اود ان اسال عن فائدة العازل الشفاف الذي يفرش به الرظيات السيارة ومادى فائدته
وماهي سلبياته.
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
اود ان اسال عن فائدة العازل الشفاف الذي يفرش به الرظيات السيارة ومادى فائدته
وماهي سلبياته.
هلا اسهيل
فائدة العازل يحمي فرشة الارضيه من الماء والاوساخ
وتنظيفه سهل جدا بقطعة قماش ومويه يعني يحافظ علي موكيت السياره لفتره طويله
حاول تركب نوع سمكه 4 ملم بس اللي يركبه يكون فنان
بالتوفيق
مكشاتي برونزي
السلام عليكم ورحمة الله وبركاته
عزيزي انا مجربها على vxr ورايح لافضل واحد في الغرابي والي قاهرني طلعت السيارة من حوش الوكالة (الحرص الزيد ) الى شارع الغرابي واحط التلبيسة الشفافة سابقة الذكر وابخشش العملين وخر عن دربي وفرحان باحافظ على السيارة وبغيت اغلف السيارة كلها بتغليفة السندويش لكن ماأقدر وووو وفكو الديكور والمراتب والثلاجة وبدا قلبي يتقطع وانا اعرف انهم ماراح يرجعونه مثل المصنع ولا الوكالة يقدرون بعد واغمض عيوني كني ماشوف وبعد التركيب الامحق رحت للبر وسافرت والصغيرين ماقصرو الي كاب بيبسي او مويه والشباب شاهي وكفي وهذي حال الدنيا يوم بدة الروايح واكتشف الخطء
قصة حياتي
من الخطء في الاساس تركيب التلبيسة الشفافة لانه السوائل بتدخل مع فتحات البراغي حقة قواعد المراتب وينحبس السائل بين الموكيت والتلبيسة ثم يكون رايح تبخير راجع تكثف ثم يدوخ راسك من الريحة وتفتح السيارة ثلاثة ايام كود تروح الريحة واذا بدون تلبيسة خلال يوم
نصيحة لا تركب التلبيسة الشفافة وحط الوطايات الاساسية واستخدم الشفط في تنظيف السيارة واحرص على تلبيس المراتب
وشكرا
ترايي مجرب كل هذا مو فلسفة لكن حسرة وقهر من الهنود الي لعبو في سيارة جديدة وتلبيس المراتب تلبيسة عادية من دون فك اي شيي
واي استفسار انا حاضر ياخوان
واشكر هذا الموقع والقائمين عليه واشكر الاعضاء لما استفت منهم في اشياء كثيرة
ولعلنا نفيد
مع ا طيب تحية للجميع
احسنت اخوي الساهر
اوافقك 100%
دمت بخير
استمتع بهواية اللاسلكي ودع غيرك يتمتع بها كذلك
7Z1FM
والله كلامك يالساهر انه جاء على الجرح
مكشاتي متقدم
افضل تركيب البلاستيك الشفاف بالشنطه الخلفية للجيوب والجمس واليوكن افضل من اي مكان ثاني ،،،
انا ركبت الشفاف عند السماعيل للزينه وتلبيس الارضيات شغلهم نظيف ومرتب ،،،
ركبت كامل الزياره جاهزه ومفصله مسبقاً عندهم حسب موديل السياره ،،،
5 عمال يشتغلون بالسياره ،،، والحمدلله مافيه مشاكل والزين انك تقدر تشيل فرشة الارضيات الموقته عشان تغسلها بالمغسله او بالبيت
والزين اذا انسكب ماء او اي شي ثاني او مع حوسه الاطفال ،،،
دخل الموتر الحوش وبمكنسة الكهرب شفط افضل من نفخ الهواء وخصوصا الرمل بالشنطه مع شيل الاغراض والحطب ،،،
تحياتي
قال تعالى" أَفَحَسِبْتُمْ أَنَّمَا خَلَقْنَاكُمْ عَبَثـًا وَأَنَّكُمْ إِلَيْنَا لا تُرْجَعُون "
مكشاتي متقدم
اوافق 100%المشاركة الأصلية كتبت بواسطة الساهر2003
وازيدك يوم كنا كاشتين ومعبين التانكي ونسينا نصكه والا مع هلمطامر بين النفود الا وينجعف علينا ذات اليمين واليسار وجلسنا اسبوع طاقينه بالشمس يالله انه نشف ((( والسبب ))) الفرشه العازله
مكشاتي
إذا تسربت المويه تحت تلبيسة الشفاف فأبشر بالريحة !!!!!!!!!!!!!
