مشورة يا اخوان بخصوص الجيب الباترول الربع

[ملبق غلـــــط]

يا اخوان السلام عليك ورحمة الله وبركاتة

ودي اسالكم بخصوص الجيب الربع 2007 السلقة سعره 83000 الف

انا معي هايلكس 2006 وودي ابيعها واشتري لي جيب ولا اقدر الا على ربع وبصراحه رحت وشفته بالوكالة

واعجبني وسعه من داخل ولكن سوالي

هل بالطعس خفيف وقوي ؟؟؟؟؟؟؟؟؟؟؟؟

هل بالخط مريح وسريع ؟؟؟؟؟؟؟؟؟؟؟؟

للمعلومية انا اخترته لان فيه وسع وابيه علشان مقانيصي

ياليت نصايحكم فيه تكفوون وترى ما اقدر الا عليه ( العمران ذبحنا )



انتظر ردودكم ونصائحكم

[آبوعزآم]

السلام عليكم ورحمة الله

معليش يالغالي مداخله بسيطه

اقول يا اخوي وش تبي بالربع والله ان يرفع ضغطك باب واحد حووول ابركب

اقول لو تشوف لك صالون مستعمل 2006 2005 لؤلؤي فل كامل جايه استعمال خفيف اتوقع ازين لك

والناس اذواق والله يوفقك على اللي فيه الخير

[بواسامه]

س1)هل بالطعس خفيف وقوي ؟؟؟؟؟؟؟؟؟؟؟؟
جواب: مايعلى عليه

س2)هل بالخط مريح وسريع ؟؟؟؟؟؟؟؟؟؟؟؟
جواب :يقيناً اريح من الهايلكس

بس نصيحه بيضايقك بقولة انزل ابركب او العكس
الباب الواحد يصلح للعزوبي واللي ربعه واحد بالكثير
وفقك الله ودلك على الخير
بس اؤييد كلام اخي
ولد بريده دور كامل ولو مستعمل

[راعي الهـــدد]

اذا عندك عائله واولاد وليس عندك غير الجيب الربع باترول

فلا انصحك لأنك بتنشب باولادك

أما اذا عندك موتر رديف له يحمل اولادك او اولادك واحد

فأقول لك

اشتر ولاتشاور والله انه موتر ماهو هين

ويطربك طرب في البر والجبل وقوي ومتين ومريح في الخط وخفيف بالنفود

ومناسب جداً جداً لصاحب المقناص

توكل على الله وخذه وانصحك تآخذ 2006 بيكون طايح عليك فيه كثير

واعطيك نصيحة واحد حايس السوق حوس حوس

افظل من تشتري منه وهو يعتبر اقل سعر في السوق

معرض نجد وهو موزع معتمد للحمراني

سعرهم اقل مافي السوق

والله يوفقك ياربي ويدلك ويهديك للصواب وللرأي الحسن

وللمعلوميه

أنا كنت ممن يسب الباترول وممكن بعض الأخوه هنا في المنتدى يتذكر كلامي عن الباترول وذمي له

لأنني كنت اسمع عنه ولم املكه اللهم فتره محدوده لاتعتبر شيء

وبعد أن جربت الموتر وملكته وقنصت عليه ومشيت عليه بر وديره

فوالله أني مالقيت افظل واجود واريح وارسى وأخف من الباترول الربع

وظع تحت اخف الف الف خط

انا لي تجربه متعبه جداً مع السيارات وارهقتني مادياً

فملكت عدة سيارات

GX الهدد 2006 جديد

الددسن دفرنسين 2003 أخو الجديد

الهايلكس غماره 2001 على وقته

الددسن غماره 2002 جديد

الشاص 99 شبه جديد

الفكس آر 95 شبه جديد

الشاص 94

الهايلكس غمارتين 91 اخو الجديد

الاند روفر شاص 91 مخزن

الجمس دفرنسين قير عادي 91

ونسيت والله الكثير الكثير مما جربت

أخوي والله كلها جربتها وملكتها وجلست معي فتره ليست هينه وفي الأخير اقرر بيعها واستبدالها بنوع آخر لعل وعسى يكون مناسب

وفي الأخير

[blink]
وآخر ما اشتريت الجيب الربع بترول 2006
[/blink]

ويعلم الله انه موتر ولم املك افظل منه والى الآن لم ارى منه الا كل علم طيب

وتوني جاي من أطراف الرمله من شرق الأسبوع الماضي والله أطربني طرب ماقد اطربنيه موتر من الي ذكرت لك أعلاه

