( وش اخبار الطيور بسوق الرياض )

[طيرالحمــــاد]

الاخوه الصقاره...................
السلام عليكم ورحمة الله وبركاتة
حبيت استفسر عن اسعار الطيور اللي مربوطه بسوق الرياض ( فروخ الحرار ,القرانيس, فروخ الشياهين)
طبعا الفاعله منها .
وش اسعارها لاني رايح هاليومين أبي لي طير ولاادري عن اسعارها
الاخوه الصقاره/ اللي عند خبر عنها أمل ان يفيدنا ولايبخل علينا بشي من اخبارها.
وهل يالربع تنصحونني أشتري منها .

ولكم جزيل الشكر

[تالي الاولين*]

.


طير الحماد


اما عن الشياهين مايجلب طيب للسوق تشري كوم ريش ماتدري عن فعل

والحرار تلقاها بس مانصحك تاخذ من السوق كانك تبي الطيب

دور عند احد ثقه وتعرفه وعلمه وكاد تعرف هاليام نادر الصادق

على كل حال انا مستعد ياسنايدي اذا تبي اشيك على السوق

بس بشرط اذا نويت جيه للرياض تسير علي وابشر بعزك



اخوك / تالي الاولين

.

[طيرالحمــــاد]

الاخ تالي الاولين ......

اولا :اشكرك على الرد السريع وعلى النصيحه
وعز الله انك صادق هالايام الحكي ماتاخذه كله خصوصا تجار السوق ومريت انا عشش طيور ولقيت كل الطيور اللي بها ماشاء الله ( تلحق, وفاعله,
وطلع وركاده ) ؟؟!! والله تستغرب تقول وشلون ايبيعه صقاره.
اخي تالي الاولين المشكله اللي عنده طير من الصقاره اللي انعرفهم تلقى سعره
خيالي .
الله يعطيك العافيه مافيه داعي اتكلف على نفسك وتروح للسوق واوعدك اني اذا رحت انشاءالله الاامرك .
ياليت اذا كان عندك خبر او عند احد من الشباب اصحاب الخبره بالصقاره واللي يمرون السوق ايفيدني عن سعر الفرخ الحر (صافي الثلاث).
وكل الشكر ياتالي الاولين00000
طيرالحمـــــــــاد

[المري]

السلام عليكم

مرحبا اخي برد الحماد

بالنسبه لسوق الطيور في الرياض وفي اي مكان لازم طير المربط الان غالي


لو انك رايح للسوق في بداية شهر 3 كان لقيتها بالماء .


اخي برد الحماد ويش قصدك بصافي الثلاث.


لاني اول مره اسمع هذه الكلمه ارجو ان تفيدني باسرع وقت..


اخوك: المري

[أبو جواهر]

السلام عليكم :

قريت مواضيعكم الطيبه واقول لتالي الاولين بيت عامر باهله لكن اتساءل عن بعض الامور يا برد الحماد أنا لي خبره بالطيور من ماضيها ألى حاضرها لكن مثل ما قال المري وششششش تقصد بصافي الثلاث وبصراحه ما قد سمعت بهالوصف أبد حتى من أجدادي وعامة الصقاره.
ولك مني أحلا تحيه واحترام(مع أحترامي لصقارتك يجوز المسميات تختلف من مكان لأخر) وشكرا.

[المري]

هلا اخوي ابو جواهر طول علينا برد الحماد الظاهر انه انشغل على النت

بس ان اقولك يمكن والله العالم ترى ماهو اكيد : يمكن يقصد بصافي الثلاث هو:

صافي الوجه وصافي الظهر وصافي العمد ((ترى هذا حسب اعتقادي))


يعنى ماهو اكيد بس نتظر رد اخونا برد الحماد