فزعة ياشباب اللة يرحم والديكم

[الذيب 30]

فزعتكم ياشباب

أفكر أشتري

جيب باترول 2006 (سلقة)

عطون رايكم بالباترول ياأهل الخبرة

وهل يوجد فرق بين ال2006 و ال 2007 للي شايفهن ولو فرق بسيط ؟

وهل صحيح أنة فية عيب صناعي لاني سمعت إن الدركسون يرج ؟

[هلال المطيري]

انصحك في الجديد 2007 و2006 مافيه أي عيوب والله يباركلك فيه

[الذيب 30]

25 مشاهد ولا واحد يرد
الله يسامحكم

[محسن اليامي]

والله يالغالي مافيه عيوب إخذه وتوكل على الله ولا تنسى صلاة الإستخارة
أنا عندي 2003 وماشاءالله موتر في كل شي
واشلون عاد الجديد
ولافيه فرق بينهم اللهم الخط إللي على جنب الموتر بس

[الذيب سرحان]

والله يالغالي المسئلة مسألة توفيق من الله مثل ماقالوا الشباب استخر وتوكل على الله

[ابوفهد225]

اذا قصدك باب واحد

فهو مانزل لحد الان

الا في الشرقيه عند الجبر

ولا سمعت ان فيه اي عيوب

والموتر ماشاء الله

لكن انا جربته ولا اعجبتني مكينته

ومستحيل ارجع له الا اذا غيروا مكينته

واي خدمه ترانا حاظرين

ولاتزعل

[شامخ ألهيلا]

كل جديد زين ولا عليك خذ وانت مغمض اذا كان الدراهم ماتعوق معك
وتراه موتر يعتمد عليه وبخاخ يعني اقتصادي في البنزين احسن من الكلبليتر
وتوكل على الله

[سنايدي سدير]

اخوي الذيب توكل على الله واشتر تراه موتر
وان جاك العذال فاكثرهم ماجربوه وللعلم عندي رفيق كل انواع القنص جربه وله اكثر من25سنه وهويقنص وكان قبل 15 سنه
مواتره كلها باترولات ووالله انه يحوفه حوف الويل وأ ماكن القرشع يدخله ويقنص فيه وكأنه في رمل ماشاء الله تبارك الله
بس الشغله يبغالها نوع من الاهتمام من صيانه وتشييك وكل شى اذا زاد عن حده ينقلب ضده والله يختار لك الصالح
محبكم / سنايدي من سدير

[الذيب 30]

طيب ياشباب هل هو للمستخدام جيد او لا
يعني ما يطلب كثير اوخرباته كثيره

[وافي الهقوات]

ما ازيد على الاخوان

بصراحة أنا ماجربت الباترول

ولكن أقول دائماً وأبداً

تويوتا وبس

الله يطرح لك البركة وبالتوفيق

اخوكم وافي الهقوات ،،

[الذيب 30]

طيب اخوي وافي الهقوات ان معك التويوتا افضل ايش تقص بي التويوتا
الربع او الهدد (Gx)