هذا ملخص تجربتي مع المواتر وتجربتي والله متعبه ومنهكه مادياً وخذ نتائج أخ تعب وفي الأخير ارتاح لموتر اسمه

الربع الباترول

اذا عزمت وشريت ارسل لي رساله بالخاص اقول لك عن بعض التجهيزات الي تخليه لك شي خيال وعملاق غير ماهو عملاق اصلاً

هذي نصيحتي اهديها لك محبة وتقديراً لشخصكم الكريم


أخوك ابو حمد

[عاشق نيساني]

والله يا الغالي عز الله ان اختيارك طيب وفي محله

والشباب ماقصرو في آرائهم وانا اقولك توكل على الله وبتلقى في معرض نجد 2006 جديد

بحول ال75 و ترى ال2007 نفس 2006 مافي فرق ومبروك مقدما.....

[هاوي الله]

إسمع ياراعي الهدد أقصد ياراعي الباترول الربع

الــ Gx لك وللزمن

يعني بكره بتتزوج وين بتحط بزرانك فيه !!!؟ إذا جاو بزرانك يركبون شكلك بتحذفهم حذف مع دريشة الباترول الربع

[باب هداج]

الربع الباتروووول موتر عز الله انه شقردي وين ماتروح مايقول لا عز الله موتر ثم موتر ثم موتر

[ممتر البران]

الصراحه ما قصرو الشباب معك بس للمقانيص البعيده وين تشيل قشك معه بنزيم مويه عزب فرش خيمه اخويا
الا اذا تقنص اكثر من موتر
والراي لك

[ع.ف.الدرويش]

اذا عندك عائله واولاد وليس عندك غير الجيب الربع باترول


فلا انصحك لأنك بتنشب باولادك

أما اذا عندك موتر رديف له يحمل اولادك او اولادك واحد

فأقول لك

اشتر ولاتشاور والله انه موتر ماهو هين

ويطربك طرب في البر والجبل وقوي ومتين ومريح في الخط وخفيف بالنفود

ومناسب جداً جداً لصاحب المقناص

توكل على الله وخذه وانصحك تآخذ 2006 بيكون طايح عليك فيه كثير

واعطيك نصيحة واحد حايس السوق حوس حوس

افظل من تشتري منه وهو يعتبر اقل سعر في السوق

معرض نجد وهو موزع معتمد للحمراني

سعرهم اقل مافي السوق

والله يوفقك ياربي ويدلك ويهديك للصواب وللرأي الحسن

وللمعلوميه

أنا كنت ممن يسب الباترول وممكن بعض الأخوه هنا في المنتدى يتذكر كلامي عن الباترول وذمي له

لأنني كنت اسمع عنه ولم املكه اللهم فتره محدوده لاتعتبر شيء

وبعد أن جربت الموتر وملكته وقنصت عليه ومشيت عليه بر وديره

فوالله أني مالقيت افظل واجود واريح وارسى وأخف من الباترول الربع

وظع تحت اخف الف الف خط

انا لي تجربه متعبه جداً مع السيارات وارهقتني مادياً

فملكت عدة سيارات

GX الهدد 2006 جديد

الددسن دفرنسين 2003 أخو الجديد

الهايلكس غماره 2001 على وقته

الددسن غماره 2002 جديد

الشاص 99 شبه جديد

الفكس آر 95 شبه جديد

الشاص 94

الهايلكس غمارتين 91 اخو الجديد

الاند روفر شاص 91 مخزن

الجمس دفرنسين قير عادي 91

ونسيت والله الكثير الكثير مما جربت

أخوي والله كلها جربتها وملكتها وجلست معي فتره ليست هينه وفي الأخير اقرر بيعها واستبدالها بنوع آخر لعل وعسى يكون مناسب

وفي الأخير

[blink]
وآخر ما اشتريت الجيب الربع بترول 2006
[/blink]

ويعلم الله انه موتر ولم املك افظل منه والى الآن لم ارى منه الا كل علم طيب

وتوني جاي من أطراف الرمله من شرق الأسبوع الماضي والله أطربني طرب ماقد اطربنيه موتر من الي ذكرت لك أعلاه

هذا ملخص تجربتي مع المواتر وتجربتي والله متعبه ومنهكه مادياً وخذ نتائج أخ تعب وفي الأخير ارتاح لموتر اسمه

الربع الباترول

اذا عزمت وشريت ارسل لي رساله بالخاص اقول لك عن بعض التجهيزات الي تخليه لك شي خيال وعملاق غير ماهو عملاق اصلاً

هذي نصيحتي اهديها لك محبة وتقديراً لشخصكم الكريم


أخوك ابو حمد

أبو حمد.. يا زين كلامك.. .

