كارونة وارد قطر أكبر من كارونة وارد البريمي !!!؟

[هاوي الله]

السلام عليكم ورحمة الله وبركاته

وارد قطر كارونته اكبر من كارونه وارد البريمي للعلم فقط . لانك لمن تركب بالون حجم 17 والكارونه كبيرة فمع الوقت تتعب الكارونه وتطلع صوت .
أما وارد البريمي فاكارونته صغيرة حتى لو ركبت عليه بالون حجم 17 فا مايضره . اغلبية الشباب عندنا بقطر يشتكون من هذي المشكلة .

هذا الموضوع هو عن لاندكروزر GXR - GX فقط .

نقلاً عن الأخ خبير العشوي وهو عضو بمنتدى مكشات

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ

سؤالي : كيف أعرف حجم الكارونه ؟؟

وما فائدة كِبر وصِغر حجم الكارونه ؟؟

[أبـو فـايـز]

هذا الزين يالغالي
الكارونه اللي مقاسها اكبر احسن للجيوب
وكل ماكبر حجم الكارونه صارت السيارة اقوى خصوصا في الرمل
وتسارعها افضل
لكن الوصول لسرعات عالية يكون اصعب
بينما الكارونه الاصغر اقل صرف للوقود وتريح المكينة وممكن تاصل فيها سرعات اعلى بس تراها اضعف في البر وغير البر

[أبو أسامة]

السلام عليكم ورحمة الله وبركاته

أنا مع كلام الأخ أبو شنب فسفوري 100%........... هههه والله لون الشنب فله ...... يا أخي أصبغه أسود وأرتح .......ههههههههه

[هاوي الله]

ابو شنب فسفوري مشكور ويعطيك العافيه

ابو أسامه مرحبا بك ......... بس شنبك وش لونه ؟ عسى مهوب لون بحري :d ... تحياتي

كيف أعرف حجم الكارونه ؟

[أبـو فـايـز]

بالنسبة لحجم الكارونه انا بحثت في الانترنت
للأسف ماحصلت شي للــGX-R وال6 سلندر عموما
لأن المواقع اللي بحثت فيها اجنبية وهي تويوتا امريكا وتويوتا استراليا وكلهم مايجي عندهم الا لاندكروزر 8 سلندر بدون تسميات VX-R
في امريكا الكارونة مقاس 4.1
في استرايا بحدود 3.6

حاول تدور بكتالوج السيارة
عن
Final Drive Ratio
وهو مقاس الكارونه
ملاحظة:
بعض الناس يستخدم رقمين بدل رقم واحد
يعني يقول لك مقاس الكارونة 50\15
بدل مايقول لك 3.3
هي نفسها ماتفرق
الرقم 3.3 هو حاصل تقسيم عدد اسنان ترس الكورونا (اللي هو في حالتنا 50) على عدد اسنان ترس البنيون (اللي هو في حالتنا 15)
ومنها يطلع الرقم 3.3
كل ماكبر هالرقم يصير الجيب افضل بكثير خصوصا في الرمل تحصله مايحفر ويمشي بخفة
اسف ماقدرت افيدك يالغالي عن حجم كارونة الــGX

معلومة اضافية خارجة عن الموضوع
عندنا في السعودية سيارات الدوريات فكتوريا
المكينة عادية نفس مكينة الفكتوريا العادي
بس مع ذلك قومتها اقوى ليش؟؟
لأن دفرنشاتها تختلف الكارونة اكبر علشان كذا اقوى من العادية

[anas]

بصراحة استفدت كثير من هذا الموضوع
مشكور يا ابو شنب على هذه المعلومات القيمة
ولا يهون اخونا هاوي هدد

[أبو الكيف]

يعطيكم العافية


و شكر خاص لابو شنب

[SilverSniper]

الكارونة مكونة من جزئين.. الطارة ( الترس الكبير ) .. والبنيون ( الترس الصغير )
نسبة تحويل الكارونة هي حاصل قسمة عدد أسنان الطارة على عدد أسنان البنيون..
كارونة 41/10 يعني نسبة التحويل 4.1
هناك علاقة عكسية وهناك علاقة طردية بين العزم والسرعة ..
كلما كانت النسبة أعلى كلما كان العزم والقوة أكبر.. ولكن تكون السرعة القصوى أقل..
وكلما قلت النسبة يقل العزم والقوة ولكن السرعة القصوى تزيد..
نفرض عندنا كارونة نسبة تحويلها 4.1.. وكارونة نسبة تحويلها 3.3..
تجد أن العزم في الكارونة 4.1 أكبر بكثير في القومة والفزة والقوة.. ولكن من الصعب أن تصل إلى سرعة 180 كم /س
بينما كارونة3.3 أقل عزم من السابقة ولكنها تصل 200 كم / س بسهولة..

فدائما الوسط أفضل.. لا تأخذ رقم كبير مرة يصير موترك ما يمشي.. ولا رقم صغير مرة يصير موترك ضعيف مرة..

[هاوي الله]

سلام الله عليكم

حيالله الشباب جميعاً ويامرحبا

ابو شنب : بيض الله وجهك على ذالمعلومات المُفيده ويعطيك ألف مليون عاااافيه .

سلفر سنيبر : مشكوووور يالغالي معلومات جميله جداً .

لكن تجربتي في سيارتين كانت مختلفه . GXR 2003 و GX 2006 = الــ GX أفضل بكثير في الفزه والعزم والسرعه .

ملاحظه : الــ GX أثقل من الـ GXR ( بالوزن )

[بواسامه]

طيب اللي اعرفه من سابق تجربه خربت على كرونه بقطر ولقيتهم يجيبون قطعة الغيار من الامارات
واظن اسم الكراج دكار متخصص في الكروزر

[راعي ساموده]

ههههههههه الله يكره بليسك يا ( ابو شنب فسفوري ) اسمك مايناسب روعة ردودك