خيستني لين فكيتها ....
مكشاتي متقدم
السلام عليكم ورحمة الله وبركاته
صدقت والله ياخوي ( الساهر) في كل ماقلت وانا ركبته مثلك يوم السيارة جديدة فرحان بها طبعا ومثل ماحصل لك رحت خليتهم يركبون ارضية البلاستيك وبعد حدود ساعة جيت وتمنيت اني ماجيت يوم شفت الحوسة اللي مسوينها في الموتر وقلت في نفسي كيف يستطيعون إعادة ما قاموا بفكه ، وسألتهم لكي اطمئن ، هل هذه اول سيارة تسوون لها تلبيس قالوا لا كتير سيارة سوي قلت الموت مع الجماعة رحمه .
وفي يوم من الايام وانا طالع للبر ومركب جيكات ماء ام بزبوز شاريها من الغرابي في ذاك اليوم المشؤوم اللي ركبت فيه التلبيسه اياها وفي احد المنعطفات على الطريق طاح واحد من الجيكات وانكسر بزبوزه وهو يخر داخل السيارة وانا ما ادري الا يوم وقفت الا والسيارة تقول مسبح ويدخل الماء مثل ما قلت من اماكن المسامير حقت المراتب ومن جميع الفتحات اللي موجودة في الارضية ، وقمت انشف واشطف الماء وبعد ايام الا وريحه السيارات ما تنطاق ومستحي اركب احد معي المهم واقوم امصع البلاستيك ودائم اوقفها في الشمس واخلي الدرايش مفتحة حتى نشفت الارضية وحرمت من بعدها اركب ارضية البلاستيك ابد وشهو له وانا مركب دعسات في الامام والخلف والشنطه وملبس المراتب .
مكشاتي متواصل
انا اتفق مع الاخوان اللى قالوا لاتركب تلبيسة . ولاحتى على الدعاسات لانها مع الوقت تكمش وتعفط .
لكن اقول نظف الفرش اول باول وبعد كل طلعه واذا غسلت عند المغسله اطلب تلبيس الدعاسات من البلاستيك الخفيف ( والله ياهي تخدم خدمه ) وغيرها عند كل تغسيلة وبالنسبة للجزء الخلفي رح للغرابي واطلب من اللي يلبسون بلاستيك يقص لك على مقاس الشنطة ويزيد من كل جهه 30 سم ومن النوع السميك وعند كل طلعه افرشها وخلها تطلع على الجوانب الزيادات اللي ذكرتها علشا اذا انكب ماء ماينزل على الفرش وكذلك تحمي الفرش من الاوساخ . انا هذي تجربتي وماشاء الله فرش سيارتي اخو الجديد مع انها موديل 99 ( مداح روحه ... ) ههههه اسف على الاطالة
اخوي الساهر ما قصر جاب العلم
انا بعد لي تجربه سيئه
كنت طالع للدوام ومتأخر ومريت بوفيه وانا عجل واخذت منه كوب شاهي حليب
ومن العجله يوم ركبت ما حطيت الكوب زين وطاح بين الجلنط والمرتبه
وطبعا تسرب تحت البلاستك ومالك سنع تنشفه
وبعد يومين وتبدا ريحة الدود تفوح من الموتر
واشق البلاستك وتنظيف بفيري ومعطرات واسبوع على ما راحت الريحه
nmr-nmr@hotmail.com
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
.jpg)