ملبق غلط.. ما بعد هالكلام كلام ولا يهونون الحاضرين واللي تكلموا.. إن كنت صامل أخوي فـ توكل على الله وخذه وانضم إلى قائمتنا عشاق النيسان وإن كان على البزران والعائلة فلا تشيل هم تراه يشيل والله يخلي سلة تركب بالخلف وفيها القشوش كلها..تراه شقردي وهالكلام من واقع وتجربة لربع موديله 2004 إلى الآن ولله الحمد..

والله يرزقنـــا واياك كل خير..
أخوك..( أبو فهد )..

[راعي الهـــدد]

إسمع ياراعي الهدد أقصد ياراعي الباترول الربع


الــ Gx لك وللزمن

يعني بكره بتتزوج وين بتحط بزرانك فيه !!!؟ إذا جاو بزرانك يركبون شكلك بتحذفهم حذف مع دريشة الباترول الربع

ابشرك متزوج يالله لك الحمد

وحمد بعد يسلم عليك الحين ههههههه

ولا شفت الا كل علم غانم

والله انه موتر

شف ياهاوي هدد يالغالي

الي بيرتب نفسه في الجيب الربع والله بيكون مرح معه ومناسب حتى للي معه اثنين او واحد او ثلاثه من البزران

اقول لك كيف

اول خطوه تشيل المرتبه الي ورى

وتحط مكان الرجلين الله يكرمك والقارئين تانكي ماء سعة 140 لتر بشكل واقف

وفوقه مباشره تانكي بنزين ان اردت 80 لتر

او تخلي البنزين علاق برى بطريقه حلوه رأيتها بعيني

المهم وتركب طبق في المساحه الباقيه الي هي الشنطه وباقي مكان المرتبه الي شلت

والبزران اذا بتروح او تجي تحطهم فوق الطبق وفيه صوره لواحد من الأخوان مسوي طبق حلو يصلح مراتب ويصلح طبق تحميل وشفه بعينك

مع اني لا احبذ هذه الطريقه لأنه في راسي انك تنطل البزر فوق الطبق وخله يصير رجال يدبر نفسه بنفسه مع المطاب والملفات ههههه

هاك الصور وهي من المبدع أخينا مشغول




هاه وش رايك صاير مراتب اذا بغيته مراتب او طبق اذا تبيه طبق

وخذ هالصوره بعد تمعن فيها




وشف الي آخر مستوى ينزل معك





[blink]
اتوقع انها محلوله لكل من عشق الباترول الربع (( الربع لاغير ))
[/blink]

والشكر موصول لأخينا مشغول على طرح فكرة هذا الطيق فجزاه الله الجنه

[راعي الهـــدد]

ابوفهد الله يزين ايامك يالحبيب

اشكر لك تواظعك وحسن ردك يالغالي

[الدحبول]

الربع نيسان موتر صح حق بر وديره
ولكن على حسب الركاب إذا كان عندك هو يشل 4 بالغين
بس إذاكانت تشيل أهلك دايم مايصلح مثل حريم كبار في السن
بس يضل القرار لك إذا كانت متزوج وعندك 3 أطفال أو 4 يصلح لك

أو خذ تريل بليزر سعرة في الوكالة 80 دبل أربعة أبواب قير أوتومتيك قزاز كهرب وقفل كهرب وشور لك

[شبح الصحراء]

طيب ليش ما تشتري هايلوكس غمارتين دبل؟ لأنك في حالة المقانيص والكشتات البعيدة تحتاج الحوض تحمل فيه جراكل ماء وخيمة وعزبة بر وتقدر في نفس الوقت تشيل ربعك أو عيالك بالغمارة الخلفية فهي مناسبة للبر وللديره بس حط ببالك العزم ماينقارن بالباترول أبد .

[ابوو عبدالله]

السلام عليكم
بالنسبه للبترول الربع انا معي 99 ربع سلقه
وسبق ان كان معي كامل 4 ابواب
لكن الحقيقه والله فرق بالخفه والعزم اما اخوي النفود والله يطربك بعزمه وخفته ومتعة سواقته
وللمعلوميه انا عندي عيالي 2 الله يخليهم لي
اما المقانيص فخذ ولد يعجبك والله
والاكيد انه اريح 1000 مره من الهايلوكس واركد

وبالاخير نصيحة اخو اذا المقارنه بينه وبين الهايلوكس فخذه بدون مشورة احد

مجرد رأي اخوك ابوو عبدالله

[هاوي الله]

اووووووووووووووووووف لو فيه هايلكس غمارتين دبل 6 سرندل أشهد إنه بيمشي سووووووقها