكي وهل الدمع بالحالي

احس انا بشي انتم ماتحسونه
وبطوح الصوت كني من العقل خالي

سمو عليه وقلبي لا تلومونه
ودعولي الله اهو للغيث نزالي

ظاقت = ضاقت
العجيب انك يوم جيت تكتب (ضيقة) ما كتبتها (ظيقة) يا شيني لا قمت أدقق

صح لسانك يا سحاب نجد (الشاعر الزعول ) هذا لقبك الجديد هههههههههه

يالله صندوق الحشا ضاقت ركونه
وضاقت علي الوسيعه وقلت عزالي

كلام كبير ذكرتني بقول الشاعر :

هذه الدنيا وسيعة لو تضيق ،،
ما تساوي خاتم في إصبعك

.
.


العمليات الثلاث وحده منهن (فتاق) مافيها كلام والثانية تنسيم براسك ولا هالحتسي من وين يجي إلا ان فيك تنسيم وقوي بعد ههههههه

قل آمين .. الله يَسْخَر لك عيال الحلال ويَسَخّر لك من خيرة خلقه ويكفيك شر من فيه شر ..

المهم طلعت من المستشفى وجيت للبيت حتا اني قايل لعيالي حطولي مرقد زين علشان الزوار
المهم ويروح اليوم الاول ماشفت احد
واليوم الثاني والثالث ماشفت احد وكلهم عندهم علم عني

تدري عاد اني زاورت أغلب اللي قطعوني بمرضي يوم جاهم من صواديف الدنيا وأحمد ربي وأشكره انه قدرني على هالفعل وانها مهيب العكس ولو انهم هم اللي زاروني وأنا مقاطعهم وين بأودي وجهي منهم ؟!

والأدهى والأمر ناسٍ تحسن لهم ويسيئون لك .. صليت على رجال توفى الله يرحمه وأعزي عياله ونشارك بالدفن ولا بينا وبينهم قرابة لكن صداقة ومعرفة قديمة وأنصدم بعد كم شهر بأكبر عياله يكذب علي ويسرقني مبلغ مالي لو انه طلبه بالحلال سعي أو أتعاب عطيته كثره مرتين ومن نفس راضية لكن سبحان الله !

وفي مثل هالموقف وغيره من المواقف التي تبين لك ما تخفي صدور بعض الناس أحاول دائما أقول (الحمد لله الذي عافانا مما ابتلاهم به، وفضلنا على كثير ممن خَلَقَ تفضيلا)

لو نبي نشره تعبنا ولا بقي أحد لكن فيه بيت شعر حكمة أحب أذكر نفسي فيه كل فترة يقول فيه الشاعر :

إذ كنت في كل الأُمور معاتباً ,, صديقك لم تلق الذي تعاتبه

يعني إذا بنجلس نعاتب ونتشره في كل الأمور بيجي يوم ولا راح نلقى أحد حولنا يعني الكل راح ينفر منا وهذا شي ما أظن أحد يتمناه ..

.
.

فالله الله في صلاتكم هي اهم شي
وفي بر والديكم الي رضا الله من رضاهم
وهتمو في تربيه عيالكم لا تغفلون عنهم وحتسبوالاجر من الله
والباقي خلوه ورا ظهوركم والناس لا يهمونكم ومن طاب لك من الناس طبله ومن يبي الشر اعرض عنه والله الهادي وبس

خير ما قلت وكلامك كله خير بإذن الله ونيتك طيبه ولو ضاع الجميل بين الناس ما يضيع عند رب العالمين وهذا هو المهم فنحن في مزرعة ودنيا فانية لابد نحرص على أن نجني أطيب الثمار ليوم تشخص فيه الأبصار، نسأل الله أن يعفو عنا قبله وأن يجعل خير أيامنا يوم نلقاه .


هذا ما لدي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله .

[سحاب نجد راعي شقراء]

السلام عليكم ورحمة الله ،،



ظاقت = ضاقت
العجيب انك يوم جيت تكتب (ضيقة) ما كتبتها (ظيقة) يا شيني لا قمت أدقق

صح لسانك يا سحاب نجد (الشاعر الزعول ) هذا لقبك الجديد هههههههههه




كلام كبير ذكرتني بقول الشاعر :

هذه الدنيا وسيعة لو تضيق ،،
ما تساوي خاتم في إصبعك

.
.


العمليات الثلاث وحده منهن (فتاق) مافيها كلام والثانية تنسيم براسك ولا هالحتسي من وين يجي إلا ان فيك تنسيم وقوي بعد ههههههه

قل آمين .. الله يَسْخَر لك عيال الحلال ويَسَخّر لك من خيرة خلقه ويكفيك شر من فيه شر ..




تدري عاد اني زاورت أغلب اللي قطعوني بمرضي يوم جاهم من صواديف الدنيا وأحمد ربي وأشكره انه قدرني على هالفعل وانها مهيب العكس ولو انهم هم اللي زاروني وأنا مقاطعهم وين بأودي وجهي منهم ؟!

والأدهى والأمر ناسٍ تحسن لهم ويسيئون لك .. صليت على رجال توفى الله يرحمه وأعزي عياله ونشارك بالدفن ولا بينا وبينهم قرابة لكن صداقة ومعرفة قديمة وأنصدم بعد كم شهر بأكبر عياله يكذب علي ويسرقني مبلغ مالي لو انه طلبه بالحلال سعي أو أتعاب عطيته كثره مرتين ومن نفس راضية لكن سبحان الله !

وفي مثل هالموقف وغيره من المواقف التي تبين لك ما تخفي صدور بعض الناس أحاول دائما أقول (الحمد لله الذي عافانا مما ابتلاهم به، وفضلنا على كثير ممن خَلَقَ تفضيلا)

لو نبي نشره تعبنا ولا بقي أحد لكن فيه بيت شعر حكمة أحب أذكر نفسي فيه كل فترة يقول فيه الشاعر :

إذ كنت في كل الأُمور معاتباً ,, صديقك لم تلق الذي تعاتبه

يعني إذا بنجلس نعاتب ونتشره في كل الأمور بيجي يوم ولا راح نلقى أحد حولنا يعني الكل راح ينفر منا وهذا شي ما أظن أحد يتمناه ..

.
.



خير ما قلت وكلامك كله خير بإذن الله ونيتك طيبه ولو ضاع الجميل بين الناس ما يضيع عند رب العالمين وهذا هو المهم فنحن في مزرعة ودنيا فانية لابد نحرص على أن نجني أطيب الثمار ليوم تشخص فيه الأبصار، نسأل الله أن يعفو عنا قبله وأن يجعل خير أيامنا يوم نلقاه .


هذا ما لدي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله .

ههههههههههههه خطا عليك مهوب فتاق 8 بواسير وناسور كنه ناقصني وشي ثالث لو كلش ماعلمتكم وشو لو تطيرون ماعلمت

وبالنسبه للكتابه احمد ربك اجل لوك شايفني اول ما بديت اكتب كلش خطا

وتراي مااعرف اكتب بصابعي كلهن بصبع واحد بس ونقر الحروف نقر الدجاج للعيش ومبارك مني بعد انا الي معلم روحي